Chapter Title : ❤️റസിയ❤️ 5 [SKR] [Climax]

ആകാശത്ത് കരിമേഘങ്ങൾ ഉരുണ്ടുകൂടി വലിയ ശബ്ദത്തോടെ പെരുമഴ പെയ്യാൻ തുടങ്ങിയിരുന്നു. മഴത്തുള്ളികൾ വന്ന് ദേഹത്ത് വീഴാൻ തുടങ്ങിയതോടെ റസിയ വേഗത്തിൽ കാറിന്റെ ഡോർ തുറന്ന് അകത്തേക്ക് കയറി. മുൻസീറ്റിൽ കയറുന്നതിന് പകരം അവൾ കാറിന്റെ പിൻസീറ്റിലേക്കാണ് കയറിയത്.

വശങ്ങളിൽ പറ്റിപ്പിടിച്ച മഴത്തുള്ളികൾ തുടച്ചുകൊണ്ട് അവൾ വാതിൽ ഭദ്രമായി അടച്ചു.

​വാഷ്റൂമിൽ നിന്നും തിരികെ വരാന്തയിലെത്തിയ അലി പുറത്തെ കനത്ത മഴ കണ്ട് അവിടെത്തന്നെ നിന്നു. കുറച്ചകലെ പാർക്ക് ചെയ്തിരിക്കുന്ന കാറിലേക്ക് ഇപ്പോൾ ഓടിയാൽ ശരീരം പൂർണ്ണമായും മഴ നനഞ്ഞു കുതിരും. മഴ എങ്ങാനും ഒന്നു കുറയുമോ എന്ന് നോക്കി അവൻ തിയേറ്ററിന്റെ വലിയ വരാന്തയുടെ ഒരരികിൽ കൈയും കെട്ടി നിന്നു. സമയം അപ്പോഴേക്കും വൈകുന്നേരം അഞ്ച് മണിയോടടുത്തിട്ടുണ്ടാകും. അന്തരീക്ഷമാകെ മഴക്കാറുകൊണ്ട് ഇരുണ്ടുപോയിരുന്നു.

​കാറിന്റെ വിൻഡോ ഗ്ലാസിലൂടെ റസിയ പുറത്തേക്ക് നോക്കിയപ്പോൾ, മഴയത്ത് തണുത്തുവിറച്ച് വരാന്തയിൽ നിൽക്കുന്ന അലിയെ അവ്യക്തമായി കണ്ടു. അവൾ ഒട്ടും സമയം കളയാതെ കാറിന്റെ പിൻഗ്ലാസ് മെല്ലെ താഴ്ത്തി അവനെ കാറിലേക്ക് വരാൻ കൈവീശി കാണിച്ചു.

തിയേറ്റർ മുറ്റത്തെ കനത്ത മഴയ്ക്കിടയിലൂടെ റസിയ കൈവീശുന്നത് അലി കൃത്യമായി കണ്ടു. ഇനി ഇവിടെ നിന്നിട്ട് കാര്യമില്ലെന്നും മഴ നനഞ്ഞാലും വേണ്ടില്ല ഉമ്മയുടെ അടുത്തേക്ക് എത്തണമെന്നുമുള്ള ആഗ്രഹം അവന്റെ ഉള്ളിൽ ഉണർന്നു. അവൻ തലയിൽ കൈവച്ച് ആ പെരുമഴയത്ത് ഓടി കാറിന് അരികിലെത്തി.

​അവൻ വരുന്നതു കണ്ട് റസിയ വേഗത്തിൽ കാറിന്റെ പിൻവശത്തെ ഡോർ ഉള്ളിൽ നിന്നും തുറന്നുകൊടുത്തു. അലി ഒരൊറ്റ ചാട്ടത്തിന് കാറിന്റെ പിൻസീറ്റിലേക്ക് കയറി വാതിൽ വലിച്ചടച്ചു. ഡോർ ലോക്ക് ചെയ്തു,അവന്റെ തലമുടിയും ഷർട്ടിന്റെ