രതി ശലഭങ്ങൾ 10

Rathi Shalabhangal Part 10 | Author : Sagar Kottappuram

Previous Parts

പിറ്റേന്ന് ബീനേച്ചിക്കു അവരുടെ കൂട്ടുകാരിയുടെ മകളുടെ കല്യാണം ഉണ്ടാരുന്നു, വൈകീട്ടാണ് റിസപ്‌ഷൻ, നാല് മണിക്ക് സ്റ്റാർട്ട് ചെയ്യും ! . കിഷോറിന് ആണെങ്കിൽ പോകാൻ വല്യ താല്പര്യമില്ല. ഇനി ആകെ കൂടി മൂന്നു നാല് ദിവസങ്ങളെ നാട്ടിൽ അവശേഷിക്കുന്നുള്ളൂ . പോരാത്തതിന് ഞായറാഴ്ചയും . ഇന്ന് ഗൾഫിൽ പോകുന്നതിനു മുൻപുള്ള "ചെലവ്" ഫ്രെണ്ട്സിനൊക്കെ കൊടുക്കാമെന്നേറ്റ ദിവസവുമാണ് . അപ്പോഴാണ് ബീനേച്ചിയുടെ വിളി . മൂന്നു മണി ആകാറായി കാണും...

കിഷോർ കലിപ്പിട്ടു . അവൻ ചെല്ലുന്നില്ലെന്നു ബീനേച്ചിയുടെ അടുത്ത് പറഞ്ഞു . കിരൺ ആണെങ്കിൽ ബീനേച്ചിയുടെ വീട്ടീന്ന് തിരികെ വന്നിട്ടില്ല. അപ്പോൾ പിന്നെ ഒറ്റയ്ക്ക് ബസ് പിടിച്ചു പോണം .ഒരു മണിക്കൂറോളം യാത്ര ഉണ്ട് അവിടേക്കു .തിരിച്ചു ഒറ്റയ്ക്ക് വരികയും വേണം .മാത്രമല്ല വീട് നിൽക്കുന്നത് ഗ്രാമ പ്രദേശത്താണ് , ടൗണിൽ ഇറങ്ങി പിന്നെ ഓട്ടോ ഒകെ പിടിച്ചു പോകേണ്ടി വരും .

ബീനേച്ചി ഒടുക്കം കിഷോർ വരുന്നില്ലെങ്കിൽ വരണ്ട , പകരം അവരെ അവിടെ ബൈക്കിൽ കൊണ്ട് വിടാൻ പറഞ്ഞു . കിഷോറിന് അതിനും മടി ആണ് . സുമേഷിന്റെ ഓട്ടോ ശരിപ്പെടുത്താം അതിൽ പൊക്കൊളു എന്ന് അവനും പറഞ്ഞു . അതൊന്നും പറഞ്ഞാൽ പറ്റില്ല കിഷോറിനോട് തന്നെ വരണം എന്ന് ബീനേച്ചി തറപ്പിച്ചു പറഞ്ഞു . അവര് പറഞ്ഞ പറഞ്ഞതാ ! ഒരു തടവ് സൊന്ന സൊന്ന മാതിരി !

ഒടുക്കം കിഷോർ വരുന്നില്ലെന്ന് തീർത്തു പറഞ്ഞു .ബീനേച്ചി ആണെങ്കിൽ എങ്ങനെ പോകുമെന്നുള്ള ആലോചനയിലും .അങ്ങനെ ആണ് ബീനേച്ചി വീണ്ടും കിഷോറിനെ വിളിക്കുന്നത്. കിഷോർ സ്വല്പം അരിശത്തോടെ ആണ് ഫോൺ എടുത്തത്. ഞങ്ങൾ എല്ലാരും വീടിനടുത്തുള്ള വയലിനോട് ചേർന്നുള്ള പറമ്പിൽ ഇരുന്നു വെള്ളമടിക്കാനുള്ള പ്ലാനിൽ ആയിരുന്നു . ഞാൻ അടിക്കാറില്ലെങ്കിലും ഒപ്പം കൂടും. ടച്ചിങ്‌സ് തിന്നു തീർക്കൽ ആണ് എന്റെ മെയിൻ കലാപരിപാടി .

എല്ലാ ഗാങ്ങിലും കാണുമല്ളോ അങ്ങനെ ഒരുത്തൻ. ഇവിടെയത് നോം ആണ്