Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 9 [Sagar Kottapuram]

ഗൗരവത്തോടെ ചോദിച്ചു . ഞാനതിനു ഒന്ന് പുഞ്ചിരിച്ചുകൊണ്ട് തിണ്ണയിലേക്കിരുന്നു . "ചാ ച്ചാ.." എന്നെ കണ്ടതും റോസിമോള് അച്ഛന്റെ മടിയിലിരുന്നുകൊണ്ട് എനിക്ക് നേരെ കൈചൂണ്ടി . "അവിടെ ഇരുന്നെടി...ഞാൻ എവിടേക്കും പോണില്ല .." ഞാൻ പെണ്ണിന്റെ ചാട്ടം കണ്ടു കണ്ണുരുട്ടി . അച്ഛൻ അതെല്ലാം ശ്രദ്ധാപൂർവം നോക്കി കാണുന്നുണ്ട് . "നിങ്ങൾ എങ്ങനെയാ പോണേ ? ബുദ്ധിമുട്ട് ഇല്ലെങ്കിൽ അച്ഛൻ എന്റെ കാർ എടുത്തോ " അവർ തറവാട്ടിൽ പോകുന്ന വിഷയം ഓർത്തു ഞാൻ പയ്യെ പറഞ്ഞു . അച്ഛന് ഡ്രൈവിംഗ് ഒകെ അറിയാവുന്നതാണ് . "ഹ്മ്മ്...ആലോചിക്കാം .." അതിനു പുള്ളി പയ്യെ ഒരു മറുപടി നൽകി . പിന്നെ റോസിമോളെ മടിയിലിരുത്തി കൊഞ്ചിച്ചു . "ആലോചിക്കാൻ ഒന്നുമില്ല ..അച്ഛൻ അതില് പോയാൽ മതി .."

ഞാൻ ആദ്യമായി അച്ചന്റെ മുൻപിൽ ഒന്ന് സ്വരം ഉയർത്തി . പിന്നെ ഒന്നും മിണ്ടാതെ എണീറ്റ് ഹാളിലേക്ക് നടന്നു . പുള്ളി എന്ജറെ പെരുമാറ്റം ചിരിയോടെ വീക്ഷിക്കുന്നുണ്ട് . രണ്ടു കാർ ഒകെ വീട്ടിൽ ഉണ്ടായിട്ടും അച്ഛനും അമ്മയും അഞ്ജുവും കൂടി ഓട്ടോയിൽ പോകുന്നത് എനിക്ക് നാണക്കേട് ആണ് !എന്റെ സൗണ്ടും അനക്കവും ഒകെ കേട്ടതോടെ മഞ്ജുവും അടുക്കളയിൽ നിന്ന് അരങ്ങത്തേക്കെത്തി. എന്തായാലും അച്ഛനും അമ്മയുമൊക്കെ പോയ ശേഷം കഴിക്കാമെന്നു ഞാൻ അവളോട് സ്വകാര്യം പറഞ്ഞു ഡൈനിങ് ടേബിളിനു അടുത്തിരുന്നു . ഒരു പിങ്ക് കളർ നൈറ്റി ആണ് അവളുടെ വേഷം ! അങ്ങനെ കുറച്ചു കഴിഞ്ഞതോടെ മാതാശ്രീയും ഒരുക്കം കഴിഞ്ഞു റൂമിൽ നിന്ന് പുറത്തിറങ്ങി . പിന്നെ എന്നോടും മഞ്ജുസിനോടും യാത്ര പറഞ്ഞു അഞ്ജുവിനോടൊപ്പം ഉമ്മറത്തേക്കിറങ്ങി . "എന്ന പോവല്ലേ ?" ഉമ്മറത്തിരിക്കുന്ന അച്ഛനെ നോക്കി എന്റെ മാതാശ്രീ ചോദിച്ചു . "ആഹ്..." പുള്ളി അമർത്തിമൂളികൊണ്ട് റോസിമോളെയും എടുത്തു എഴുനേറ്റു . "ഡാ കീ എവിടെ ?" എഴുനേറ്റു ഞങ്ങൾക്കടുത്തേക്കു വരവേ അച്ഛൻ ഗൗരവത്തിൽ തിരക്കി . അതോടെ എനിക്ക് ആശ്വാസമായി . ഞാൻ ആവശ്യപ്പെട്ട കാര്യം അച്ഛൻ അംഗീകരിച്ചിരിക്കുന്നു ! "കാറിന്റെ ഉള്ളിൽ തന്നെ കാണും .." ഞാൻ