Chapter Title : രതിശലഭങ്ങൾ മഞ്ജുസും കവിനും 29 [Sagar Kottapuram] [CLIMAX]

കാര്യം ആണ് !

രണ്ടു കുഞ്ഞുങ്ങളെയാണ് മഞ്ജു എനിക്ക് സമ്മാനിച്ചത് ! റോസും ആദിയും !

ഒരു കൊല്ലത്തിനിപ്പുറം നിൽക്കുമ്പോൾ എന്റെ കൂടെ മഞ്ജു ഇല്ല . ഞാനും കുട്ടികളും മാത്രം . ഹാളിലെ സോഫയിൽ ആദിയെ കൊഞ്ചിച്ചുകൊണ്ട് ഞാൻ ഇരിപ്പുണ്ട് . തൊട്ടപ്പുറത്തു എന്റെ റോസുമോളെ പാലുകുടിപ്പിച്ചുകൊണ്ട് അഞ്ജുവും !

മഞ്ജുസിന്റെ അസാന്നിധ്യത്തിൽ കുപ്പിപാല് കൊടുക്കുകയെ നിവർത്തി ഉള്ളു ! റോസുമോള് പരാതി ഒന്നും പറയാതെ അത് കുടിക്കുന്നുണ്ടേലും ആദികുട്ടൻ വാശിയിൽ ആണ് ! അതുകൊണ്ട് തന്നെ കക്ഷി തൊണ്ട പൊട്ടും വിധം കരയുന്നുണ്ട് .

"ഏഹ് ഏഹ്...ങ്ങീ ങ്ങീ ..മ്മാ മാ ."
അവൻ ഏതൊക്കെയോ ശബ്ദത്തിൽ വാശിപിടിച്ചു കരയുന്നുണ്ട് .

"ഓഹ്...ഓഹ് ..വാവേ കരയല്ലേ...."
ഞാൻ അതിന്റെ കരച്ചില് നോക്കി ചിണുങ്ങി . പിന്നെ എന്റെ തോളിലിട്ട് അവന്റെ പുറത്തു തഴുകി നോക്കി .

"വാവോ...വാവോ...അച്ഛന്റെ മുത്തല്ലേടാ , ഒന്ന് സ്വൈര്യം താടാ ചക്കരെ "
ഞാൻ അതിന്റെ പുറത്ത്‌ തട്ടി നിസഹായനായി പറഞ്ഞു .

ആ കാഴ്ചയും കണ്ടുകൊണ്ടാണ് എന്റെയമ്മ കയറി വന്നത് .

"എടാ..പൊട്ടാ ..അത് പാല് കുടിക്കാൻ വേണ്ടി കരയുവാ .."
അമ്മ എന്റെ കാട്ടിക്കൂട്ടൽ കണ്ടു ചിരിച്ചു .

"അതിനു ഈ സാധനം കുടിക്കണ്ടേ ..തെണ്ടി ചെക്കൻ "
ഞാൻ ആദിയുടെ മുഖത്ത് നോക്കി കണ്ണുരുട്ടി. അതോടെ അവന്റെ കരച്ചിലിന്റെ വോളിയം കൂടി .

"ഏഹ്..ഏഹ്....ങ്ങീ മ്മ ..മ്മ മാ "
അവൻ ചുണ്ടു കടിച്ചുകൊണ്ട് ചിണുങ്ങി .

"എന്റെ കണ്ണേട്ടാ അത് മഞ്ജു ചേച്ചിയെ കാണാഞ്ഞിട്ടാ