Chapter Title : redcg

എവിടെ?”

“അയാൾ അപ്പുറത്ത് എവിടെയോ ഉണ്ട്..”

“മ്മ്..”

“ആമി നീ ആദ്യമായിട്ടാണോ??”

“മ്മ്..”

“കമ്പനിയുടെ പ്രൊജക്റ്റ്‌ ഹെഡ് ആയിട്ട് നീ ഒന്നിലും പെടാതെ ഇങ്ങനെ മാറി നിൽക്കുന്നത് നാണക്കേടാണ് ട്ടൊ..”

“ഓ പിന്നേ..”

“എങ്കി നമുക്ക് അങ്ങോട്ട് മാറിയിരുന്നാലോ..?”

“ആ..”

അവൻ അവളെയും കൊണ്ട് ഫുഡ്‌ ബോഫെ വച്ചതിനു അടുത്തുള്ള സോഫയിൽ ചെന്നിരുന്നു. അകലം പാലിച്ചാണ് ഇരുന്നത്. ഫുഡിന്റെ സമയം ആകാത്തത് കൊണ്ട് അവിടെയുള്ള മഞ്ഞ വെളിച്ചം ഒഴിച്ചാൽ ബാക്കിയൊക്കെ ഡാർക്ക്‌ ഷെയ്ഡ് ഉള്ള വെളിച്ചങ്ങൾ മിന്നി മറയുന്നുണ്ട്. അവൻ അവളറിയാതെ കുറച്ച് നേരം അവളെ ശ്രദ്ധിച്ചു. എന്തൊരഴകാണ് പെണ്ണിന്..!

“ആമി ഞാൻ പറഞ്ഞ കാര്യം എന്തായി..?

അവൻ കുറച്ച് അടുത്തു കൊണ്ട് പറഞ്ഞു. അതവൾക്ക് ഒരൽപം പേടിയായി.

“അത് നടക്കില്ല റിതിയേട്ടാ..”

“എന്താ കാര്യം..?”

“അവൾ ഒന്നും മിണ്ടിയില്ല..”

“പറ പെണ്ണേ.. എന്തെങ്കിലും ഇല്ലാതെ ഇങ്ങനെ അവോയ്ഡ് ചെയ്യേണ്ടേ കാര്യമില്ലലോ..”

“ഞാൻ അവോയ്ഡ് ഒന്നും ചെയ്തില്ല..”

“എങ്കി പറ.. എന്നെ ഇഷ്ടപ്പെടാതിരിക്കാൻ എന്താ കാര്യം??”

“ഇഷ്ടമില്ലെന്ന് പറഞ്ഞില്ലല്ലോ..”

“ഇഷ്ടമാണെന്നും പറഞ്ഞില്ലാലോ..”

“മ്മ്..”

“അപ്പോ അതിനെ തടസ്സപ്പെടുത്തുന്ന എന്തോ കാര്യം ഉള്ളിലുണ്ട് അത് പറ..”

ആ സമയം അവരുടെ ടീം മേറ്റ് ദൃശ്യ ഇവരെ കണ്ട് അടുത്തേക്ക് വന്നു.

“ഹേയ് ആമി.. നീയെന്താ ഇവിടെ ഇരിക്കുന്നെ?? കമോൺ..”

അവൾ ചോദിച്ചു കൊണ്ട് അടുത്തേക്ക് ചെന്നു.

“ആഹ റിതിയും ഉണ്ടോ.. വാ മാൻ.. രണ്ട് സ്റ്റെപ്പ് ഇടാം..”

“ആ ഞാൻ വരാം..”

“കമോൺ ആമി..”

“അവൾക്ക് ഇതൊന്നും പരിചയമില്ലെടി. ഇവിടെ ഇരിക്കുന്നത് കണ്ട് കമ്പനി കൊടുക്കാം എന്ന് കരുതി വന്നതാ..” റിതിൻ കയറി പറഞ്ഞു.

“എന്താ ആമി.. ഇങ്ങനെയല്ല ഓരോ കാര്യങ്ങൾ പഠിക്കുന്നെ??”

ആമി എല്ലാം കേട്ട് കൊണ്ട് പുഞ്ചിരിച്ചു ഇരുന്നതേ ഉള്ളു. അപ്പോഴേക്കും ദൃശ്യക്ക് വിളി വന്നു.

“യെസ്.. വൺ മിനുട്ട്.. ഗയ്‌സ് വാ..”

ദൃശ്യ അവരോട് പറഞ്ഞു.

“വരാം നീ ചെല്ല്..”

ആമി പറഞ്ഞത് കേട്ട് ദൃശ്യ അങ്ങോട്ടേക്ക് ചെന്നു.

റിതിനും ആമിയും ഡാൻസിൽ ചുവട് വച്ച് തുടങ്ങുന്ന ആൾക്കാരെ നോക്കിയിരുന്നു. ശേഷമവൻ വീണ്ടും കാര്യത്തിലേക്ക് വന്നു.