Chapter Title : റോങ് നമ്പർ [ആദി ആദിത്യൻ]

മീര ഫോൺ കട്ട് ചെയ്തു. , അവളുടെ മുഖത്ത് അപ്പോൾ ഒരുതരം ആശുദ്ധമായ ചിരി വിടർന്നു, "സ്വന്തം ഭർത്താവിന്റെ ശബ്ദം ഞാൻ തിരിച്ചറിയുന്നില്ലെന്നാണ് അദ്ദേഹം കരുതുന്നത് ... വന്യമായ ഭാവനകളും കൊണ്ട് വന്നിരിക്കുന്നു..." അവൾ മന്ദഹസിച്ചു. ലാപ്ടോപ്പ് തുറന്ന് അവളുടെ പ്രിയപ്പെട്ട ഗാനം പ്ലെ ചെയ്ത് വത്യസ്തങ്ങളായ ഹാലോവീൻ വസ്ത്രങ്ങൾ വിൽക്കുന്ന ഒരു ഓണ്ലൈൻ സ്റ്റോറിലേക്ക് ശ്രദ്ധ തിരിച്ചു...

ഫോണ് കട്ട് ചെയ്തപ്പോൾ ഞാൻ ആവേശത്തോടെ വിറയ്ക്കുകയായിരുന്നു, കഴിഞ്ഞ കുറച്ച് ദിവസങ്ങളായി ഈ ഫോൺ ഗെയിം തുടരാൻ കഴിയുന്ന എന്തെങ്കിലും ആശയം ആലോചിച്ചിരിക്കുകയായിരുന്നു ഞാൻ. ഭാര്യ തന്നിൽ നിന്നും രഹസ്യം സൂക്ഷിക്കുന്നു എന്നറിഞ്ഞതിൽ പിന്നെ വല്ലാത്തൊരു ആകാംഷയാണ് മനസ് നിററെ... അവളെ അത്രമേൽ സ്നേഹവുമാണ് അതോടൊപ്പം ഒരിക്കൽ അവളുടെ കുഞ്ഞു കള്ളത്തരങ്ങൾ കയ്യോടെ പൊളിക്കുന്നതിലുള്ള ത്രില്ലും... എന്റെ മനസ് ഒരുങ്ങിക്കഴിഞ്ഞു.. എന്ത് റിസ്ക് എടുക്കാനും ഇപ്പോൾ സജ്ജമാണ്. റിസ്ക് കൂടുന്തോറും ആഹ്ലാദവും കൂടുന്നു. എങ്കിലും ഹലോവീൻ പാർട്ടിയിൽ പങ്കെടുക്കാൻ അവൾ ഇത്ര വേഗം സമ്മതിക്കുമെന്ന് ഒരിക്കലും കരുതിയിരുന്നില്ല...

അന്ന് രാത്രി കിടന്നപ്പോൾ മീര ഹാലോവീൻ പാർട്ടിയെപ്പറ്റി എന്നോട് ചോദിച്ചു. തനിക്ക് അറിയാവുന്ന ചില കാര്യങ്ങൾ എന്നാൽ അത്ര ഡീറ്റയിൽ ഇല്ലാതെ അവൾക്ക് ഞാൻ പറഞ്ഞു കൊടുത്തു.

" ഈ പ്രാവശ്യം നമുക്കൊന്ന് പോയാലോ രാജീവ്.."

"അയ്യോ അന്നെനിക്ക് ഇമ്പോർട്ടാണ്ട് ആയി ഒരു കളയിന്റ മീറ്റിംഗ് ഉണ്ട് ഡാർലിംഗ്... സോറി..."

"ഇതൊന്നും നമ്മുടെ നാട്ടിൽ എക്സ്പീരിയൻസ് ചെയ്യാൻ പറ്റില്ല. ഇവിടെ ജീവിക്കുമ്പോൾ ഇതൊക്കെ അനുഭവിക്കാതെ പിന്നെ എന്ത് രസമാണ് രാജീവ്... ഞാൻ എന്തായാലും പോകാൻ തീരുമാനിച്ചു.."

"നീ ഒറ്റയ്ക്കോ..... "

"രാജീവ് വരുന്നില്ലല്ലോ.... ഇനിയിപ്പോ ദീപയെ നോക്കാം...."

അവളും ഞാനും ഒരേ ആവശ്യക്കാരായത് കൊണ്ട് കാര്യങ്ങൾ പെട്ടെന്ന് നടപടി ആയി..ദീപ ഞങ്ങളുടെ അയൽക്കാരിയും ഫാമിലി ഫ്രണ്ടുമാണ്. അവളെയും കൂട്ടി പാർട്ടിക്ക് പോകും എന്നാണ് മീര പറഞ്ഞത്.. ഇനി ഇവളെങ്ങാനും അവളെയും കൊണ്ട് വരുമോ... ഞാൻ പലവഴിക്ക് ചിന്തിച്ചുകൂട്ടി...

“പാർട്ടിയിൽ മുഖാവരണം നിർബന്ധമാണ്. നീ എന്ത് ധരിക്കാനാണ് ഉദ്ദേശിക്കുന്നത്? ”

"ഞാൻ ഒരു ക്യാറ്റ് വുമൺ ആകാൻ ഒരുങ്ങുകയാണ്." മീര ചിരിച്ചു