Chapter Title : റോങ് നമ്പർ [ആദി ആദിത്യൻ]

"ഡാഡി ടയേഡ് ആണ് ഇച്ചിരി വിശ്രമിച്ചോട്ടെ"... മീര അവനെ വിലക്കി.

മീര അവന് കുടിക്കാൻ വെള്ളം കൊണ്ട്‌ വരുമ്പോൾ രാജീവ് ഹാളിലെ സോഫയിൽ ഇരുന്നു ഷൂസ് അഴിച്ചുമാറ്റിയിരുന്നു.

"രാജീവ്..!!" " ആ സോക്സ് എടുത്ത് ഷൂ റാക്കിൽ ഇട്ടേ.." മേശയുടെ മുകളിൽ വെച്ച അവന്റെ സോക്സ് എടുത്ത് മാറ്റാൻ മീര ആവശ്യപ്പെട്ടു.

"ശരി ... ശരി ... ഞാൻ വെച്ചോളം...." അയാൾ അവളെ നോക്കി പുഞ്ചിരിച്ചു. എന്തൊക്കെയോ പിറുപിറുത്തുകൊണ്ട് മീര അടുക്കളയ്ക്കകത്തേക്ക് പോയി.

പതിമൂന്ന് വർഷമായി ഞങ്ങളുടെ കല്യാണം കഴിഞ്ഞിട്ട്. ഇപ്പോൾ ഏഴ് വർഷമായി ബാംഗ്ലൂരിൽ സ്ഥിരതാമസമക്കാരാണ്. രാജീവും ഞാനും സിവിൽ എഞ്ചിനീയർമാരാണ്. രാജീവ് ഇവിടെയുള്ള ഒരു പ്രമുഖ കൺസ്ട്രക്ഷൻ കമ്പനിയിൽ സീനിയർ മാനേജറായി ജോലിചെയ്ത് വരുന്നു. നാട്ടിൽ ആയിരുന്നപ്പോൾ ഞാനും ജോലിക്ക് പോയിരുന്നു. ഇവിടെ എത്തി ഞങ്ങൾക്കൊരു കുഞ്ഞ് ജനിച്ചതോടെ കരിയർ അവസാനിപ്പിക്കുകയായിരുന്നു. എന്നിരുന്നാലും ഒഴിവ് സമയങ്ങളിൽ വീട്ടിൽ നിന്ന് ഡിസൈനിംഗ് ജോലി ചെയ്യാറുണ്ട്. ചെറുപ്പം മുതലേ ഫ്രീ ലാൻസിങ് ഡിസൈനിങ് ജോലിയാണ് എന്റെ പാഷൻ. ആദി സ്കൂളിലേക്ക് പോയാൽ ഞാൻ ഡിസൈനിങ് ജോലി തുടങ്ങും. ഇത് കേൾക്കുമ്പോൾ കുടുംബം കാരണം കരിയർ നഷ്ടപ്പെട്ട ഒരു ലേഡിയുടെ കാറ്റഗറിയിൽ എന്നെ പെടുത്തരുത് കേട്ടോ.. ഒരു ഭാര്യ എന്ന നിലയിൽ രാജീവിനോടും അമ്മ എന്ന നിലയിൽ ആദിയോടും നീതി പുലർത്തുന്ന വീട്ടമ്മയായി ജീവിതം മുന്നോട്ട് പോകുന്നതിൽ ഞാൻ ഏറെ സന്തുഷ്ട്ടയുമാണ്.

നാട്ടിൽ ഞങ്ങൾ പാലക്കാട് സ്വദേശികളാണ് കൊച്ചിയിൽ വച്ച് നടന്ന ഒരു ആർക്കിടെക്ചർ കൊളാഷ്ൽ വെച്ചാണ് ഞാനാദ്യമായി രാജീവിനെ കാണുന്നത്. ആദ്യ കാഴ്ചയിൽ തന്നെ പരസ്പരം ഇഷ്ടമായെങ്കിലും