Ruthless Devil 😈 2 [Narakasuran]

ജയിക്കുകയാണെങ്കിൽ, നീ ഒരു സൂപ്പർ കോപ്പാണെന്ന് ഞാൻ സമ്മതിക്കാം. പക്ഷേ, നീ തോൽക്കുകയാണെങ്കിൽ... നീ നേടിയ ആ ഗാലൻട്രി മെഡലും മറ്റെല്ലാ മെഡലുകളും പൊതുജനമധ്യത്തിൽ വെച്ച് വലിച്ചെറിയണം. നീ വെറുമൊരു ഡമ്മി പോലീസ് ആണെന്ന് ലോകത്തോട് പറയണം. സമ്മതമാണോ?നിന്നെ പോലുള്ളൊരു പോലീസ് ഓഫീസറിന്റെ ഒപ്പം കളിക്കുകയാണെങ്കിൽ… അതിന്റെ thrill വേറെയാ…. “

അവൻ മൂരി നിവർത്തിക്കൊണ്ട് പറഞ്ഞു..

ആദിയുടെ നെഞ്ചിൽ തീ കോരിയിട്ടതുപോലെ തോന്നി. അവന്റെ കരിയർ, അവന്റെ അഭിമാനം, എല്ലാം ആ വെല്ലുവിളിയിൽ അടങ്ങിയിരിക്കുന്നു. പക്ഷേ ആദി ഭയപ്പെട്ടില്ല. അവൻ ആ വെല്ലുവിളിയെ ഏറ്റെടുത്തു.

"നീ തന്നെ ചോദിച്ച സ്ഥിതിക്ക്, ഞാൻ എന്തിന് വേണ്ടെന്നു പറയണം?”

Then Let the fun begin…. Hahaha..

ഫോൺ കട്ടായി. ആദി ഫോൺ പോക്കറ്റിൽ വെച്ചു.  ശിവന്യ വീടിനുള്ളിൽ നിന്ന് പുറത്തേക്ക് വന്നു. അവളുടെ മുഖത്ത് കടുത്ത ആശങ്കയായിരുന്നു.

"ആദി, ആരായിരുന്നു അത്? നീ എന്തിനാണ് ഇത്രയധികം ദേഷ്യപ്പെടുന്നത്?"

ആദി അവളെ നോക്കി. അവന്റെ കണ്ണുകളിൽ ഇപ്പോൾ പ്രണയമായിരുന്നില്ല, പകരം പ്രതികാരത്തിന്റെ കനലായിരുന്നു.

"അവനായിരുന്നു ശിവന്യ. അവൻ എന്നെ വെല്ലുവിളിച്ചു."

ശിവന്യ ഭയത്തോടെ അവന്റെ കൈയ്യിൽ പിടിച്ചു.

"എന്ത് വെല്ലുവിളിയാണ്? നീ സൂക്ഷിക്കണം ആദി."

ആദി അവളെ ഒന്ന് നോക്കി, എന്നിട്ട് ദൂരേക്ക് നോക്കി നിന്നു. ആ വെല്ലുവിളിയുടെ ഭാരം അവന്റെ തോളിൽ വലിയൊരു ഉത്തരവാദിത്തമായി അമർന്നു. ഇനി പിന്മാറാൻ വഴിയില്ല. ആദികേശവിന്റെ ജീവിതത്തിലെ ഏറ്റവും വലിയ പരീക്ഷണം തുടങ്ങിക്കഴിഞ്ഞു.

അവൻ വീണ്ടും ആ വരികളെക്കുറിച്ച് ചിന്തിച്ചു.

"മൂന്നാം കണ്ണ് ഉള്ളവൻ കുടികൊള്ളുന്ന മണ്ണിൽ... ആ പാറയിൽ നടക്കുന്ന ആന... അതാണ് ആ പാമ്പ്..."

മൂന്നാം കണ്ണ്. ശിവൻ. ശിവന്റെ മൂന്നാം കണ്ണാണ് പ്രളയത്തെയും നാശത്തെയും സൂചിപ്പിക്കുന്നത്. പക്ഷേ ഇവിടെ അത് എന്തിനെ സൂചിപ്പിക്കുന്നു? കൊച്ചിയിലെ ഏത് സ്ഥലത്താണ് ശിവൻ കുടികൊള്ളുന്നത്? പാറയിൽ നടക്കുന്ന ആന. അതൊരു പ്രതിമയാകുമോ? അതോ ഏതെങ്കിലും പ്രത്യേക ഭൂപ്രകൃതിയാകുമോ?

ആദി ഒരു ദീർഘശ്വാസം എടുത്തു.

"ശിവന്യ, നമ്മൾ അവനെ കണ്ടെത്തും. ഈ വെല്ലുവിളി അവൻ എനിക്ക് തന്നതാണെങ്കിലും, നമ്മൾ രണ്ടുപേരും ചേർന്ന് ഇതിന് ഉത്തരം കണ്ടെത്തും."

“അവനെ കണ്ടെത്തുകയാണെങ്കിൽ… എനിക്കെന്തു കിട്ടും…??”

ഒരു കുസൃതി ചിരിയോടെ അവൾ ചോദിച്ചു…

“കണ്ടെത്തുകയാണെങ്കിൽ…”

അവൻ അവളുടെ അടുത്തേക്ക് നീങ്ങി അവളുടെ ചുണ്ടുകളുടെ അടുത്തേക്ക് എത്തി…. അവന്റെ വലതു കൈ എടുത്ത് അവന്റെ ചൂണ്ടുവിരലും നടുവിരലും ചേർത്ത് അവളുടെ ഇടതു കവിളിൽ വലത്തോട്ട് ചെറുതായി നീക്കി അവിടെ ഒരു ചെറിയ ചുമ്പനം നൽകി…

ആ ചുമ്പനത്തിൽ അവൾ വല്ലാതെ രോമാഞ്ചമേറി പോയി…

മുഖത്ത് ഒരു ചെറു ചിരിയോടെ അവൾ പറഞ്ഞു

“ഇങ്ങനെയാണെങ്കിൽ എനിക്ക് ഈ ജോലി ചെയ്യാൻ ഒരുപ്പാട് ഉഷാറുണ്ടാകും…”

ശിവന്യ അവന്റെ കണ്ണുകളിലെ ആ കുസൃതി നിറഞ്ഞ ചിരിയും നിശ്ചയദാർഢ്യം കണ്ടു. അവൾ അവനെ വിട്ടുപോകാതെ കൂടെയുണ്ടാകുമെന്ന് ഉറപ്പിച്ചു.

കൊച്ചിയിലെ ആ രാത്രിയ്ക്ക് ഇപ്പോൾ ഒരു ഭയാനകമായ നിശബ്ദതയുണ്ടായിരുന്നു. ,

ആദി തന്റെ ജീപ്പിലേക്ക് നടന്നു. അവന്റെ മനസ്സ് ഇപ്പോൾ ആ കടങ്കഥയുടെ ചുരുളഴിക്കാൻ ശ്രമിക്കുകയാണ്.