Chapter Title : Ruthless Devil 😈 3 [Narakasuran]

നിന്നും ഒരു ഫോട്ടോ എടുത്തു മേശപ്പുറത്ത് വെച്ചു. മുഫീദയുടെ ഫോട്ടോ. തെളിഞ്ഞ കണ്ണുകളും ശാന്തമായ മുഖവുമുള്ള ഒരു പെൺകുട്ടി.

"അന്ന് ആ ജ്വല്ലറിയിൽ ഈ പെൺകുട്ടി വന്നിരുന്നോ?"

ശുക്കൂർ  ഫോട്ടോയിലേക്ക്  ദൃഷ്ടി പതിപ്പിച്ചു…

"എനിക്കീ പെൺകുട്ടിയെ അറിയില്ല. ഒരുപക്ഷേ... ചിലപ്പോൾ എപ്പോഴെങ്കിലും കടയിൽ വന്നിട്ടുണ്ടാകാം. ഇവിടെ ദിവസവും നൂറുക്കണക്കിന് ആളുകൾ വരുന്നു. എല്ലാവരെയും ഓർത്തു വെക്കാൻ എനിക്ക് പറ്റില്ല."

ആദി ഒന്നും മിണ്ടാതെ ഫോട്ടോ എടുത്തു. അയാൾക്ക് കൂടുതൽ ചോദ്യങ്ങൾ ചോദിച്ച് ഇപ്പോൾ കാര്യമില്ലെന്ന് തോന്നി. ശുക്കൂർ മുഹമ്മദ് ഒരു മതിലുയർത്തിയിരിക്കുകയാണ്. ആ മതിലിന് പിന്നിൽ എന്തോ വലിയ രഹസ്യമുണ്ടെന്ന് ആദിക്കറിയാം.

അവൻ നിശബ്ദനായി കടയ്ക്ക് പുറത്തേക്ക് ഇറങ്ങി.

പുറത്ത് മുക്താർ ജീപ്പിനടുത്ത് കാത്തുനിൽക്കുകയായിരുന്നു. ആദി വണ്ടിയിൽ കയറുന്നതിന് മുൻപ് മുക്താറിനെ നോക്കി. അവന്റെ കണ്ണുകളിൽ ഒരുതരം തീക്ഷ്ണതയുണ്ടായിരുന്നു.

"മുക്താർ..."

"പറയൂ സാറേ."

"അവൻ എന്തോ ഒളിക്കുന്നുണ്ട്. ശുക്കൂർ മുഹമ്മദിനെ ഒന്ന് ശ്രദ്ധിക്കണം. അവന്റെ ഓരോ ചലനങ്ങളും നിരീക്ഷിക്കണം. അവൻ ആരോടെങ്കിലും സംസാരിക്കുന്നുണ്ടോ, എവിടെ പോകുന്നുണ്ടോ എന്ന് നോക്കണം."

മുക്താർ തലയാട്ടി. അവൻ ആദിയുടെ രീതികൾക്കറിയാം. ആദി ഒരു കാര്യത്തിൽ സംശയിച്ചാൽ അത് സത്യമാണെന്ന് തെളിയുന്നത് വരെ അവൻ വിടില്ല.

"ശരി സാറേ, ഞാൻ നോക്കിക്കൊള്ളാം."

ജീപ്പ് കൊച്ചി ഹെഡ്ക്വാർട്ടേഴ്സിലേക്ക് തിരിച്ചു. വഴിയിലുടനീളം ആദി ചിന്തിച്ചു കൊണ്ടിരുന്നു. മുഫീദയും ശുക്കൂർ മുഹമ്മദും തമ്മിലുള്ള ബന്ധം എന്തായിരിക്കും? കലാപത്തിന്റെ സമയത്ത് അവൾ അവിടെ വന്നിരുന്നോ? അതോ അതിനു മുൻപ്? ഓരോ ചോദ്യങ്ങളും അവന്റെ മനസ്സിൽ ചുഴലി.

രാത്രി 8:45.

കൊച്ചി പോലീസ് ഹെഡ്ക്വാർട്ടേഴ്സിലെ തന്റെ മുറിയിൽ ആദി ഇരിക്കുകയാണ്.