സാംസൻ 8

Samson Part 8 | Author : Eros - God of Lust

[ Previous Part ] [ www.kkstories.com ]

‘ദ്രോഹം അല്ലേ നിന്റെ കൂട്ടുകാരോട് നി ചെയ്തത്...??’ എന്റെ മനഃസാക്ഷി ചോദിച്ചു.

‘ദ്രോഹം ആയിരിക്കാം... പക്ഷേ എനിക്ക് ഇഷ്ടമുള്ളവർക്ക് തിരിച്ചും ഇഷ്ട്ടമാണെങ്കിൽ ആ ദ്രോഹം ഇനിയും ഞാൻ ആവര്‍ത്തിക്കും.’ എന്റെ മനഃസാക്ഷിയോട് ഞാൻ പറഞ്ഞു.

എന്നിട്ട് സമാധാനമായി ഞാൻ ഉറങ്ങി.

“സാമേട്ട...!” രാവിലെ കാര്‍ത്തിക എന്റെ പുതപ്പ് വലിച്ചു മാറ്റിക്കൊണ്ട് എന്നെ കുലുക്കി വിളിക്കുന്നത് കേട്ടാണ് ഞാൻ ഉണര്‍ന്നത്.

“നല്ല ക്ഷീണം, അല്‍പ്പനേരം കൂടി ഞാൻ കിടക്കട്ടെ..” പിന്നെയും ഞാൻ തലവരെ വലിച്ചു മൂടിക്കൊണ്ട് അങ്ങോട്ട് ചെരിഞ്ഞ് കിടന്നു.

ഉടനെ കാര്‍ത്തിക സോഫയിൽ എന്റെ അടുത്തിരുന്നിട്ട് കുനിഞ്ഞ് എന്റെ പുതപ്പിനെ പിന്നെയും വലിച്ചു താഴ്ത്തി.

ശേഷം എന്റെ ചെവിയിൽ അവള്‍ ചുണ്ട് അടുപ്പിച്ച് പറഞ്ഞു, “ദേഹത്ത് ചെകുത്താന്‍ കേറിയത് പോലെ ആ പെണ്ണിനെ അമ്മാതിരി കളിച്ചാല്‍ പിന്നേ ക്ഷീണം അല്ലാണ്ട് ഊര്‍ജ്ജം കിട്ടുമോ...?”

അവളുടെ കളിയാക്കൽ കേട്ട് ഞാൻ മലര്‍ന്നുകിടന്ന് അവളെ നോക്കി.

അവള്‍ എന്റെ ഇടത് വാരിയെല്ലിന്റെ ഭാഗത്തായി ചെരിഞ്ഞ് ചേര്‍ന്നിരുന്ന് എന്റെ തലയ്ക്ക് ഇരുവശത്തായി കൈയും കുത്തി കുനിഞ്ഞാണിരുന്നത്. ഞാൻ മലര്‍ന്നുകിടന്നിട്ടും അവള്‍ ആ പൊസിഷനിൽ നിന്നും മാറിയില്ല.

ഞങ്ങളുടെ മുഖം തമ്മില്‍ വെറും പത്ത് സെന്റിമീറ്റർ ഗ്യാപ്പ് മാത്രമേ ഉണ്ടായിരുന്നുള്ളു. അവളുടെ മുലകള്‍ എന്റെ നെഞ്ചില്‍ ലഘുവായി തൊട്ടു നിന്നു.

അവളെ വലിച്ച് എന്റെ മാറിൽ അമർത്തി പിടിക്കാനുള്ള പ്രേരണയെ എങ്ങനെയോ തകർത്തു കൊണ്ട്‌ ഹാളില്‍ നിലത്ത് മൂടി പുതച്ച് ഇപ്പോഴും ചെറുതായി മാത്രം കൂർക്കം വലിച്ചുറങ്ങുന്ന എന്റെ കൂട്ടുകാരെ ഞാൻ വീക്ഷിച്ചു. അവരുടെ ഉറക്കം അത്ര ഡീപ് അല്ലാത്തതായാണ് തോന്നിയത്. ഉച്ചക്ക് മുമ്പ്‌ അവർ ഉണരും എന്ന് ഞാൻ സംശയിച്ചു.

പിന്നെയും തല തിരിച്ച് കാര്‍ത്തികയുടെ കണ്ണില്‍ എന്റെ ദൃഷ്ടി ഞാൻ പതിച്ചു കൊണ്ട്‌ പറഞ്ഞു, “പക്ഷേ കളിക്കുമ്പോൾ എനിക്ക് ഒരിക്കലും വറ്റാത്ത ഊര്‍ജ്ജം കിട്ടിക്കൊണ്ടിരിക്കും..... അന്നേരം ക്ഷീണം എന്തെന്നും ഞാൻ അറിയാറില്ല...!”