Chapter Title : സഹശയനം [Raju Nandan]

കുളിക്കാൻ ഇവിടെ ഉണ്ടേൽ തരാൻ പറഞ്ഞു", " ആ വൃത്തികെട്ട സോപ്പ് ഇവിടെ ഇരുന്നത് എടുത്തു ഞാൻ തുണി കഴുകി , ഇനി ഒരു ചെറിയ കഷണമേ ഉള്ളെടോ ", " ആ ഉള്ളത് തരു , ചേച്ചിയുടെ ബ്രാൻഡ് അതാണ് ", "

കണ്ടപ്പോഴേ തോന്നി, ഇതാ കൊണ്ട് കൊടുക്ക് ", എന്ന് പറഞ്ഞു ബാത്ത് റൂമിന്റെ കതക് അൽപ്പം തുറന്നു അവൾ സോപ്പ് എനിക്ക് നീട്ടി , അപ്പോൾ ഒരു തേങ്ങാ വന്നു എന്റെ തലയിൽ പതിക്കുകയും എനിക്ക് സന്നി കൂടുകയും ചെയ്തു , എന്റെ വായിൽ നിന്നും നുരയും പതയും ഒഴുകി കാണണം, "ആരേലും ഓടിവരണേ " എന്നുള്ള നിലവിളി മാത്രം ഓർമ്മയുണ്ട്.

ഓർമ്മ തെളിയുമ്പോൾ ഞാൻ ബാത്‌റൂമിൽ തറയിൽ കിടക്കുകയാണ് , ജോലിക്കാരിയും അമ്മിണി ചേച്ചിയും അടുത്തുണ്ട് എന്റെ കൈയിൽ ഒരു ഇരുമ്പ് കഷ്ണം പിടിപ്പിച്ചിട്ടുണ്ട് , ജോലിക്കാരി കുളിച്ചു കൊണ്ട് നിന്ന വേഷത്തിൽ തന്നെയാണ് തോർത്ത് കൊണ്ട് മാറുമുതൽ തുടകൾ മറയുന്നത് വരെ മറച്ചിട്ടുണ്ട്, എനിക്ക് പരിസരം തെളിഞ്ഞു വരുന്നതേയുള്ളു ഞാൻ കണ്ണുകൾ മുറുക്കി അടച്ചു.

"എന്താ ഇവിടെ സംഭവിച്ചത്  നീ അവനെ എന്തോ ചെയ്തു ?"

"പൊന്നു ചേച്ചീ ഞാൻ ഒന്നും ചെയ്തില്ല അസുഖക്കാരൻ പയ്യൻ ആണെന്ന് എനിക്കറിയില്ലേ ? ഞാൻ കുളിച്ചു കൊണ്ട് നിന്നപ്പോൾ വെളിയിൽ വന്നു തട്ടി ചുവന്ന സോപ്പ് വേണം എന്ന് പറഞ്ഞു ഞാൻ കതക് തുറന്നു കൊടുത്തപ്പോൾ ബോധം കെട്ടു ദേ കിടക്കുന്നു, അത്രയേ സംഭവിച്ചുള്ളു ".

"നിന്നെ മുഴുവനേ അവൻ കണ്ടോ ?"

"അയ്യോ ചേച്ചീ ഞാൻ കതക് അൽപ്പം തുറന്നതേയുള്ളു സോപ്പ് നീട്ടി പയ്യനെ ഞാൻ കണ്ടതേയില്ല ".

"കതക് തുറന്നതെന്തിന് , മുകളിൽ കൂടി കൊടുത്താൽ പോരായിരുന്നോ ?".

"ഇങ്ങിനെ ക്രോസ് ചെയ്‌താൽ ഞാൻ എന്തോ പറയാനാണ് , ഇവിടെങ്ങും ആരും വരാറേയില്ല, ഇന്ന് ആദ്യമായിട്ടാണ് ഈ പയ്യൻ അടുക്കള ഭാഗത്തേക്ക് വരുന്നത് , ചേച്ചിക്ക് ലൈഫ്ബോയ് സോപ്പ് വേണം എന്ന് പറഞു വന്നതാണ് ".

"അത് ശരിയാണ്, എനിക്ക് ചുവന്ന സോപ്പ് മാത്രമേ പിടിക്ക് ബാക്കി ഏതു തേച്ചാലും അപ്പോൾ ചൊറിഞ്ഞു തിണർക്കും, ഞാൻ ആണ് അവനെ പറഞ്ഞയച്ചത് , എന്റെ സംശയം നിന്നെ അവൻ മുഴുവനേ കണ്ടുകാണും അപ്പോൾ ബാധ കേറിയതാണ് , പിള്ളേരല്ലേ , പെണ്ണുങ്ങള് തുണിയില്ലാതെ ഒന്നും