Chapter Title : സലീന 5 [SAiNU]

ചിന്തിച്ചോണ്ടിരിക്കുമ്പോൾ എന്ന് പറഞ്ഞോണ്ട് സലീനയും ഉപ്പയുടെ തോളിലേക്ക് കിടന്നു.

അയ്യേ രണ്ടും ഇത്രയേ ഉള്ളു..

എന്നായാലും ഇവളെ കെട്ടിച്ചു വിടേണ്ട മോളെ. ഞാൻ നമ്മളെ സലീമിനോട് പറഞ്ഞിട്ടുണ്ട് നല്ല ഡോക്ടർ ചെക്കനെ കിട്ടിയാൽ പറയാൻ.. അതോ ഇനി ഡോക്ടർ വേണ്ടാ എന്നുണ്ടോ മോൾക്ക്. വേറെ വല്ല ഓഫീസർ മാരും മതിയോ

നിങ്ങൾ ആരെ കൊണ്ട് വന്നു കെട്ടാൻ പറഞ്ഞാലും ഞങ്ങള് അത് അനുസരിക്കും ഉപ്പ എന്ന് സലീന പറഞ്ഞോണ്ട് ഇരുന്നു..

അങ്ങിനെ ആരെയെങ്കിലും കൊണ്ട് വന്നാൽ മതിയാവൂലല്ലോ എന്റെ മോൾക്ക്‌.

അവൾക്കും ആഗ്രഹങ്ങളുണ്ടാകില്ലേ സലീന മോളെ

നിന്റെ കാര്യത്തിൽ തന്നെ ആദ്യത്തേത് എന്റെ പിഴവായി പോയിരുന്നില്ലേ..

അതിനെന്താ ഉപ്പ അതുകൊണ്ട് എനിക്ക് നിങ്ങളെ മോളായി ഇവിടെ കഴിയാൻ പറ്റിയില്ലെ എന്റെ സൈനുവിന്റെ പെണ്ണായി ഇവിടെ ജീവിക്കാൻ കഴിയുന്നില്ലേ.

ഇതിലും വലിയ ഭാഗ്യവതി ആരാ ഉപ്പ ഉണ്ടാകുക.

നിങ്ങടെ മോളായി ഉമ്മയുടെ മോളായി സൈനുവിന്റെ ഭാര്യയായി കഴിയാൻ ഭാഗ്യം കിട്ടിയില്ലേ.

ഇതൊന്നും ഞങ്ങക്ക് കിട്ടുമെന്ന് ഒരിക്കലും പ്രധീക്ഷിച്ചതല്ലല്ലോ

ദേ ഷമിയും നല്ല നിലയിലെത്തി പിന്നെ ഇവളും ഇപ്പൊ ഡോക്ടർ ആയി ഇതൊക്കെ ഞങ്ങൾക്കു കിട്ടുമായിരുന്നോ. എന്ന് പറഞ്ഞോണ്ട് കരയുമ്പോഴാണ് സലീനയുടെ ഉമ്മയും ഉപ്പയും ഷമിയും കൂടെ അങ്ങോട്ട്‌ കടന്നു വന്നത്.

എന്താ മക്കളെ എന്ന് സലീനയുടെ ഉമ്മയും ഷമിയും ചോദിച്ചോണ്ട് വന്നു.

അതൊന്നുമില്ല അവര് ഓരോന്ന് പറഞ്ഞു കരയുകയാ മോളെ

ഹ്മ്മ് ഞാൻ കരുതി എന്തെങ്കിലും പ്രേശ്നമുണ്ടായൊ എന്ന്.

എന്ത് പ്രശ്നം മോളെ എല്ലാവരും എന്റെ മക്കളല്ലേ..എന്ന് ഉപ്പ

അല്ല അസിസുപ്പാ എന്തെ വരാൻ പറഞ്ഞെ. ഞങ്ങളോട്.

അതിവളുടെ കല്യാണത്തെ പറ്റി പറയാനാ. ഇവൾക്കും വേണ്ടേ മക്കളെ ഒരു ജീവിതം.

ഹ്മ്മ് നിങ്ങൾ എന്ത് തീരുമാനിച്ചാലും ഞങ്ങൾ അനുസരിക്കില്ലേ അസിസുപ്പ. പിന്നെ ഞങ്ങളോട് ചോദിക്കണോ.

താത്ത എന്തൊക്കെയുണ്ട് വിശേഷം എന്നു അന്വേഷിച്ചു കൊണ്ട് ഷമി സലീനയുടെ അടുത്തേക്ക് ചെന്നു.

അതേ ഒന്നുടെ മൊഞ്ച് കൂടിയുട്ടുണ്ടല്ലോ എന്റെ താത്ത എന്ന് പറഞ്ഞോണ്ട് ഷമി എന്നെയും സലീനയെയും നോക്കി കളിയാക്കി.

ഹ്മ്മ് ഇനി നീയും തുടങ്ങിയോ എന്ന് പറഞ്ഞോണ്ട് സലീന അവളെ പിടിച്ചു.