ഞാൻ രണ്ട് ദിവസത്തെ ട്രിപ്പ് പ്ലാൻ ചെയ്ത് പാലക്കാട്‌ വരെ ഒന്ന് പോയി, എന്റെ ഒരു ബിസിനസ് പാർട്ണർ ഉണ്ടായിരുന്നു അശോക് മേനോൻ, എന്റെ കൂടെ ഖത്തറിൽ ജമാൽ വരുന്നതിന് എല്ലാം മുൻപ് ടയർ ബിസിനസ് നടത്തിയിരുന്നത് അവൻ ആയിരുന്നു. ഒടുവിൽ ഞാൻ ഒരിക്കൽ നാട്ടിൽ പോയ സമയത്ത് ബിസിനസിൽ വൻ തിരിമറി നടത്തി നല്ല ഒരു കാശും ആയിട്ട് അവൻ മുങ്ങി. ഒടുവിൽ ഞാൻ കേസ് ഫയൽ ചെയ്തു, അങ്ങനെ കേസിൽ കുടുങ്ങും എന്ന് ആയപ്പോൾ അവൻ മാധ്യസ്ഥം ആയി വന്നു. പാവമല്ലേ എന്ന് കരുതി ഞാൻ കേസ് പിൻവലിച്ചു കൊണ്ട് മധ്യസ്ഥത്തിന് തയ്യാറായി. അവൻ അടിച്ചുമാറ്റിയ വലിയ തുക 6 മാസത്തിനു ഉള്ളിൽ തന്നുകൊള്ളാമെന്ന് പറഞ്ഞു അഗ്രിമെന്റ് ആയി. വിശ്വാസം ഇല്ലാഞ്ഞിട്ട് ഞാൻ അവന്റെ വീടിന്റെ ആധാരം വാങ്ങി സൂക്ഷിച്ചു, കാശ് മുഴുവൻ തന്നിട്ട് തിരികെ തരാം എന്ന് ആയിരുന്നു ഞാൻ പറഞ്ഞത്. ഒടുവിൽ, ജമാലിന്റെ കല്യാണത്തിന് തൊട്ട് മുൻപ് ആയിരുന്നു ഞാൻ ആ ഞെട്ടിക്കുന്ന വാർത്ത കേട്ടത്. അശോക് കട ബാധ്യത കാരണം ആത്മഹത്യ ചെയ്തു എന്ന്, എനിക്ക് പുറമെ വേറെയും ഒരുപാട് പേർക്ക് അവൻ കാശ് കൊടുക്കാൻ ഉണ്ടായിരുന്നു. എന്തൊക്കെ ആയാലും എനിക്ക് വലിയ ഷോക്ക് ആയിരുന്നു കുറച്ചു ദിവസം ആ ന്യൂസ്‌. ജമാൽ നാട്ടിൽ നിന്നും തിരികെ വരുന്നതിന്റെ രണ്ട് ദിവസം മുൻപ്, അശോകിന്റെ ഭാര്യ “രേഖ മേനോൻ” എന്നെ