Chapter Title : സമീറയുടേയും ഫൈസലിന്റേയും ഒരു വ്യത്യസ്തമായ പ്രണയ കാവ്യം 2 [The Editor]

വീണ്ടും വീണ്ടും ചുംബിച്ചു.

സമീറയെ തന്നോട് ചേർത്ത് പിടിച്ച് സൈനബ ടീച്ചർ എല്ലാം പറയാൻ തുടങ്ങി.

മോളേ, നിനക്ക് അറിയാത്ത ഒരുപാട് കാര്യങ്ങൾ എന്റെ ജീവിതത്തിൽ ഉണ്ടായിട്ടുണ്ട്.

ഉമ്മീ, എന്തായാലും എനിക്ക് അറിയണം. എന്ത് കാര്യങ്ങളും ഉമ്മിയ്ക്ക് ഒരു വിഷമവും മടിയും കൂടാതെ എന്നോട് പറയാം. ഉമ്മി എല്ലാം എന്നോട് വിശദമായി പറയണം.

ഫൈസലിന്റെ വാപ്പായും ഞാനും ഒരുമിച്ചാണ് ഡിഗ്രിയ്ക്ക് കോളേജിൽ പഠിച്ചിരുന്നത്. ഒരേ ക്ലാസ്സിൽ പഠിച്ചിരുന്ന സമദും ഞാനുമായി ഒരു നിശബ്ദ പ്രണയം, കോളേജ് പഠനം കഴിയുന്നത് വരെ ഉണ്ടായിരുന്നു. ഞാൻ അവനേയും അവൻ എന്നേയും ഒരുപാട് സ്നേഹിച്ചിരുന്നുവെന്ന്, തമ്മിൽ പറയാതെ തന്നെ, ഞങ്ങൾക്ക് പരസ്പരം അറിയാമായിരുന്നു. ഞങ്ങൾ ഒരിക്കലും, ഞങ്ങളുടെ പ്രണയം വാക്കുകൾ കൊണ്ടോ, ശാരീരിക ബന്ധം കൊണ്ടോ പങ്ക് വെച്ചിരുന്നില്ല. കോളേജ് തീർന്നതിൽ പിന്നെ ഞങ്ങൾ തമ്മിൽ ഒരു കോൺടാക്റ്റും ഇല്ലാതായി. ഞാൻ പോസ്റ്റ് ഗ്രാജ്വേഷൻ കഴിഞ്ഞ് ടീച്ചറാകുമ്പോൾ, നിന്റെ ഉപ്പായുമായി എന്റെ കല്യാണം കഴിഞ്ഞിരുന്നു. ഏഴ് മാസം പ്രഗ്നന്റായി നീ എന്റെ വയറ്റിലുള്ളപ്പോൾ, നിന്റെ ഉപ്പാ തികച്ചും അവിചാരിതമായി ഹാർട്ട്അറ്റാക്ക് വന്ന് എന്നെ വിട്ട് പോയപ്പോൾ, ഞാൻ തകർന്ന് പോയി മോളേ.

ഉമ്മിയുടെ ജീവിതാനുഭവം അറിയാമായിരുന്നെങ്കിലും, ഉമ്മി തന്റെ ജീവിതം പറയുന്നത്, തന്നിൽ ഉണ്ടാക്കുന്ന സങ്കടം അടക്കി, സമീറ ഉമ്മിയെ കെട്ടിപ്പിടിച്ച് കേട്ടിരുന്നു.

നിന്നെ പ്രസവിച്ച്, എന്റെ പൊന്നുമോളുടെ മുഖം ആദ്യമായി കണ്ടപ്പോൾ, നിന്റെ ഉപ്പാ അകാലത്തിൽ എന്നെ വിട്ട് പോയ വിഷമങ്ങൾ ഞാൻ മറന്നു. എന്റെ പൊന്നുമോളേ, നീ മാത്രമായിരുന്നു എന്റെ ജീവിതത്തിന്റെ ഉദ്ദേശം. വീട്ടുകാരും ബന്ധുക്കളും പല പ്രാവശ്യം