Chapter Title : സീതാകാവ്യം 3 [Teena]

കാവ്യയിൽനിന്ന് ഒരു നിശ്ചിത അകലം പാലിച്ചു, അവളോട് ഒരു അപരിചിതനെപ്പോലെ മാത്രം പെരുമാറി.

​"എന്തായിരുന്നെടാ ക്യാമ്പിലൊക്കെ? ഭയങ്കര രസമായിരുന്നോ?" ആര്യൻ ചിരിച്ചുകൊണ്ട് സീതയോട് സംസാരിച്ചു.

​"സൂപ്പറായിരുന്നു. പക്ഷേ, എൻ്റെ കാവ്യയെ പിരിഞ്ഞിരുന്നത് മാത്രമാണ് സങ്കടം," സീത, കാവ്യയുടെ തോളിൽ കയ്യിട്ട് പറഞ്ഞു.

​ആര്യൻ സീതയുടെ തമാശ കേട്ട് ചിരിച്ചെങ്കിലും, കാവ്യയെ നോക്കിയപ്പോൾ അവൻ്റെ മുഖത്ത് ഒരു ഭാവമാറ്റവും ഉണ്ടായില്ല. അവളോട് സംസാരിക്കുമ്പോൾ അവൻ പഴയ കൂട്ടുകാരനെപ്പോലെ മാത്രം പെരുമാറി. ഈ കൃത്രിമമായ അകലം കാവ്യയെ വല്ലാതെ ഉള്ളിൽ നീറ്റി.

​സീത സംഭാഷണത്തിനിടയിൽ കാവ്യയെ ചേർക്കാൻ ശ്രമിച്ചു. "കാവ്യ, നീയെന്താ ഒന്നും മിണ്ടാത്തത്? ആര്യൻ വന്നപ്പോൾ നിനക്ക് വായടച്ചു പോയോ?"

​കാവ്യയ്ക്ക് ഒരു വാക്കെടുത്ത് സംസാരിക്കാൻ കഴിഞ്ഞില്ല. "എ... എനിക്ക്... തലവേദനയുണ്ട് സീതൂ," അവൾ കഷ്ടപ്പെട്ട് പറഞ്ഞു.

​ആര്യൻ ആ നിമിഷം കാവ്യയുടെ മുഖത്തേക്ക് നോക്കി. അവൻ്റെ കണ്ണുകളിൽ ദേഷ്യമോ കളിയാക്കലോ ഉണ്ടായിരുന്നില്ല. പകരം ഒരുതരം ദുഃഖവും നിസ്സംഗതയും നിറഞ്ഞു.

​സീതയ്ക്ക് എന്തോ പന്തികേട് മണത്തു. അവൾ ആര്യൻ്റെ നേരെ തിരിഞ്ഞു.

​"എന്താടാ നിങ്ങൾക്ക് പറ്റിയത്?" സീത നെറ്റി ചുളിച്ചു. "എന്താടാ ഈ പൂച്ചയ്ക്കും എലിക്കും പറ്റിയത്? നിങ്ങൾ തമ്മിൽ എന്തെങ്കിലും പ്രശ്നമുണ്ടോ? പറയെടാ ആര്യ!"

​ആര്യൻ മെല്ലെ ചിരിച്ചു. കാവ്യയുടെ മുഖത്തേക്ക് നോക്കാതെ, വളരെ നിസ്സംഗതയോടെ അവൻ പറഞ്ഞു: "പ്രശ്നമോ? ഞങ്ങൾക്ക് എന്ത് പ്രശ്നം? ഞങ്ങൾ ഇപ്പോൾ വെറും ഫ്രണ്ട്സ് ആണ് സീത, ജസ്റ്റ് ഫ്രണ്ട്സ്."

​ആര്യൻ്റെ ആ വാക്കുകൾ കാവ്യയുടെ ചങ്കിലാണ് കൊണ്ടത്. അവൻ പറഞ്ഞ 'വെറും ഫ്രണ്ട്സ്' എന്ന വാക്കിൽ ഒളിപ്പിച്ചു വെച്ച വലിയ ഭീഷണി അവൾക്ക് മനസ്സിലായി. അവൻ പിൻവലിഞ്ഞിരിക്കുന്നത് സീതയ്ക്ക് മുന്നിൽ ഒരു നല്ല സുഹൃത്തായി അഭിനയിച്ചുകൊണ്ടാണ്. ഈ കളി അവൾ എങ്ങനെയെങ്കിലും ജയിച്ചേ മതിയാവൂ, സീതയെ നഷ്ടപ്പെടാൻ അവൾക്ക് കഴിയില്ല