Chapter Title : സെജീറും ചെക്കന്മാരും 1 [മുൻഷി]

മൊത്തം കാര്യങ്ങൾ അവതാളത്തിൽ ആവും. എല്ലാ സ്റ്റാഫുകളെയും കൺട്രോൾ ചെയ്യുന്നത് മുതൽ സ്റ്റോക്ക് എടുക്കുന്നതും ഓഫർ ഇട്ട് സെയിൽസ് അടിച്ച് കേറ്റുന്നത് വരെ മൂപ്പരുടെ ബുദ്ധിയാണ്.. മൂപ്പർ പോയതും കളികളും കറക്കവും വെട്ടിക്കുറച്ച്  സെജീർ നാട്ടിൽ കൂടി.

ഒരു മാസം  കൂടി  കഴിഞ്ഞാൽ  ജിഷാന്റെ കല്യാണം ആണ് . ഓളാണെങ്കിൽ  ഇനി  രണ്ടാഴ്ച  കൂടിയേ  ജോലിക്കു  വരുകയുള്ളൂ . ഓൾക്ക്  പകരത്തിനു  ഒരു  ആളിനെ  സെജീർ കിണഞ്ഞു  തപ്പിക്കൊണ്ടിരിക്കുന്നു . സംഗതി  ആ  പെണ്ണ്  പോന്നേന്റെ  ഒരു  ആഴ്ച  മുന്നേ  കിട്ടിയാൽ  ചെറുതായി  അവളെ കൊണ്ട് കാര്യങ്ങളുടെ ട്രെയിനിങ്  കൊടുപ്പിക്കാം  അല്ലോ  ..

ഇതിനിടെ  ഒരു  പഴയ  പരിചയക്കാരൻ, മങ്കട ഉള്ളവനാണ്.. കാര്യങ്ങൾ കേട്ടറിഞ്ഞു വിളിച്ചു  “ ഡാ  ചെങ്ങായി  അനക്ക്  കണക്ക്  ഒക്കെ  നോക്കാൻ  ഒരു  പെണ്ണിനെ  തന്നെ  വേണോ . ആണുങ്ങൾ  പറ്റുമോ ? “

" ആരായാലും  വേണ്ടിയില്ല B.Com കഴിഞ്ഞതാവണം Tally അറിയണം  .. അത്ര  മതി … ആളുണ്ടോ  ?" സെജി ചോദിച്ചു

" ഇന്റെ  അയലോക്കത്ത്  ഒരു  മോല്യാര് ചെക്കനുണ്ട് . ഓനിക്ക് ഇമ്മേം  ഇപ്പേം ഒന്നും  ഇല്ല . ഓന്ക്ക് ഒരു പന്ത്രണ്ട് വയസ്സുള്ളപ്പോൾ ഒന്റെ ഉമ്മേം ബാപ്പേം അനിയനും ഒരു ബസ്സ് അപകടത്തിൽ മരിച്ചതാണ്. ഇവടെ ള്ള  യതീംഖാനീൽ നിന്നിട്ട് ആണ്  പഠിച്ചതൊക്കെ . ഓന്റെ  ഡിഗ്രി  കഴിഞ്ഞപ്പോൾ തന്നെ, ഏകദേശം രണ്ട്  കൊല്ലം  മുൻപേ  ഞാൻ മ്മളെ നാട്ടിത്തന്നെ ഉള്ള ഒരിക്കാക്ക മഞ്ചേരിയിൽ നടത്തിയിരുന്ന സൂപ്പർ മാർക്കറ്റിൽ ബില്ലിംഗ് സ്റ്റാഫ് ആയി കയറ്റിയത് ആണ് .

അവിടെ  നിന്ന്  പാർട്ട് ടൈം പഠിച്ച  ഓൻ  m com ഒക്കെ എടുത്ത്  ട്ടോ . ഈ  പറഞ്ഞ  കാക്കക്ക്  വയസ്സായി. ഒന്നു ചെറുതായിട്ട് വീണു. ഓലിപ്പം ബെഡ് റെസ്റ്റിലാ.  പുള്ളി ഇപ്പൊ ആ  സൂപ്പർ  മാർക്കറ്റ്  വേറെ  ഒരു  പാർട്ടിക്ക്  വിറ്റു.. 

അവർ  ഒരു  ടയർ  ഒക്കെ  വിൽക്കുന്ന  ഷോപ്പ്  ആണ് . ഏതോ ഒരു വല്യ ടീമിന്റെ ഫ്രാഞ്ചെയ്‌സ് .സൂപ്പർ മാർക്കറ്റ് സ്റ്റോക്ക്  ഒക്കെ  ത്രിശൂർ  ഉള്ള  ഏതോ ഒരു  സൂപ്പർ  ഷോപ്പ്  നടത്തുന്ന ടീം  എടുത്തു  എന്ന്  തോന്നുന്നു . ഞാൻ  ആ  ചെക്കനെ  വിടാം . ഒരു രണ്ടു  കൊല്ലത്തെ ഒക്കെ എക്‌സ്‌പീരിയൻസ്‌  ഉള്ളതാണ് . ഇയ്യോന്ന്  നോക്ക്  " അയാൾ പറഞ്ഞു

സെജി ഓനോട്