ശാരദ ടീച്ചർ 2 [Dr. Wanderlust]

മനുഷ്യാ... പ്ലസ് ടു കഴിഞ്ഞാൽ അവനെ അങ്ങോട്ട് തന്നെ കൊണ്ടുപോയേ പറ്റൂ," ടീച്ചർ ഫോണിൽ പറഞ്ഞു.

വിനു മുറിയിൽ ഇരിക്കുകയായിരുന്നു.

മുറ്റത്ത് ബൈക്കുകൾ വന്നു നിൽക്കുന്ന ശബ്ദം കേട്ടപ്പോൾ തന്നെ അവരുടെ ഉള്ളിലൊന്ന് കാളി. വിനു നേരത്തെ പറഞ്ഞിരുന്നതാണ് കൂട്ടുകാർ വരുമെന്ന്. പക്ഷേ വരുന്നത് അജിത്തും സംഘവുമാണെന്ന് അറിഞ്ഞപ്പോൾ മുതൽ തുടങ്ങിയ അസ്വസ്ഥതയാണ്.

"വിനു... നിന്റെ ആ കൂട്ടുകാർ വന്നെന്നു തോന്നുന്നു," ശാരദ അകത്തേക്ക് നോക്കി വിളിച്ചു പറഞ്ഞു.

വിനു വേഗം ഓടി പുറത്തെത്തി. അവനാകെ വിയർക്കുന്നുണ്ടായിരുന്നു. അമ്മയുടെ മുഖത്തേക്ക് നോക്കാൻ അവന് വല്ലാത്തൊരു മടി.

അജിത്ത്, നിതിൻ, രാഹുൽ, സച്ചിൻ—നാലുപേരും ബൈക്ക് സ്റ്റാൻഡ് ഇട്ടിട്ട് ചിരിച്ചുകൊണ്ട് ഹാളിലേക്ക് നടന്നു വന്നു.

"ടീച്ചറേ... ഗുഡ് മോണിംഗ്!" അജിത്താണ് ആദ്യം തുടങ്ങിയത്. വളരെ വിനീതനായ ഒരു കുട്ടിയെപ്പോലെ അവൻ കൈകൾ കൂപ്പി.

ശാരദ ഗൗരവം വിട്ടില്ല. "ഉം... വിനു പറഞ്ഞിരുന്നു. കയറി ഇരിക്ക്."

ഹാളിലെ സോഫയിൽ അവർ നാലുപേരും നിരന്നിരുന്നു. ശാരദ അവരെ ഒന്ന് നിരീക്ഷിച്ചു. മുടി സ്റ്റൈൽ ചെയ്തിട്ടുണ്ട്, നല്ല പെർഫ്യൂം മണക്കുന്നു. സ്കൂളിലെ ആ കുരുത്തംകെട്ട പയ്യന്മാരെയല്ല ഇപ്പോൾ അവിടെ കാണുന്നത്.

"ടീച്ചർക്ക് ഞങ്ങളെ ഇവിടെ കണ്ടപ്പോൾ അത്ര ഇഷ്ടമായില്ലെന്ന് തോന്നുന്നു," നിതിൻ വളരെ പതുക്കെ, ഒരു സങ്കട ഭാവത്തിൽ പറഞ്ഞു.

"ഞങ്ങൾ പഴയതുപോലെയല്ല ടീച്ചറേ. ഈ പ്ലസ് ടു എങ്ങനെയെങ്കിലും കടന്നുകൂടണം എന്നുണ്ട്."

"അത് നല്ല കാര്യമാണ്," ശാരദ ഒരു കസേര വലിച്ചിട്ടു അവർക്ക് എതിരെ ഇരുന്നു.

"വിനുവിനെ സഹായിക്കാൻ വന്നതാണോ അതോ തല്ലിപ്പൊളിക്കാനാണോ?" ടീച്ചർക്ക് ഇപ്പോഴും വിശ്വാസം വന്നിട്ടില്ല.

"അയ്യോ ടീച്ചറേ... പഴയതൊക്കെ പോട്ടെ. ഞങ്ങൾക്ക് ഈ വർഷം എങ്ങനെയെങ്കിലും പാസ്സാകണം. വിനുവിന്റെ കൂടെ ഇരുന്ന് പഠിച്ചാൽ നന്നാകുമെന്ന് തോന്നി," സച്ചിൻ പറഞ്ഞു.

"പഠിക്കണം എന്നുണ്ടെങ്കിൽ ഞാൻ സഹായിക്കാം. പക്ഷേ അനാവശ്യമായ വർത്തമാനങ്ങൾ ഇവിടെ പാടില്ല. മനസ്സിലായല്ലോ?"

"അയ്യോ ടീച്ചറേ... അതൊക്കെ ഞങ്ങൾക്ക് അറിയാം," രാഹുൽ പറഞ്ഞു. "വിനു ഭാഗ്യവാനാണ്. വീട്ടിൽ ഇത്രയും നല്ലൊരു അന്തരീക്ഷം. ടീച്ചറുടെ ഈ വീട് കാണാൻ തന്നെ എന്ത് രസമാണ്. എല്ലാം നല്ല നീറ്റായിട്ട് കിടക്കുന്നു."

രാഹുലിന്റെ സംസാരത്തിൽ ഒരുതരം സ്വാഭാവികതയുണ്ടായിരുന്നു. ശാരദയ്ക്ക് പതിയെ ആ കടുപ്പം കുറയുന്നത് പോലെ തോന്നി. "അതിപ്പോ... നമ്മൾ താമസിക്കുന്ന ഇടം വൃത്തിയായി വെക്കണമല്ലോ. വിനുവിന് അങ്ങനെയൊരു ശ്രദ്ധയൊന്നുമില്ല."

"അതുകൊണ്ടല്ലേ ടീച്ചറേ ഞങ്ങൾ വന്നത്," സച്ചിൻ ഇടയ്ക്ക് കയറി. "ഞങ്ങൾ ഇവനെ കുറച്ച് നന്നാക്കി എടുത്തോളാം. ടീച്ചർക്ക് ആ കാര്യത്തിൽ പേടി വേണ്ട. സത്യം പറഞ്ഞാൽ സ്കൂളിൽ ടീച്ചറെ കാണുമ്പോൾ ഞങ്ങൾക്ക് പേടിയാണ്. പക്ഷേ ഇവിടെ കണ്ടപ്പോൾ... ഒരു ചേച്ചിയെപ്പോലെയുണ്ട്."

ശാരദ ഒന്ന് ചിരിച്ചു. ആരും കേൾക്കാത്ത, വളരെ നേർത്ത ഒരു ചിരി. "ചേച്ചിയോ? എനിക്ക് നിന്റെ അമ്മയുടെ പ്രായം കാണും."

"അതൊക്കെ വെറുതെ പറയുന്നതാ ടീച്ചറേ," അജിത്ത് കണ്ണിറുക്കി ചിരിച്ചു. "ടീച്ചറെ കണ്ടാൽ അത്രയൊന്നും തോന്നില്ല. എല്ലാവരും പറയാറുണ്ട്, ശാരദ ടീച്ചർ ക്ലാസ്സിൽ കയറുമ്പോൾ ഒരു പ്രത്യേക തെളിച്ചമാണെന്ന്."

ഈ സംസാരങ്ങൾക്കിടയിൽ വിനു മിണ്ടാതെ ഒരു മൂലയിൽ ഇരിക്കുകയായിരുന്നു. അവന്റെ