Chapter Title : ശംഭുവിന്റെ ഒളിയമ്പുകൾ 10 [Alby]

കരുതി.

എന്തു കരുതാൻ.

എന്നാ നീ ഇരിക്ക്.ഭക്ഷണം കഴിഞ്ഞ് ആവാം ഇനി.

ഭക്ഷണശേഷം പുരയിടത്തിലെ ഏറുമാടത്തിന്റെ ചുവട്ടിൽ പല്ലിടയും കുത്തി നിൽക്കുകയാണ് ശംഭു. വീണയും ഗായത്രിയും അങ്ങോട്ടേക്ക് എത്തി.

നീ ഇവിടെ നിക്കുവാരുന്നോ?

ആ.അല്ലാതെ എന്ത് ചെയ്യാൻ.

ഓർമ്മയുണ്ടോ നിനക്ക്.നമ്മൾ ഇതിന്റെ മുകളിൽ എന്തോരം ഓടി കേറിയതാ.അല്ലേടാ.

മ്മ്.അതൊക്കെ ഒരു കാലം.

കേട്ടോ ചേച്ചി.അവധിദിവസം ഞങ്ങൾ ഇവിടാരിക്കും.ഒരിക്കൽ എനിക്ക് പനിപിടിച്ചു കിടന്നു.ഒരു ശനിയാഴ്ച്ച.ഇവനും ചേട്ടനും ഇങ്ങോട്ട് പോന്നു,കളിക്കാൻ.ഞാൻ ഉണ്ടേല് ഇവൻ എന്റെ കൂടെയാ.അന്നാ ഒരു ചെകുത്താൻ അവന്റെ തനിനിറം കാട്ടിയത്.

അത്‌ കേട്ട് ശംഭുവിന്റെ മുഖം മാറുന്നത് കണ്ടു വീണ. എന്തോ അവന്റെ മുഖം കുനിഞ്ഞു.കണ്ണ് നിറയാൻ തുടങ്ങി.

ശേ എന്താടാ ഇത്.കുഞ്ഞേച്ചിടെ ആങ്ങളയല്ലേ നീ.കരയാൻ പാടില്ല. കരയേണ്ടത് അവനാ.ആ ചെകുത്താൻ.

ചേച്ചി......ഇതൊക്കെ ചേച്ചിക്ക്.

അറിയാം,എല്ലാം.നീ ഈ ഡയറി കണ്ടോ.അച്ഛന്റെയാ.ഇതിലുണ്ട് എല്ലാം.അവന്റെ ജാതകം സഹിതം.

ഞാനും പുറത്തുള്ളതാ ചേച്ചി.

ആരു പറഞ്ഞു നീ പുറത്തെയാന്ന്. ഞാൻ പറഞ്ഞില്ലേ ഇതിൽ എല്ലാം ഉണ്ട്.അച്ഛനും അമ്മയും ഒളിപ്പിച്ച രഹസ്യങ്ങൾ.അതിൽ ഒന്നാ നീ.

?????അവൻ ആശ്ചര്യപ്പെട്ടു.

ഇങ്ങനെ നോക്കണ്ട. നിന്റെ മുഖത്ത് ഉണ്ട് നിന്റെ ചോദ്യങ്ങൾ.പറയാം ഞാൻ.നിനക്ക് അറിയില്ല. എന്റെ അമ്മക്ക് ഒരു അനുജത്തികൂടെ ഉണ്ട്. പാവം മരിച്ചുപോയി.

എപ്പഴോ പറഞ്ഞിട്ടുണ്ട്.

അതല്ലേ അറിയൂ.അമ്മായി പ്രീഡിഗ്രി പഠിക്കുന്ന സമയം.ഒരു അന്യജാതിയിൽ പെട്ട ആളോട് പ്രണയത്തിലായി.ഒരു നസ്രാണി. കൊണ്ട് പിടിച്ച പ്രണയം.നാട്ടിലും വീട്ടിലും അറിഞ്ഞു.ആ കാലം അല്ലെ. എന്തൊക്കെയുണ്ടാവും എന്ന് അറിയാല്ലോ.

എന്നിട്ട് എന്താ പറ്റിയെ

വീട്ടുതടങ്കലിൽ ആയിരുന്നു അമ്മായി അമ്മയുടെ വിവാഹം പെട്ടെന്ന് നടത്തി.അമ്മായിയുടെ ആലോചിച്ചു എങ്കിലും ഈ പ്രണയം അറിയുന്നവർ പിന്നോട്ട് പോയി.അപ്പഴാ ഒരു രണ്ടാം കെട്ടുകാരന്റെ ആലോചന വരുന്നത്.

അല്ല ആ നസ്രാണി ചെക്കൻ, എന്തു പറ്റി.

അയാൾ ഒളിവിൽ പോയിരുന്നു. കൊല്ലും എന്നതാരുന്നു അവസ്ഥ. അമ്മായിയുടെ അറിവോടെ ആരുന്നു ആഹ്, പറഞ്ഞുവന്നത് അമ്മായിയെ കെട്ടിച്ചുവിട്ടു അയാളുമായി.പിന്നീട് കേൾക്കുന്നത് അമ്മായി തന്റെ ഇഷ്ടക്കാരനൊപ്പം ആദ്യരാത്രിയിൽ തന്നെ ഒളിച്ചോടിയെന്നാ.

അവൻ ഗായത്രിയെ നോക്കിനിന്നു.

ഇനിയും മനസിലായില്ല അല്ലെ.അവർ താമസം ആക്കിയത് ഗുരുവായൂരിൽ ഒന്ന് പിടിച്ചുനിൽക്കാൻ പാടുപെട്ടു അവർ.നാളുകളുടെ കാത്തിരിപ്പിൽ അവർക്കൊരു കുഞ്ഞു