Chapter Title : ശ്രീയുടെ ആമി 5 [ഏകലവ്യൻ]

സന്തോഷത്തോടെ സംസാരം തുടർന്നു.

“വീണ്ടും എങ്ങനെയാ ഈ പരിപാടി തുടങ്ങിയത്..?”

“ഏത്..?”

“എംപ്ലോയ് ഓഫ് ദി മന്ത്..”

“അത് നല്ലതല്ലേ..?”

“അതെ..”

“സന്തോഷമായോ..?”

“ആയി. ഞാൻ വിന്നർ ആകുമെന്ന് പ്രതീക്ഷിച്ചതേയില്ല..”

“എന്തേ..?”

“കല്യാണത്തിന്റെ കാര്യങ്ങളൊക്കെയായി ഞാൻ കുറേ ലീവ് ആയിരുന്നില്ലേ..?”

“വർക്ക് ചെയ്യുന്ന സമയങ്ങളിലെ പെർഫെക്ഷൻ അല്ലേ നമ്മുക്ക് നോക്കേണ്ടു.”

“അത് കലക്കി..! ഹ..ഹ”

“എന്നിട്ട് വിശേഷങ്ങൾ പറയ്.. എങ്ങനെ ഉണ്ടായിരുന്നു കഴിഞ്ഞ രണ്ടാഴ്ച..?”

“കുഴപ്പമില്ലായിരുന്നു..” അവളൊരു ഒഴുക്കൻ മട്ടിൽ പറഞ്ഞു.

“ഞാൻ ഇല്ലാതിരുന്നിട്ട് സങ്കടമായോ അതോ..”

“നല്ല സന്തോഷം..!”

“ആണോ..?”

“എന്തിനാ ഇങ്ങനെ ചോദിക്കുന്നെ..? എനിക്ക് സങ്കടമായിരിക്കുമെന്ന് അറിയില്ലേ..?”

പറയുമ്പോഴുള്ള ആമിയുടെ ഭാവമാണ് പ്രധാനം. കൊച്ചു കുട്ടികളുടെ ചിണുക്കം പുറകിൽ നിൽക്കും. അത് കാണാൻ അവനും സന്തോഷം.

“എന്നിട്ട് കരഞ്ഞോ..?”

“പോട…”

“ഹ..ഹ .. ശ്രീ എന്തു പറയുന്നു..?”

“എന്തു പറയാൻ..! അല്ല ഏട്ടന് എങ്ങനെ ഉണ്ടായിരുന്നു. നേരാവണ്ണം മെസ്സേജ് പോലും അയച്ചില്ലല്ലോ.. വിളിച്ചിട്ട് കിട്ടുന്നുമില്ല..”

“ബോസ്സിന്റെ കൂടെയായിരുന്നില്ലേ.. നല്ല തിരക്കാ..”

“മ്മ്.. മെസ്സേജ് കുറഞ്ഞപ്പോൾ എനിക്ക് തോന്നി.”

“സുന്ദരിയായിട്ടുണ്ട് ഇന്ന്..”

“ഇന്ന് മാത്രമോ..?”

“അല്ല.. എപ്പോഴും.. പക്ഷെ ഇന്ന് കുറച്ച് കൂടുതൽ..”

“അത് രണ്ടാഴ്ച കഴിഞ്ഞ് കാണുന്നത് കൊണ്ട് തോന്നുന്നയ..”

“നോ.. യു ആർ ഓൾവേസ് ബ്യൂട്ടിഫുൾ..!”

അവളുടെ കവിളുകൾ ചുമന്നു. നാണം വന്നത് കൊണ്ട് ഒന്നും മിണ്ടിയില്ല.

“വിന്നർ ആയിട്ട് നിന്റെ വക ട്രീറ്റ് ഒന്നുമില്ലേ..?”

“എന്താ വേണ്ടേ..? ”

“നീ തന്നെ പറയ് എന്തു തരുമെന്ന്..”

“മെറീഡിയനിൽ നിന്ന് നമുക്ക് ലഞ്ച്. ഓക്കെ..? ബാക്കിയുള്ളവരെയും കൂട്ടാം..”

“ആരെയൊക്കെ..?”

“പ്രൊജക്റ്റ്‌ ടീമും പിന്നെ ശ്രീയും..”

“ഓ.. എല്ലാരേയും കൂട്ടി സദ്യ കൊടുക്കാൻ പോവണോ..? ഇതെന്താ ഓണമോ..”

അവന്റെ പറച്ചിൽ കേട്ട് അവൾ നന്നായി ചിരിച്ചു.

“പിന്നെന്താ വേണ്ടേ..?”

ചിരി നിർത്താൻ ശ്രമിക്കുന്നതിനിടയിൽ അവൾ ചോദിച്ചു.

“എനിക്ക് മാത്രം മതി.”

കാമുകന്റെ സ്വാർത്ഥതയുള്ള പറച്ചിലിൽ ആമിയുടെ മുഖത്ത് ഒരു പുഞ്ചിരി വിരിഞ്ഞു. പക്ഷെ ഉത്തരം നൽകാൻ വാക്കുകൾ കിട്ടിയില്ല.

“എന്തേ പറ്റില്ലേ..?”

“അതെന്തിനാ ഏട്ടന് മാത്രം..?”

“കഴിഞ്ഞ ദിവസങ്ങളിൽ എന്നെയല്ലേ നി മിസ്സ്‌ ചെയ്തത്.?”

അവളുടെ