Chapter Title : ശ്രീയുടെ ആമി 6 [ഏകലവ്യൻ]

കണ്ടെന്ന കാര്യം ഉറപ്പാണ്. അത്കൊണ്ട് ശ്രീയുടെ നേരെ നോക്കാൻ അവൾക്ക് ധൈര്യമില്ല. ആകെ നേർവസ് ആയി. സമയം നീങ്ങി ലഞ്ച് ടൈം ആയപ്പോൾ ആടിയുലയുന്ന മനസ്സോടെ അവൾ ശ്രീയുടെ പുറകെ കാന്റീനിലേക്ക് നടന്നു.

“റിതിൻ എന്താ പറയുന്നത് കണ്ടത്..?”

ആമിയുടെ ഊണും വാങ്ങി അവൾക്ക് കൊടുത്ത് കഴിക്കാനിരിക്കുന്നതിനു മുൻപ് ശ്രീ ചോദിച്ചു.

“അത്.. വർക്കിന്റെ കാര്യം പറഞ്ഞതാ.. പുതിയ പ്രൊജക്റ്റ്‌ വന്നിട്ടുണ്ട്..”

“ഓഹ്..”

അത് കേട്ടപ്പോൾ ആമിയെ വീണ്ടുമൊന്ന് പരീക്ഷിക്കാമെന്ന ചിന്തയിൽ അവൻ പുഞ്ചിരിച്ചു.

“എന്താ...ഒരു ചിരി..?”

“അല്ല.. വീണ്ടും പ്രൊജക്റ്റ്‌..!”

അവൻ അർത്ഥം വച്ച് പറഞ്ഞു. അതവൾക്ക് മനസിലാക്കാവുന്നതേ ഉള്ളു.

“കുന്തം..! ഞാൻ എല്ലാം വിട്ടു., മറന്നു..”

“ഞാനതിനു ഒന്നും ചോദിച്ചില്ലല്ലോ..”

“മ്മ്.. ഞാൻ പറഞ്ഞതാ..”

വേറെ അധികമൊന്നും സംസാരിക്കാതെ അവർ എഴുന്നേറ്റു. ആമിയുടെ മറുപടിയിൽ ശ്രീയുടെ പരീക്ഷണം വിജയിച്ച ഭാവമായിരുന്നു അവന്റെ മുഖത്ത് ഉണ്ടായത്. ഒരു തരത്തിലും ഇനി ആമിക്ക് റിതിനുമായി ഒരു ബന്ധം ഉണ്ടാകില്ലെന്ന് അവൻ ഉറപ്പിച്ചു. പക്ഷെ സമയം നീങ്ങും തോറും ആമിയുടെ മനസ്സിൽ ടെൻഷൻ കൂടുകയാണ്. ഇരിപ്പുറക്കുന്നില്ല. മൂന്ന് മണി ആയപ്പോൾ ബോസ്സും റിതിനും ഓഫീസിലെത്തി. ആമിയുടെ കണ്ണുകൾ ലക്ഷ്യമില്ലാതെ ചലിക്കുന്നതിനിടയിൽ കേബിനിലേക്ക് പോകുന്ന റിതിനെ അവൾ കാണുന്നുണ്ട്. കുറച്ച് നിമിഷങ്ങൾ നീങ്ങി. അപ്പോഴാണ് ഫോണിൽ നോട്ടിഫിക്കേഷൻ വരുന്നത്. റിതിന്റെ മെസ്സേജ് ആണ്. അവൾ ഫോണെടുത്ത് നോക്കി.

“ഞാൻ പറയുമ്പോൾ ബാത്‌റൂമിലേക്ക് പോകണം..”

ഇതാണ് മെസ്സേജ്. അവൾക്ക് എന്തു ചെയ്യണമെന്ന് അറിയാതെ സങ്കോചപ്പെട്ടു. പേടിയും ടെൻഷനും അണുവിട കൂടുകയാണ്. കാരണം ശ്രീ ഓഫീസിൽ തന്നെയുണ്ട്. ഇന്നലെ സംഭവിച്ചത് യഥാർശ്ചികമാണെങ്കിൽ ഇന്ന് അങ്ങനെയല്ല. ബാത്‌റൂമിൽ വച്ച് മാത്രമേ പാന്റീസ്‌ തിരിച്ചു തരുമെന്ന് റിതിൻ പറഞ്ഞതിന്റെ ഉദ്ദേശം എന്താണെന്ന് ആമിക്ക് ഇതുവരെയും ഒരു പിടിയുമില്ല. ഏതെങ്കിലും തരത്തിൽ ശ്രീ ഇത് അറിഞ്ഞാൽ ഉണ്ടാകുന്ന അവസ്ഥ ആലോചിക്കാൻ കൂടെ കഴിഞ്ഞില്ല.

ഇനിയും റിതിന്റെ മെസ്സേജ് വരുമെന്ന് പേടിച്ചിരിക്കുമ്പോഴാണ് ശ്രീ എഴുന്നേൽക്കുന്നത് അവൾ കാണുന്നത്. മെയിൻ ഡിസൈനർ ആയ വിനീഷ് കേബിനിൽ നിന്നിറങ്ങി ശ്രീയുടെ അടുത്തേക്ക് ചെല്ലുന്നത് സസൂഷമം ആമി നിരീക്ഷിച്ചു. എന്തൊക്കെയോ ചെറിയ സംഭാഷണങ്ങൾക്ക് ശേഷം