Chapter Title : ശ്രീയുടെ ആമി [ഏകലവ്യൻ]

കഷ്ടമല്ലേ അപ്പോൾ..?”

അവനെ നോക്കി ഇരുന്നതല്ലാതെ അവൾക്ക് വീണ്ടും ഉത്തരം മുട്ടി. സാറ്റർഡേ ഇതേ കാര്യം പറഞ്ഞപ്പോൾ തീർത്തും ഇല്ലെന്ന് പറഞ്ഞവൾ ഇന്ന് അതേ ചോദ്യത്തിന് ഉത്തരമില്ലാതെ കഷ്ടപെടുന്നത് കണ്ട് വഴി തെളിയുന്ന സന്തോഷത്തിൽ റിതിന്റെ മനസ്സ് ആഹ്ലാദിച്ചു. ആമിയെ വശ്യമായി നോക്കിയപ്പോൾ അവൾ കണ്ണ് വെട്ടിച്ചു. പക്ഷെ വീണ്ടും നോക്കിപ്പോവുന്നു. കാന്തീക പ്രഭാവത്തിന്റെ വലയത്തിൽ അവൾ അകപ്പെട്ടെന്ന് മനസിലാക്കിയ റിതിൻ പൊടുന്നനെ ചിരിച്ചു. അത് മനസിലാകാതെ അവളവനെ നോക്കി.

“എന്തിനാ ചിരിച്ചത്..”

അവളുടെ ആകാംഷ കലർന്ന ചോദ്യം.

“നിനക്ക് എന്നെ ഇഷ്ടമാണ്..”

“അല്ല... “

“അതെ..”

അവളുടെ ഉപബോധ മനസ്സിലേറ്റ ആണിയടി പോലെ അവന്റെ വാക്ക് വന്നു തറച്ചപ്പോൾ ഇത്തവണ അവൾ അല്ലെന്ന് സമർഥിച്ചില്ല. അതിനു കഴിഞ്ഞില്ല. എന്തോ പറയാനായി അവളുടെ ചുണ്ടുകൾ തുറന്നപ്പോൾ അവൻ ഇടയിൽ കയറി.

“ലീവ് ഇറ്റ്.. താൻ ഈ പ്രൊജക്റ്റ്‌ ന്റെ ഔട്ട്‌ ലുക്ക്‌ നോക്ക് എങ്ങനെ ഉണ്ടെന്ന് പറ.”

അവളുടെ നേരെ ലാപ്ടോപ് തിരിച്ചു കൊണ്ടവൻ പറഞ്ഞു. കടക്കണ്ണിട്ട് അവനെ നോക്കി ഫയൽ തുറന്ന് നിരീക്ഷിച്ചു കൊണ്ടിരിക്കുമ്പോൾ വായിൽ പേനതുമ്പ് വച്ച് റിതിൻ അവളുടെ മുഖത്തു കണ്ണുഴിഞ്ഞു. ഇടയിൽ അവളത് ശ്രദ്ധിച്ചെങ്കിലും ഒന്നും മിണ്ടാനായില്ല.

“നന്നായിട്ടുണ്ട്.. ഇത് സക്സസ് ആവും എനിക്കുറപ്പുണ്ട്.”

ലാപ് ടോപ്പിൽ നിന്ന് കണ്ണെടുത്ത് അവളവനെ നോക്കി പറഞ്ഞു.

“യെസ്..”

മറുപടിയായി അവൾ തുറന്ന് ചിരിച്ചപ്പോൾ പകുതി പുഞ്ചിരി വരുത്തി അവൻ അവളുടെ മുഖത്തു തന്നെ നോക്കി മുഴുവൻ സ്കാൻ ചെയ്തു.

“എന്താ നോക്കുന്നെ??”

“താൻ ഈ ഏസി റൂമിലും വിയർക്കുന്നത് നോക്കിയതാ..”

അവൾടെ ചെകിളയിൽ നിന്നും കഴുത്തിലേക്ക് ഉരുണ്ടുപോകുന്ന ചെറു വിയർപ്പ് തുള്ളി കാണിച്ചു കൊണ്ടവൻ പറഞ്ഞു. അതവൾക്കും ഒരു അത്ഭുതമായി വേഗം തുടച്ചു കളഞ്ഞു.

“ഞാൻ പോകുവാ..”

ആമി എഴുന്നേറ്റ് പറഞ്ഞു. റിതിക്ക് എന്നോട് അത്രക്ക് ഇഷ്ടം ഉണ്ടെങ്കിൽ ഇപ്പോ എന്നെ പോവാൻ സമ്മതിക്കില്ല എന്നവൾ കണക്കു കൂട്ടി.

“ഓക്കേ..”

അത് കേട്ടപ്പോൾ അവളുടെ മുഖം മാറി. ആലോചനയിൽ മുഴുകിയ പോലെ അവിടെ തന്നെ നിന്നു പോയി.

“എന്തെ പോവുന്നില്ലേ??”

അവൻ ചിരിച്ചു കൊണ്ട്