Chapter Title : ഷുഗർ ഡാഡി [മ്ലേച്ഛൻ]

അതിനാൽ അത് റീഫണ്ട് ഉള്ളതല്ല. നിങ്ങൾ സംസാരിച്ചു രണ്ടുപേരും ഓക്കേ ആവുകയാണെങ്കിൽ ഒരു അൻപതിനായിരം കൂടെ ഞങ്ങൾക്ക് പേയ് ചെയ്ത ശേഷം പെൺകുട്ടിയെ പൂർണ്ണമായും നിങ്ങൾക്ക് ദത്തെടുക്കാം.

ഇനി രണ്ടുപേർക്കും പൂർണ്ണമായും ഓക്കേ ആയില്ലെങ്കിൽ ഞങ്ങൾക്ക് തന്ന അൻപതിനായിരം സാറിന് റിട്ടേൺ ലഭിക്കും...'

'അപ്പോൾ, ഓക്കേ ആയാലും ഇല്ലെങ്കിലും എനിക്ക് അൻപതിനായിരം നഷ്ടമാണല്ലോ?'

'അതിനുള്ള സാധ്യത കുറവല്ലേ സർ. സർ തന്നെ ഓർത്തു നോക്കൂ... കന്യകയായ, സ്‌കൂളിൽ അല്ലെങ്കിൽ കോളേജിൽ പഠിക്കുന്ന ഒരു പെൺകുട്ടി. അവൾക്ക് അവളുടെ ഐഡണ്ടിറ്റി മാറ്റാരും അറിയരുതെന്നു മാത്രമേ കണ്ടീഷൻ ഉണ്ടാവുകയുള്ളൂ... അങ്ങനെ ഒരു പെൺകുട്ടിക്ക് ഈ കൊടുക്കുന്ന പണം തന്നെ കുറവല്ലേ? അവൾ മുന്നിൽ വരാൻ തയ്യാറാകുന്നതിനു മാത്രമല്ലേ പണം കൊടുക്കുന്നുള്ളൂ... ബാക്കി ഒക്കെ സാറിന്റെ മിടുക്കല്ലേ...?'

രാജീവ് അത് കേട്ടു ചിരിച്ചു. 'അതൊക്കെ ശരി തന്നെ... ഇതുവരെ കാണാത്ത നിങ്ങൾക്ക് ഞാൻ എങ്ങനെ പണം തരാനാണ്?'

'അതിനെക്കുറിച്ച് ആലോചിച്ചു സർ ബുദ്ധിമുട്ടേണ്ട... റിസെപ്ഷനിൽ ഒരു അജയ് ഉണ്ടാകും. സർ താമസിക്കുന്ന ഹോട്ടലിന്റെ സ്റ്റാഫ് തന്നെയാണ്. ഈ ഹോട്ടലിന്റെ എന്നല്ല, മിക്ക ഹോട്ടലുകളുടെയും മാനേജ്‌മന്റ് ഞങ്ങളുമായി നല്ല പാർട്നർഷിപ്പിലാണ്... പണം അവരുമായി ഡീൽ ചെയ്താൽ മതി. സാറിന് കംപ്ലൈന്റ് ഉണ്ടെങ്കിൽ ഹോട്ടൽ മാനേജ്മെന്റിനെതിരെ കംപ്ലൈന്റ് ചെയ്യാമല്ലോ?'

രാജീവ് ഒന്നു അമ്പരന്നു... 'ഹോ... നിങ്ങളുടെ ബിസിനസ്സ് കൊള്ളാമല്ലോ... ശരി ഞാൻ അതുപോലെ ചെയ്യാം. എങ്കിലും എനിക്ക് കൂടുതൽ അറിയാൻ താല്പര്യമുണ്ട്. എങ്ങനെയാണ് ഇത്രയും വലിയ മാനേജ്‌മന്റ് ഒക്കെ നിങ്ങളെ സപ്പോർട്ട് ചെയ്യുന്നത്?' ആകാംക്ഷയോടെ അവൻ ചോദിച്ചു.

മറുതലയ്ക്കൽ വലിയ ശബ്ദ വ്യത്യാസമൊന്നും ഉണ്ടായിരുന്നില്ല... 'ഈ നാട്ടിൽ എത്ര പേരാണ് സർ പുറത്തു പറയാൻ പറ്റാത്ത ഫാന്റസികൾ ഉള്ളിൽ കൊണ്ടു നടക്കുന്നത്. പല മേഖലകളിലും തലപ്പത്തു ഇരിക്കുന്നവർ തന്നെയാണ് അവരുടെ വൈൽഡ് ഫാന്റസികൾ ട്രൂ ആക്കുവാനായി ഞങ്ങളെ സപ്പോർട്ട് ചെയ്യുന്നത് തന്നെ...'

'ആണോ... അത് കൊള്ളാമല്ലോ... ആരൊക്കെ?' രാജീവ് തള്ളി വന്ന ആകാംക്ഷയിൽ സ്വഭാവികമായി ചോദിച്ചുപോയി.

'സാർ ആള് കൊള്ളാം... പക്ഷെ, അതൊന്നും ആർക്കും അറിയാൻ പറ്റില്ല. അതുപോലെ തന്നെയാണ് സാറിന് ഞങ്ങൾ തരുന്ന ഉറപ്പും...