Chapter Title : ശ്യാമളയുടെ ഒരു ദിവസം [ഋഷി]

ഒരു നാണം കുണുങ്ങി.

എന്നാലും അവനെന്തു പറ്റിക്കാണും? മാർക്കു കൊറയാൻ? ചെക്കനൊള്ള സത്യം പറഞ്ഞില്ലേല് അവൻ്റെ ചന്തീലെ തോലെടുക്കും. ഇതവൻ മറക്കരുത്. ഈ അമ്മായി ആരാണെന്ന് അവനിനീം അറിയാൻ കെടക്കുന്നേയുള്ളൂ. ൻ്റെ മോനു! അവളൊന്നു മന്ദഹസിച്ചു.

മഴയത്തേക്കിറങ്ങി. ചാറ്റൽമഴയാണിപ്പോൾ. തൊഴുത്തിനോടു ചേർന്ന ചെറിയ ചായ്പ്പിൽ മൂന്നു വലിയ വെട്ടുകല്ലുകൾ കൂട്ടിയതാണ് കുളിക്കാനുള്ള വെള്ളം ചൂടാക്കുന്ന അടുപ്പ്. അതിനടുത്തു തന്നാണ് കുളിമുറീം. വലിയ കുട്ടകത്തിൽ വെള്ളം ചൂടായാൽ ആവശ്യത്തിന് കുളിമുറീലെ വലിയ തൊട്ടിയിൽ ചെറിയ ബക്കറ്റിൽ ചൂടുവെള്ളമെടുത്ത് നിറയ്ക്കാം. അവൾ കുട്ടകം പൊക്കി അടുപ്പത്തു വെച്ചു.

ഒണങ്ങിയ മടലും കൊതുമ്പും കൊറച്ച് മാവിൻ്റെ വെറകും കൂട്ടി താഴെ അടുപ്പിലേക്കു വെച്ചു. വെളിയിലിറങ്ങിയപ്പോ എന്താ കഥ! മഴ കനക്കുന്നു. സാരമില്ല. ഒന്നൂടെ കുളിച്ചാ മതിയല്ലോ. അവൾ വെള്ളം കോരി പ്ലാസ്റ്റിക്ക് ബക്കറ്റിൽ നിറച്ച് കുട്ടകത്തിലേക്കു നിറച്ചുതുടങ്ങി.

നാലു വട്ടം വെള്ളം നിറച്ചപ്പഴേക്കും അവൾ നനഞ്ഞു കുതിർന്നു. മുടിയിൽ നിന്നും വെള്ളം താഴേക്കൊഴുകി... ഒണങ്ങിയ കൊതുമ്പിൽ തീപ്പിടിപ്പിച്ചപ്പോൾ ആളിക്കത്തി. കാച്ചിയ എണ്ണയുടെ കുപ്പി അവൾ അടുപ്പിനടുത്തേക്കു നീക്കി വെച്ചു.

വെള്ളം ചൂടായിത്തുടങ്ങിയപ്പോൾ അവൾ ചായ്പ്പിനു വെളിയിലേക്കു നോക്കി. മഴ കനത്തതു പോലെ പെട്ടെന്നു തോർന്നിരിക്കുന്നു. എന്നാലും മഴക്കോളുണ്ട്. അച്ഛനെ എണീപ്പിക്കണം.  വരാന്തയിലെ അയയിൽ നിന്നും ഒരു പഴയ തുണിക്കഷണമെടുത്ത് അവൾ തല തോർത്തി. വെള്ളം മെല്ലെയേ ചൂടാവൂ. ഉടുത്ത തോർത്തിൽ നിന്നും വെള്ളമിറ്റു വീഴുന്നുണ്ട്. അവൾ വീടിനു വലം വെച്ച് മുറ്റത്തു ചെന്ന് വെളിയിൽ നിന്നും, ചാരുപടിയിൽ ഉറങ്ങിക്കിടന്ന ശിവൻ്റെ മുഖത്തേക്ക് നനഞ്ഞ മുടിക്കെട്ടു വീശി.

വെള്ളത്തുള്ളികൾ വീണപ്പോൾ ഞെട്ടിയുണർന്ന ശിവൻ