സിൽക്ക് സാരി 6 [Amal Srk]

മറുപടിയൊന്നും കൊടുത്തില്ല.

" നിന്റെ മൂലും, പൂരാടവുമൊക്കെ ഒന്നാക്കും ഞാൻ.. " കളിയാക്കി ചിരിച്ചു കൊണ്ട് പറഞ്ഞു.

അവന്റെ സംസാരം കേട്ട് അവൾക്ക് നല്ലപോലെ അരിശം കേറി. കൂടുതൽ പറഞ്ഞ് പ്രശ്നം പഴയപോലെ വഷളാക്കേണ്ടെന്ന് വിചാരിച്ച് തിരിച്ച് പറയാതെ സഹിച്ചു കേട്ടു.

രാവിലെ നേരം ഒരുപാട് വൈകിയിട്ടും കിടക്കയിൽ ഒരേ കിടപ്പിലാണ് മാളവിക. അവൾടെ മനസ്സിൽ മുഴുവൻ അമ്മയോടുള്ള വെറുപ്പും, കുറ്റബോധവുമാണ്. ഈ നേരം ഗോഹുൽ മുറിയിലേക്ക് കയറി വന്നു.

" നീ ഇതുവരെ റെഡിയായില്ലേ..? "അവൻ സംശയത്തോടെ ചോദിച്ചു.

" ഞാൻ ഇന്ന് വരണില്ല.. " കിടപ്പിൽ തന്നെ പറഞ്ഞു.

" എന്ത് പറ്റി..? വയ്യേ..? "

" നല്ല ക്ഷീണം.. ചേട്ടൻ പൊക്കൊ.. "

" പനിക്കുന്നുണ്ടോ.? നോക്കട്ടെ.. " ഗോഹുൽ അടുത്ത് ചെന്ന് അവളുടെ നെറ്റിയിലും, കഴുത്തിലുമൊക്കെ തൊട്ടുനോക്കി. " ചൂടൊന്നുമില്ല.. "

" ചേട്ടൻ പൊക്കൊ.. ഞാൻ ഇന്ന് വരുന്നില്ല.. " പുതപ്പ് കൊണ്ട് മുഖം മൂടി കിടപ്പ് തുടർന്നു.

രാവിലെ കഴിക്കാനുള്ളത് ടേബിളിൽ നിരത്തുന്ന തിരക്കിലാണ് നിരുപമ. ഈ നേരം ഗോഹുൽ അടുത്തേക്ക് ചെന്നു " അമ്മേ.. അവൾക്ക് തീരെ വയ്യ. ഇന്ന് വരുന്നില്ലെന്നാ പറയണേ.. "

" അവൾക്കെന്താ..? " നിരുപമ ചോദിച്ചു.

" പനിയൊന്നും ഇല്ല, തീരെ വയ്യാന്നാ പറഞ്ഞേ.. "

" അഹ്.. നീ കഴിക്ക്, ഞാൻ നോക്കിട്ട് വരാം.. " ഗോഹുലിന്‌ കഴിക്കാൻ എടുത്ത് വച്ച്, മാളവികയുടെ മുറിയിലേക്ക് ചെന്നു. പനി പിടിച്ചപോലെ മൂടിപ്പുതച്ചു കിടക്കുകയാണവൾ. നിരുപമ ബെഡിന്റെ സൈഡിൽ ഇരുന്ന് അവളെ തലോടി വിളിച്ചു " എഴുന്നേൽക്ക് മാളു, എന്താ പറ്റിയെ നിനക്ക്.? "

നിരുപമയുടെ മുഖം കണ്ടപ്പോൾ തന്നെ അവൾക്ക് ദേഷ്യം ഇരച്ചു കയറി.

" നീയെന്താ ദേഷ്യം വച്ച് നോക്കുന്നെ..? എന്താ പറ്റിയെ നിനക്ക്..? 'സംശയത്തോടെ തിരക്കി.

" എന്നെ ശല്യം ചെയ്യാതെ പോയിത്തരുവോ.. " മാളവിക ദേഷ്യത്തോടെ പറഞ്ഞു.

" എന്ത് പറ്റി..? എന്തിനാ എന്നോട് ദേഷ്യപ്പെടുന്നേ..? "

" ചിന്തിച്ചു നോക്ക്.. എല്ലാം ഞാൻ പറയണോ..? "

മാളവിക എന്താണ് അർത്ഥം വച്ച് ചോദിക്കണത്..? ഷിജുവിന്റെ കാര്യം ഇവൾ അറിഞ്ഞു കാണുമോ..? നിരൂപമ സംശയത്തിലായി.

" മോളെ നീ പറയുന്നതൊന്നും എനിക്ക് മനസ്സിലാവുന്നില്ല.. വയ്യെങ്കിൽ നമുക്ക് ഹോസ്പിറ്റലിൽ പോകാം.. "

" രോഗം എനിക്കല്ല.. അമ്മക്കാ.. അത് സ്വയം ചികിൽസിച്ചാ മതി.. " മാളവികയുടെ അപ്രതീക്ഷിതമായ പെരുമാറ്റം കണ്ട് നിരുപമ വല്ലാതെ പേടിച്ചു.

" മോളെ എന്താ ഇത്..? "

" അമ്മ അച്ഛനെയും, ഞങ്ങളെയും ചതിച്ചു. നിങ്ങളെ അമ്മയെന്നു വിളിക്കാൻ തന്നെ എനിക്ക് അറപ്പ് തോന്നുവാ.. " മാളവിക അരിശം കൂടി പല്ല് കടിച്ചു കൊണ്ട് പറഞ്ഞു. മകളുടെ നാവിൽ നിന്നും മൊഴിഞ്ഞ വാക്കുകൾ കേട്ട് നിരുപമ തളർന്നു പോയി. ഒരിക്കലും സംഭവിക്കാൻ പാടില്ലാത്തത് സംഭവിച്ചു.

" എന്താ… ഞാൻ പറഞ്ഞത് ശെരിയല്ലേ.? "

" മോളെ ഞാൻ.. " നിരുപമയുടെ വാക്കുകൾ ഇടറി. സത്യാവസ്ഥ