Chapter Title : സിമിചേച്ചി എന്നും എപ്പോഴും [അർജുൻ]

" ഞാൻ ആത്മഗതം പറഞ്ഞു.. അന്ന് വലിയ സന്തോഷം ഉണ്ടായിരുന്നില്ല.. എന്നിരുന്നാലും കുക്കിങ്ങിന്റെ ബാല പാഠം തുടങ്ങാനായി യൂട്യൂബ് എടുത്ത് വെച്ച് കാപ്പി ഉണ്ടാക്കി...എന്റെ പൊന്നു സാറേ ആ കാപ്പി കുടിച്ചാൽ ചുറ്റുമുള്ള ഒന്നും കാണാൻ പറ്റിയില്ല നേരെ വാഷ്ബേസിനിലേക്ക് ഓടി തുപ്പി കളയുവാരുന്നു... അത്രക്കും മനോഹരമായ ഒരു വിഭവം.. ഞാൻ അമ്മയെ ഒന്നോർത്തു... ഈ കുക്കിംഗ്‌ നിസാരമല്ല എന്ന സത്യം മനസിലാക്കി.. പുറത്ത് പോയി തന്നെ അന്നും കഴിച്ചു.. പിന്നെയുള്ള രണ്ട് ദിവസം എനിക്ക് കോളേജിൽ പ്രൊജക്റ്റ്‌ ഉള്ളതിനാൽ പോകാതിരിക്കാൻ കഴിയുമായിരുന്നില്ല.. അതിനാൽ ചേച്ചിയെ കാണാൻ സാധിച്ചില്ല.. ഒരു ദിവസം യൂട്യൂബ് അമ്മച്ചിയുടെ സഹായത്തോടെ ഉള്ളിക്കറി ഉണ്ടാക്കാൻ ശ്രമിച്ചു.. പക്ഷെ ഉള്ളി കരിഞ്ഞുപോയതായിരുന്നു റിസൾട്ട്‌.. അങ്ങനെ യൂട്യൂബ് അമ്മച്ചിയെ കൊണ്ടുള്ള സഹായത്തിനു പരിധി ഉണ്ടെന്നു മനസിലാക്കി...എന്തോ ആകെ ചെറിയൊരു വിരസത ഫീൽ ചെയ്തപ്പോൾ ആദ്യമായി ഗിത്താറിൽ ഒരു റൊമാന്റിക് ഡ്രോപ്പ് പ്ലേ ചെയ്തു..എന്റെ സൃഷ്ടിയിൽ.. മനസ്സിൽ സിമി ചേച്ചി തന്നെയായിരുന്നു.. നാളെ കോളേജിൽ നിന്ന് ലീവ് എടുത്ത് ചേച്ചിയെ കാണാനും തീരുമാനിച്ചു.... പിറ്റേദിവസം രാവിലെ വളരെ ഉഷാറോടെ എഴുന്നേറ്റ ഞാൻ ഫ്രഷ് ആയി നല്ല കലക്കൻ ടീഷർട്ടൊക്കെ ഇട്ട് ഷോപ്പിലേക്ക് പോയി.. രാവിലെ ആയതിനാൽ തിരക്ക് കുറവായിരുന്നു.. ആദ്യത്തെ ഫ്ലോറിൽ ചേച്ചിയെ കണ്ടില്ല.. ഞാൻ മുകളിലെ നിലയിൽ ചെന്നപ്പോ കിച്ചൻ യൂറ്റൻസിൽസ് സെക്ഷനിൽ ചേച്ചിയെ കണ്ടു പോടി തട്ടി തുടക്കുകയാണ്.. ഒരു മജന്ത കളർ സാരിയാണ് അവരുടെ യൂണിഫോം.. ചേച്ചി രാവിലത്തെ കുളിച്ചുള്ള ലുക്കിൽ ആയത് കൊണ്ട് അന്ന് കണ്ടതിനേക്കാൾ സുന്ദരി ആണ്.. തിരക്കിൽ ആണെന്ന് തോന്നിയത് കൊണ്ട് ഞാൻ പോകാൻ തിരിയവേ "ഡാ രാഹുൽ.. " ചേച്ചി വിളിച്ചു.. എന്റെ പേരോർത്തിരിക്കുന്നു എന്നറിഞ്ഞപ്പോൾ ഞാൻ ഒരുപാട് സന്തോഷവാനായി.. ഞാൻ ഒരു തവണ എന്തോ പേര് പറഞ്ഞിട്ടുള്ളു ചേച്ചിയോട്..

"ആ ചേച്ചി " ഞാൻ കൈ കാണിച്ച്‌ അടുത്തേക്ക് ചെന്ന്.. "ഇതെന്താ ഇന്നും സാധനം വാങ്ങാൻ വന്നതാണോ " ചേച്ചി ചോദിച്ചു.. എന്ത് മറുപടി പറയും എന്നൊരു ഐഡിയ ഇല്ലാത്തതിനാൽ ഞാൻ പെട്ടെന്ന് "അതെ ചേച്ചി.. ഇന്ന് കോളേജിൽ ഇല്ല.. അത്കൊണ്ട് ഒരു പാൽച്ചായ ഇട്ട് കുടിക്കാം എന്ന് വെച്ചു.. അതിന് പാൽ വാങ്ങാൻ " "അതിന് അത് താഴെ അല്ലെ... വാ " ചേച്ചി എന്നോട് പറഞ്ഞ് "കസ്തൂരി കൊഞ്ചം ഇങ്കെ പാത്തുകോ.. കസ്റ്റമർ വന്തിടിച്ചു...നാൻ കീഴെയിരുപ്പേ "