Chapter Title : സിനിമക്കളികൾ 16 [വിനോദ്]

താൻ ആഗ്രഹിക്കുന്നത്.. ഒന്നും പിടി കിട്ടുന്നില്ല..

കുഞ്ഞ് കരഞ്ഞു.. അവൾ അവനെ എടുക്കാൻ ഓടും വഴി കാൽ പെട്ടന്നു ടീപൊയിൽ തട്ടി...

ചിൽ...

ഒരു ഫോട്ടോ താഴേക്കു വീണ് പൊട്ടി..

അമ്മേ.. കാൽ വേദനിച്ചു അവൾ നിലവിളിച്ചു.. സന്ധ്യയും ഹീരയും ഓടി വന്നു...

എന്താ മോളെ..

കാൽ.. തട്ടി..

ശ്രദ്ധിച്ചു പോകണ്ടേ മോളെ.. ഭാഗ്യം മുറിഞ്ഞില്ല.. ചെറുതായി മുഴച്ചു..
ഇത്തിരി വെള്ളം എടുത്തേ..

വെള്ളം എടുത്ത് തിരുമുമ്പോൾ ആണ് താഴെ ഫോട്ടോ വീണ് ചില്ലു പൊട്ടിയത് ശ്രദ്ധിച്ചത്... ഉമേഷിന്റെ ഫോട്ടോ..

മീര വല്ലാതെ ആയി.. ഒപ്പം പേടിയും.. കാലിലെ വേദനയേക്കാൾ അവളുടെ മനസ് വേദനിച്ച നിമിഷം..

യോ മോളെ.. സാറിന്റെ ഫോട്ടോ.. സന്ധ്യക്ക്‌ ദേഷ്യം വന്നു..

നീ എവിടെ നോക്കി ഓടിയതാ..

അമ്മേ.. ഞാൻ.. മോൻ കരഞ്ഞപ്പോൾ

കഷ്ടം.. എന്ത് വരാൻ ആണോ ഇങ്ങനെ.. പാവം റോഡിൽ കൂടി ഒറ്റയ്ക്ക് വണ്ടി ഓടിച്ചു പോകുന്നതാ..

സന്ധ്യയുടെ കണ്ണു നിറഞ്ഞു.. മീരക്കും ഹീരക്കും പേടി തോന്നി തുടങ്ങി

അങ്ങിനെ ഒന്നും സംഭവിക്കില്ല അമ്മേ.. ഹീര..

ഉം.. പ്രാർഥിക്..

സന്ധ്യ എഴുന്നേറ്റ് പോയി..കുഞ്ഞ് കരയുന്നു

മോളെ നീ മോനെ ഒന്നെടുത്തെ..

ഹീര കുഞ്ഞിനെ എടുക്കാൻ പോയ സമയം മീര പൊട്ടിയ ചില്ലുകൾ വേദന സഹിച്ചു പെറുക്കി എടുത്തു..

സർ.. എന്ത് പറയും.. അമ്മ പറഞ്ഞപോലെ സാറിന് എന്തെങ്കിലും..

ഉച്ച കഴിഞ്ഞു.. ഉമേഷിനെ കണ്ടില്ല.. ഫോൺ വിളിച്ചപ്പോൾ സ്വിച്ചഡ് ഓഫ്‌..

അവർ ടെൻഷൻ ആയി.. മീരക്കു കാലിനു നല്ല വേദന

മോളെ സാറിന്റെ റൂമിൽ മൂവ് എന്തെങ്കിലും ഉണ്ടോന്നു നോക്കിക്കേ..

ഹീരക്ക് സർവ സ്വാതന്ത്ര്യം ഉള്ള റൂമിൽ അവൾ കയറി മൂവ് തപ്പി എടുത്തു മീരക്ക് തിരുമ്മി കൊടുത്തു.. അവളുടെ ശ്രദ്ധ മുറ്റതായിരുന്നു... ഉമേഷ്‌ സറിന്റെ വണ്ടിയുടെ ശബ്ദം കേൾക്കുന്നുണ്ടോ എന്ന്..

വൈകുന്നേരം ആയി.. ഉച്ചക്ക് ആരും കഴിച്ചിരുന്നില്ല... താൻ ഉണ്ടാക്കിയ ഭക്ഷണം വെറുതെ ആവുന്നു.. സാറിന്റെ ഫോട്ടോ... മീരക്കു വല്ലാത്ത വിഷമം.

ഏഴുമണി ആയപ്പോൾ ഉമേഷ്‌ വിളിച്ചു..

സാറെ.. സന്ധ്യ ആകാംഷയോടെ ഫോൺ എടുത്തു

ഞാൻ രാത്രി കുറെ താമസികും.. ഫുഡ്‌