Chapter Title : സൂര്യ വംശം 1 [സാദിഖ് അലി]

വരുന്നതായിട്ടൊ ഒക്കെ തോന്നിയവൾക്ക്. ആ രൂപം പാഞ്ഞ് വന്ന് ഗ്ലാസ്സ് വിൻഡോയിൽ ശക്തമായ് വന്നിടിച്ചു.. ഗ്ലാസ്സ് പൊട്ടിചിതറി ഒപ്പം അവൾ നിലവിളിച്ചുകൊണ്ട് ഉറക്കത്തിൽ നിന്ന് ഞെട്ടിയെണീറ്റു...മുഖം പൊത്തികൊണ്ട് തലയൊന്ന് തിരിച്ചു... ബസ് പെട്ടന്ന് ചവിട്ടി നിർത്തി.. ബസ്സിലുണ്ടായിരുന്നവർക്ക് എന്താണു സംഭവിച്ചതെന്ന് മനസിലായിരുന്നില്ല. ഉറങ്ങുകയായിരുന്ന കണ്ടെക്ടർ പെട്ടന്ന് അഞ്ചലിയുടെ അടുത്തെത്തി ചോദിച്ചു.. "എന്തുപറ്റി കുട്ടി..."?.. മുഖം പൊത്തി പേടിച്ചുവിറച്ചിരുന്ന അവൾ മെല്ലെ തലയുർത്തി കൊണ്ട്..എന്തൊ പറയാൻ ശ്രമിച്ചു... വാക്കുകൾ പുറത്തുവന്നില്ല. " ആ കുട്ടി വല്ല സ്വപ്നവും കണ്ടതാവും"!.. യാത്രകാരിലൊരാൾ വിളിച്ചുപറഞ്ഞു‌. ബസ് വീണ്ടും ചലിച്ചു തുടങ്ങി.. അഞ്ചലി ആ ഗ്ലാസിലേക്ക് നോക്കി. ഒരു കുഴപ്പവുമില്ലാതെ ഗ്ലാസ്സ് വിൻഡോ. അവൾ അതിലൊന്ന് തൊട്ടു തലോടികൊണ്ട്.. 'സ്വപ്നമാണൊ കണ്ടത്.. ആകും' . അവൾ മനസിൽ പറഞ്ഞു..

അവൾ പതിയെ ചാരുസീറ്റിൽ‌ തല ചായ്ച്ചു വെച്ചു. അങ്ങെനെയിരിക്കുമ്പോൾ അതുവരെയില്ലാത്ത ഒരാൾ തന്റെ തൊട്ടപ്പുറത്ത് ഇരിക്കുന്നു.. സംശയഭാവത്തോടെ അവൾ തിരിഞ്ഞു നോക്കി... നിർവികാരനായി, അവളെ തന്നെ നോക്കികൊണ്ട് ഇരിക്കുന്ന യുവാവ്. ഒരു ചെറു പുഞ്ചിരി ആ മുഖത്തുണ്ട്. പ്രസന്നമായ മുഖം. "ഇയ്യാളെപ്പൊ ഇവിടെ ഇരുന്നു..?" അവൾ ചോദിച്ചു.. അയാളൊന്നും മിണ്ടാതെയിരിക്കുന്നത് കണ്ട് അഞ്ചലി വീണ്ടും.. "എടോ .. തന്നോടാ ചോദിച്ചത്! " "കുറച്ച് മുമ്പ്"!! അയാൾ മറുപടി പറഞ്ഞു.. അവൾ കണ്ണുകൊണ്ടൊന്ന് ഉഴിഞ്ഞു ... എന്നിട്ട് നീട്ടിയൊന്ന് മൂളി. അവളങ്ങോട്ട് തിരിഞ്ഞ് പുറത്തേക്ക് തന്നെ നോക്കിയിരുന്നു. അപ്പോഴും അയാൾ അവളെ തന്നെ നോക്കിയിരിക്കുകയാർന്നു.. സെക്കന്റുകൾക്ക് ശേഷം അഞ്ചലി പതിയെ തിരിഞ്ഞ് അയാളെ നോക്കി... 'ങേ‌. ... ഇയാളെന്തെ സ്ത്രീകളെ കണ്ടിട്ടില്ലെ:!.. പോങ്ങൻ.. നോട്ടം കണ്ടില്ലെ"!.. അവൾ മനസിൽ പറഞ്ഞുകൊണ്ട്... " ഉം... " അവളൊന്ന് ചോദ്യഭാവത്തിൽ നീട്ടിയൊന്ന് മൂളി. അയാൾ 'ഒന്നുമില്ലെന്ന്' തലയാട്ടി.. "ഹാാ.. എന്താ നോക്കണെന്ന്.."? അവൾ ചെറിയ ദേഷ്യത്തോടെ ചോദിച്ചു.. അയാൾ ഒന്നും മിണ്ടാതെ തിരിഞ്ഞിരുന്നു.. അവളും തിരിഞ്ഞ് പുറത്തേക്ക് നോക്കിയിരുന്നു.. നേരം കടന്നുപോയികൊണ്ടിരുന്നു.. തന്നെ ആരോ ശ്രദ്ധിക്കുന്നുണ്ടെന്ന് മനസിലാക്കി, അഞ്ചലി ഇടക്കിടെ തിരിഞ്ഞ് അയാളെ നോക്കികൊണ്ടിരുന്നു.. അവളുടെ മനസിൽ ചെറിയ ഭയം നിഴലിച്ചു.. എന്നാലും കണ്ണുകളിറുക്കിയടച്ച് ഇരുന്നു അവൾ. കുറച്ച്