Chapter Title : സൂസന്റെ യാത്രകൾ 6 [രാജി]

ഉള്ളിൽ വിരിഞ്ഞ ചിരി പുറത്തെടുത്തില്ല. "ഞാനും ഒരു മീറ്റിങിനു വന്നതാ... കാറ് പണിമുടക്കി. ആയതിനാൽ, ഒരു നീണ്ട ഗ്യാപ്പിന് ശേഷം ഉള്ള ട്രെയിൻ യാത്ര... അതുകൊണ്ട് എനിക്ക് ഒരു കൂട്ടുകാരിയെ കിട്ടിയല്ലോ.." "യെസ്... എനിക്കും കിട്ടി, ഒരു കൂട്ടുകാരനെ.." സൂസൻ ദീപയുടെ ചെവിയിൽ പറഞ്ഞു. ദീപ സൂസന്റെ തുടയിൽ മെല്ലെ നുള്ളി. നിറഞ്ഞ സൗഹൃദത്തിന്റെ സ്നേഹപ്രകടനം. "അപ്പോൾ എന്നെ കൂട്ടാക്കിയല്ലേ..." ദീപയുടെ കണ്ണുകൾ വീണ്ടും വിടർന്നു. "പിന്നെ... കൂട്ടാവാതിരിക്കാൻ ദീപയ്ക്കെന്താ ഒരു കുറവ്.." സൂസൻ ദീപയെ തോൾകൊണ്ട് ചെറുതായി തള്ളി. "കുറവില്ലേ... സൂസനുള്ളത് എനിക്കില്ലല്ലോ..." സ്വരം താഴ്ത്തി ദീപ മന്ത്രിച്ചു. "പക്ഷെ, എനിക്കില്ലാത്തത് ദീപയ്ക്കുണ്ടല്ലോ..." സൂസൻ ദീപയെ പുകഴ്ത്തി. അതവർക്ക് "ശ്യ" ബോധിച്ചു. പിന്നെയും അവർ പലതും സംസാരിച്ചു. അവസാനം ഇറങ്ങേണ്ട സ്ഥലം എത്തി. തിരികെ പോകുന്നതിന് മുൻപ് തീർച്ചയായും കാണും എന്ന ഉറപ്പിൽ, പരസ്പ്പരം കൈകൊടുത്തും, ഹഗ്ഗ് ചെയ്തും ഇരുവരും രണ്ട് വഴിക്ക് പിരിഞ്ഞു. പറഞ്ഞറിയിച്ച പ്രകാരം, ശാന്തി എന്ന പഴയകാല കൂട്ടുകാരി പിക്ക് ചെയ്യാൻ വന്നു. അവളുടെ കാറിൽ താമസസ്ഥലത്തേക്ക് തിരിച്ചു. കഷ്ടി 20 മിനിറ്റ് യാത്ര. വീട്ടിൽ എത്തി, ഒന്ന് ഫ്രഷ്‌ ആയി, ഭക്ഷണം കഴിച്ച് ചെറുസംഭാഷണവും കഴിഞ്ഞ് കിടന്നു, പരിമിത കഴിഞ്ഞ്സൗകര്യങ്ങളിൽ ഒരു അന്തിക്കിടപ്പ്.

ശാന്തി.. തന്റെ കോളേജിലെ സീനിയർ. 50 വയസ്സ് കടന്ന, കണ്ടാൽ നാല്പത് തോന്നിക്കുന്ന "യുവതി". കല്യാണം വേണ്ട എന്ന തീരുമാനവുമായി, ജോലി ചെയ്ത്, പാട്ടിയോടൊപ്പം സസുഖം കഴിയുന്നു. ഇവരുടെ നല്ലപ്രായത്തിൽ, സ്വന്തം ജാതിയിൽ പെടാത്ത യുവാവുമായുള്ള പ്രണയം വലിയ കോലാഹലം സൃഷ്ടിച്ചപ്പോൾ, അന്നെടുത്ത തീരുമാനമായിരുന്നു അവിവാഹിതയായി