Chapter Title : സുജയുടെ കഥ

കവിഞ്ഞു വെള്ളം മുറിയിലെങ്ങും പരന്നിരിക്കുകയാണ്. ഊഹം തെറ്റിയില്ലെന്നു സുജ മനസ്സിലോർത്തു.

ബികോം കഴിഞ്ഞു റ്റാലിയും പഠിച്ചു, വീട്ടിനടുത്തുള്ള കമ്പ്യൂട്ടർ സെന്ററിൽ ഡാറ്റ എൻട്രി ഓപ്പറേറ്റർ ആയി പൊയ്ക്കൊണ്ടിരുന്നപ്പോഴാണ്, മാത്യു സാറ് അയാളുടെ ബാങ്കിലേക്ക് സുജയെ വിളിക്കുന്നത്. അന്നൊരു ദിവസം, സംഗീതയുടെ അഡ്മിഷൻ ആവശ്യത്തിനായി അച്ഛൻ ലക്ഷ്മണൻ ആശാരിയുമായി ബസ് കാത്തു നില്കുമ്പോളാണ് മാത്യു സാറിനെ കാണുന്നത്. അച്ഛനെ കണ്ടിട്ട് അയാൾ വണ്ടി ഒതുക്കുകയായിരുന്നു. ദേഷ്യപ്പെട്ടിട്ടാണ് അയാൾ ലക്ഷ്മണന്റെ അടുത്ത് വന്നത്. "എടോ തന്നോട് എത്ര നാളായി പറയുന്നു ആ കതകൊന്നു ശരിയാകാൻ. വേറെ ആശാരിമാരെ കിട്ടാടോട്ടല്ല. പിന്നെ താനല്ലേ ആ വീട് മൊത്തം ചെയ്തതെന്ന് കരുതിയിട്ടാ." അടുത്ത് വന്നപ്പോഴാ സുജയെ കാണുന്നത്. അതോടെ വന്ന ചാട്ടം നിലച്ചു. "ലക്ഷ്മണാ ഇതാരാ തന്റെ മോളാ ?" സുജയിൽ നിന്ന്‌ കണ്ണെടുക്കാതെ അയാൾ ചോദിച്ചു. പിന്നെ സുജയുടെ യോഗ്യത, ജോലി എന്നിങ്ങനെയായി ചോദ്യങ്ങൾ. കതകിന്റെ പണി അയാൾ പാടെ മറന്ന പോലെ. "അല്ല, ഈ ഡാറ്റ എൻട്രിക്ക്‌ എത്ര കിട്ടും, കൂടിപ്പോയാൽ ഒരു മൂവായിരമോ നാലായിരമോ, അത് തന്നെ കിട്ടിയാലായി." ലക്ഷ്മണൻ അത് തല കുലിക്കി സമ്മതിച്ചു. "വളരെ ശരിയാ സാറേ, കഴിഞ്ഞു പോകാൻ വല്യ പാടാ, എനിക്കാണെങ്കിൽ പണിയും വളരെ കുറവാ. ഇനി ഇവളുടെ താഴേ ഒരു പെണ്ണുൾപ്പടെ രണ്ടെണ്ണം കൂടിയുണ്ട്. എല്ലാരേയും പഠിപ്പിക്കുന്നു. ഇവള് പിന്നെ പിള്ളാരെ ട്യൂഷനും പഠിപ്പിക്കുന്നു. അങ്ങനെ ഒരു വിധം തട്ടി മുട്ടി പോകുന്നു." ലക്ഷ്മണൻ ഹതാശനായി പറഞ്ഞു. "അല്ല, നിന്റെ പണിയേ പറ്റിയൊന്നും പറയണ്ടാ. നീ ഇരുപത്തി നാല് മണിക്കൂറും വെള്ളമാണെന്നു