Chapter Title : സുറുമയെഴുതിയ മിഴികൾ 1 [സ്പൾബർ]

ഒട്ടിച്ചേർന്നിരിക്കുന്നേ… കുറച്ച് വിട്ടിരുന്നൂടെ നിനക്ക്…”

താനവനെ ഒട്ടിയാണോ ഇരുന്നത്..?
സലീന ആ ഫോട്ടോയെടുത്ത് ഒന്നൂടെ നോക്കി. ശരിയാണ്.. കുറച്ചടുത്ത് തന്നെയാണ് ഇരിക്കുന്നത്. അതൊന്നും ആരുംശ്രദ്ധിക്കില്ല. ഈ കുരുപ്പത് കണ്ട് പിടിച്ചു.

“അത്.. പിന്നെ… സാജീ…. സെൽഫിയെടുക്കാൻ….”

സലീനയിരുന്ന് പരുങ്ങി.

“വിട്ടിരിന്നാലും സെൽഫിയെടുക്കാം… അതിനിങ്ങിനെ ഒട്ടണമെന്നില്ല…”

“എടീ… ഞാൻ മനസിൽ പോലും ചിന്തിക്കാത്ത കാര്യമൊന്നും പറയരുത് നീ… “

സലീന ദേഷ്യപ്പെട്ടു.

“പിന്നേ… മനസിൽ പോലും ചിന്തിക്കാത്ത കാര്യം… നിന്റെ പ്രേമം അവനോട് പറയണമെന്ന് നീതന്നെയല്ലേടീ പോത്തേ എന്നോട് പറഞ്ഞേ…?”

സാജിത വിടുന്നില്ല.

“എടീ… നീ വേണ്ടാത്തതൊന്നും പറഞ്ഞുണ്ടാക്കരുത്… പത്താം ക്ലാസിൽ പഠിക്കുമ്പോ തമാശക്കെന്തേലും പറഞ്ഞെന്ന് വെച്ച്…”

“അയ്ക്കോട്ടെ… അന്ന് തമാശയായ്ക്കോട്ടേ… പക്ഷേ, ഇന്ന് സീരിയസാവാലോ…”

കുസൃതിച്ചിരിയോടെ സാജിത പറഞ്ഞു.

“നിനക്ക് മക്കളെ ഉറക്കാനൊന്നൂല്ലേടീ
കുരിപ്പേ… ?”

സലീന ചെറിയൊരു പതർച്ചയോടെ ചോദിച്ചു. അവളുടെ മനസിൽ ഒരു മഞ്ഞ്കട്ട വീണതുപോലൊരു കുളിര് വരുന്നുണ്ടായിരുന്നു.

“മക്കളൊക്കെ നേരത്തേ ഉറങ്ങി… ഇനി കെട്ട്യോനെ ഉറക്കാനാണേൽ അവനടുത്തില്ലല്ലോ….”

രണ്ട് മക്കളുള്ള സാജിതയുടെ ഭർത്താവ് ഗൾഫിലാണ്.

“അത് തന്നെയാടീ നിനക്കിത്ര ഇളക്കം… വേഗം അവനോട് നാട്ടിൽ വരാൻ പറ…”

“നിന്റെ കെട്ട്യോനും അടുത്തില്ലല്ലോ… അപ്പോ നിനക്കും ഉണ്ടാവും ഇളക്കം…ലേ… ?’”

അവളെ കളിയാക്കാൻ വേണ്ടി പറഞ്ഞത് തിരിച്ചടിച്ചത് കണ്ടപ്പോ സലീന അമ്പരന്ന് പോയി.

“സാജീ… നീ വേറെന്തേലും പറ… എന്റനിയത്തിക്ക് അസുഖമായിട്ടാടീ ഞാൻ ഹോസ്പിറ്റലിൽ വന്നേ… ഇത്ര നേരമായിട്ടും അതേപറ്റി ഒരക്ഷരം ചോദിച്ചോ നീ… ?”

അവളെയൊന്നിരുത്താൻ വേണ്ടി സലീന ചോദിച്ചു.

“അതേപറ്റി എന്ത് ചോദിക്കാൻ… ?
അത് നീ ഗ്രൂപ്പിൽ പറഞ്ഞതല്ലേ…
അവൾക്ക്