Chapter Title : സുതാര്യമായ തടവറ 1 [ഒറ്റയ്ക്ക് വഴിവെട്ടി വന്നവൻ]

ജനലുകൾക്ക് താഴെ കേൾക്കുമ്പോൾ, ആ മുകളിലെ നിലയിലെ വലിയ ജാലകം നീ എനിക്കായി തുറന്നിടണം. നിന്റെ ജീവിതത്തിലെ ഏറ്റവും തീക്ഷ്ണമായ രാത്രിക്ക് ഞാൻ നിറം നൽകാൻ വരികയാണ്."

​ഫോൺ കട്ടായി. നതാഷ ആകെ തളർന്നു പോയി. അവൾക്ക് ഷോ പൂർത്തിയാക്കാൻ പോലും പ്രയാസമായി. സാമിന്റെ വന്യമായ വാഗ്ദാനങ്ങൾ അവളുടെ സിരകളിൽ ലഹരിയായി പടർന്നു.

11 മണി കഴിഞ്ഞു ​വീട്ടിലെത്തിയ നതാഷ കണ്ടത് പതിവുപോലെ മാത്യു ഉറങ്ങുന്നതാണ്.പക്ഷെ ആ ഉറക്കം സാം ബിയറിർ കലർത്തിയ മരുന്നിന്റെ എഫക്ട് ആണെന്ന് നതാഷ അറിഞ്ഞിരുന്നില്ല...അയാൾക്ക് ചുറ്റും മെഡിക്കൽ ജേണലുകളും ലാപ്ടോപ്പും ചിതറിക്കിടക്കുന്നു.

ആ മുറിയിലെ മരവിച്ച നിശബ്ദതയിൽ നതാഷയ്ക്ക് ശ്വാസം മുട്ടി. അവൾ സാവധാനം ആ ബെഡ്‌റൂമിന് പുറത്തെ ലിവിങ് റൂമിലെ ജനലരികിലേക്ക് നടന്നു.

​പെട്ടെന്ന്, ദൂരെ നിന്നും ആ ഗർജ്ജനം കേട്ടു. സാമിന്റെ ഹിമാലയൻ ബൈക്കിന്റെ ഇരമ്പൽ! അത് അടുത്തടുത്തു വരികയാണ്. നതാഷയുടെ ഹൃദയം നിലച്ചുപോയി. ആ ശബ്ദം അവളുടെ വീടിന്റെ മതിലിന് അപ്പുറം നിന്നു.

​നതാഷ വിറയ്ക്കുന്ന കൈകളോടെ ആ വലിയ ഗ്ലാസ് ജാലകത്തിന്റെ ലോക്ക് തുറന്നു.

തണുത്ത കാറ്റ് ഉള്ളിലേക്ക് ഇരച്ചു കയറി. താഴെ, ഇരുട്ടിൽ തന്റെ ബൈക്കിന് മുകളിൽ ഇരിക്കുന്ന ആ കരുത്തുറ്റ രൂപം അവൾ കണ്ടു.

ഹെൽമെറ്റ് മാറ്റിയ സാമിന്റെ കണ്ണുകൾ മുകളിലേക്ക് നോക്കി തിളങ്ങുന്നുണ്ടായിരുന്നു.

​സാം ബൈക്ക് സ്റ്റാൻഡിലിട്ട് സാവധാനം പൈപ്പിലൂടെയും ഗ്ലാസ് വിൻഡോയുടെ വശങ്ങളിലൂടെയും അനായാസമായി മുകളിലേക്ക് കയറി. ഒരു ചിത്രകാരന്റെ ലാഘവത്തോടെ അവൻ നതാഷയുടെ മുറിയിലെ ആ തുറന്ന ജാലകപ്പടിയിൽ വന്നിരുന്നു.

​സാം: (മന്ദസ്വരത്തിൽ) "ഞാൻ പറഞ്ഞില്ലേ നതാഷാ... നിന്റെ