Chapter Title : സ്വാതിയുടെ പതിവ്രത ജീവിതത്തിലെ മാറ്റങ്ങൾ 18 [അജ്ഞാതൻ][Tony]

അവനപ്പോൾ അവളുടെ നോട്ടം കണ്ട് കള്ളം കയ്യോടെ പിടിക്കപ്പെട്ട ഒരു കുട്ടിയെ പോലെ തോന്നി... എങ്കിലും അവനും ഒരു വിളറിയ ചിരി ചിരിച്ചു... എന്നിട്ടു പല്ലു തേക്കാനായി മുറിയിലെ ബാത്റൂമിലേക്കു പോയി... ജയരാജ് തിരിച്ച് വീട്ടിലെത്തിയപ്പോൾ... സ്വാതി അടുക്കളയിൽ ഭക്ഷണം ഉണ്ടാക്കുകയായിരുന്നു.. അൻഷുൽ ഹാളിലിരുന്ന് പത്രം വായനയിലും.. അയാൾ വരുന്നതു കണ്ടപ്പോൾ അൻഷുൽ അയാളെ നോക്കിയൊന്നു ചിരിച്ചു.. തന്റെ മോളെ ഒരു കുഴപ്പവും കൂടാതെ സ്കൂളിൽ കൊണ്ടു വിട്ടതിനായിരുന്നു ആ നന്ദിയോടെയുള്ള ചിരി.. എന്നാൽ അവനെയൊന്നു നോക്കിയിട്ട് പിന്നെ അടുക്കളയിൽ നിൽക്കുന്ന സ്വാതിയെയും നോക്കിക്കൊണ്ട് ജയരാജ് നേരെ തന്റെ മുറിയിലേക്ക് പോയി... അല്പം കഴിഞ്ഞു വെള്ളം വീഴുന്ന ശബ്ദം കേട്ടപ്പോൾ അയാൾ കുളിക്കുകയായിരിക്കും എന്ന് അൻഷുലിനു മനസ്സിലായി.. അവൻ വീണ്ടും വായനയിൽ മുഴുകി.. ഒരു 10 മിനിട്ടു കഴിഞ്ഞപ്പോൾ ജയരാജ് തന്റെ ഭാര്യയെ വിളിക്കുന്നതവൻ കേട്ടു... ജയരാജ്: "സ്വാതീ... എന്റെ ഡ്രെസ്സ്..?" അയാളുടെ ചോദ്യത്തിനു ചിരിച്ചുകൊണ്ട് മറുപടി കൊടുക്കുന്ന തന്റെ ഭാര്യയെ അൻഷുൽ നോക്കി... സ്വാതി: "ഞാൻ ദാ വരുന്നു ഏട്ടാ..."

മുമ്പൊക്കെ ജയരാജെന്ന പേരു പോലും പറയാതെ 'അയാൾ' എന്നു മാത്രം വിളിച്ചിരുന്ന.. ജയരാജ് എന്തിനെങ്കിലും വിളിക്കുബോൾ ദേഷ്യം കൊണ്ടു പല്ല് കടിച്ചിരുന്ന തന്റെ ഭാര്യയിലെ ആ മാറ്റം ആലോചിച്ചുകൊണ്ട് ഒരു നിമിഷത്തേക്കവൻ അന്താളിച്ചു പോയി... എങ്കിലും കുറച്ചു നേരം കൂടി അവളെ നോക്കിയിട്ടു വീണ്ടുമവൻ പത്രം വായിക്കാൻ തുടങ്ങി... അതേ സമയം സ്വാതി ഭക്ഷണം തയ്യാറാക്കി പാത്രങ്ങളെല്ലാം ഡൈനിങ്ങ് ടേബിളിന്റെ മുകളിൽ നിരത്തിയതിനു ശേഷം നേരെ ജയരാജേട്ടന്റെ, അതായത് അവരുടെ മുറിയിലേക്ക് പ്രസന്നമായ മുഖത്തോടെ