Chapter Title : സ്വാതിയുടെ പതിവ്രത ജീവിതത്തിലെ മാറ്റങ്ങൾ 7 [Tony]

അയാൾ അവളിൽ നിന്ന് മാറി അറ്റത്തേക്ക് നീങ്ങിക്കിടന്നു ഉറങ്ങാൻ തുടങ്ങി.. സ്വാതിയും മോളെ കെട്ടിപ്പിടിച്ചു കൊണ്ട് പതിയെ നിദ്രയിലേക്കു വീണു... പിറ്റേന്ന് (അന്നുതന്നെ) രാവിലെ അവർ അലാറം ശബ്ദം കേട്ടുണർന്ന് സോണിയമോളോടൊപ്പം സ്കൂളിലേക്ക് പോവാൻ തയ്യാറായി. അവർ മൂന്ന് പേരും ജയരാജിന്റെ വലിയ സെഡാൻ കാറിൽ സ്കൂളിലേക്ക് പുറപ്പെട്ടു. അൻഷുൽ അല്പം ദുഃഖിതനായിരുന്നെങ്കിലും മകളുടെ സന്തോഷത്തെയോർത്ത് പുഞ്ചിരിച്ചു കൊണ്ടവരെ യാത്രയാക്കി..

അവർ സ്കൂളിലേക്ക് ചെന്നു. ജയരാജ് സോണിയയുടെ പിതാവെന്ന നിലയിലാണ് മിക്ക രക്ഷിതാക്കളോടും അധ്യാപകരോടും സംസാരിച്ചത്.. സ്വാതിക്കപ്പോൾ മറുത്തൊന്നും പറയാൻ കഴിഞ്ഞില്ല.. ഒരു തരത്തിൽ അവളതിനു ശ്രെമിച്ചതു പോലുമില്ല.. അന്ന് ഏറ്റവും സന്തോഷവതിയായിരുന്നു സോണിയമോൾ.. സ്വാതിക്ക് അത് അവളുടെ കണ്ണുകളിലും ചിരിയിലും നിന്ന് അനുഭവപ്പെട്ടു.. സ്വാതിക്ക് അയാളുടെ ഈ സഹായത്തിൽ സംതൃപ്തി തോന്നി.. വളരെക്കാലത്തിനുശേഷമാണ് തന്റെ മകളെ ഇത്രയും സന്തോഷത്തോടെയവൾ കാണുന്നത്.. പിന്നീടങ്ങോട്ട് അവളും ജയരാജിനൊപ്പം അവിടുള്ളവരോടെല്ലാം സോണിയമോളുടെ മാതാപിതാക്കളായിത്തന്നെ പെരുമാറി.. അവർ ചില സമയങ്ങളിൽ പരസ്പരം നോക്കിയപ്പോഴൊക്കെ പുഞ്ചിരിച്ചു.. അല്പം കൂടി അധികാരം കിട്ടിയ ജയരാജ് തങ്ങൾ യഥാർത്ഥ ദമ്പതികളാണെന്ന് കാണിക്കാൻ വേണ്ടി സ്വാതിയുടെ അരയിൽ ഒരു കൈ വെച്ചിരുന്നു.. അവളയാളെ തടഞ്ഞില്ല.. അവിടെ വെച്ചു ജയരാജിനെയും സ്വാതിയെയും ചേർത്തു നിർത്തിക്കൊണ്ട് സോണിയമോൾ എടുത്ത ഫോട്ടോ.. ഒടുവിൽ ആ മീറ്റിംഗ് അവസാനിക്കുകയും ജയരാജവരെ വീട്ടിൽ എത്തിക്കുകയും ചെയ്തു. അയാൾക്ക് സ്വാതിയെ ഒന്ന് ചുംബിക്കാൻ ആഗ്രഹമുണ്ടായിരുന്നു.. പക്ഷേ മോളും കൂടി എല്ലാ സമയവും അവർക്കൊപ്പമുണ്ടായിരുന്നതു കൊണ്ടത് സാധിച്ചില്ല.. വീട്ടിലെത്തി ഊണും കഴിച്ചിട്ട് ജയരാജ് രണ്ടു ജോഡി ഡ്രസ്സ്‌ എടുത്തു പാക്ക് ചെയ്തു. എന്നിട്ട് ഇന്നലെ സ്വാതിയോട് പറഞ്ഞിരുന്നതുപോലെ