Chapter Title : സ്വപ്നങ്ങൾ തിരിച്ചുപിടിക്കുമ്പോൾ [ആൽബി]

ട്യൂഷൻ അതും പാതിരാവരെ.എല്ലാം കഴിഞ്ഞു റൂമിലെത്തുമ്പോൾ കൂടെയൊരുത്തി കിടക്കുന്നുണ്ട് അവളും ഒരു പെണ്ണാണ്.ആഗ്രഹവും വിചാരവും ഉള്ള പച്ചയായ പെണ്ണ്. ചിന്തിച്ചിട്ടുണ്ടോ.എന്തിന് നിങ്ങൾക്ക് സ്റ്റുഡന്റ്സ് അല്ലേ വലുത്, ആദ്യരാത്രി നിങ്ങളെയും കാത്തിരുന്നുറങ്ങുമ്പോൾ നിങ്ങൾ പിള്ളേരോടൊപ്പം പന്തലിൽ കിടന്നുറങ്ങി.അന്നത് വലിയ കാര്യമാക്കിയില്ല.പിന്നീടങ്ങോട്ടും അതൊക്കെത്തന്നെ.

പട്ടാപ്പകൽ ഒരുത്തനെ വിളിച്ചുകയറ്റിയിട്ട് പ്രസംഗിക്കുന്നോ.

അങ്ങനെ പ്രസംഗിക്കാൻ മാത്രം ഞാൻ ആളല്ല.എന്നാലും പറയുവാ.ഒരു പെണ്ണിന് ഏറ്റവും അത്യാവശ്യം വേണ്ടത് ആഹാരവോ,വസ്ത്രവോ,സെക്സോ ഒന്നുമല്ല.ഭർത്താവിന്റെ പരിഗണനയും അവൻ നൽകുന്ന സംരക്ഷണവുമാണ്.അതാണ് ഇവിടെ കിട്ടാത്തത്.അത് ആണൊരുത്തന്റെ കയ്യീന്ന് കിട്ടിയപ്പോ ഞാൻ എന്നെയവന് കൊടുത്തതിൽ എന്താ തെറ്റ്.

ഇതിനു തെറ്റെന്നല്ല,ഒരു വ്യഭിചാരിണിയുടെ വായിലെ ചാരിത്ര്യപ്രസംഗം എന്ന് പറയണം.

കേട്ടതും കലിതുള്ളിയ രാധിക ശങ്കറിന്റെ മുഖമടച്ചുകൊടുത്തു ഒരെണ്ണം."പറയെടോ ആരാടോ വേശ്യ.താനത്തിന് വേശ്യയെ കണ്ടിട്ടുണ്ടോ.അവൾക്കും കാണും നൂറു പ്രശ്നങ്ങൾ.സ്വന്തം ഭാര്യയെ,എന്നെ ഒന്ന് തൊട്ടുനോക്കാത്ത നിങ്ങൾക്ക് എന്നെ എന്തിന്റെ പേരിൽ അങ്ങനെ വിളിക്കാനാവും.എന്നെ അന്നും ഇന്നും ഒരുത്തനെ അറിഞ്ഞിട്ടുള്ളു,ഇവൻ ഈ ഗോകുൽ. ഇനിയങ്ങോട്ടും അങ്ങനെതന്നെ.മറിച്ചു നിങ്ങളെ ഷണ്ഡൻ എന്നുവിളിച്ചാൽ മറിച്ചാണെന്ന് തെളിയിക്കേണ്ടത് നിങ്ങളാണ്.അതിനിച്ചിരി പാടുപെടും"

ഇങ്ങു വാടീ,ഞാൻ തെളിയിച്ചുതരാം.

തൊട്ടുപോകരുത് എന്നെ.അതിനുള്ള അവകാശം നിങ്ങൾക്കില്ല.തൊട്ടാൽ അടുത്ത നിമിഷം നിങ്ങൾ ജീവിച്ചിരിക്കില്ല.

ആ കിടക്കുന്നത് ഞാൻ കെട്ടിയ താലിയാണേൽ ഞാൻ തെളിയിച്ചിരിക്കും.

താലി,അത് ഞാനെന്നെ പൊട്ടിച്ചെറിഞ്ഞു.ദാ ഇത് ഇവന്റെയാ.ഇവിടുത്തെ പൂജാമുറിയിൽവച്ചു എനിക്ക് കെട്ടിയത്.അതുകൊണ്ട് അധികം തിളക്കാതെ മുന്നോട്ടുള്ള കാര്യം പറയാം.

ഇത്രയും കേട്ടതും ശങ്കർ ഒന്നടങ്ങി.അത് അയാളിൽ ചെറിയൊരു ഷോക്ക് ആയിരുന്നു. ഒന്ന് ശ്വാസമെടുത്തു. രാധികേ ഞാൻ.....എന്റെ അമ്മയും ഏട്ടനുമൊക്കെ...അല്ല വേറാരേലും ഇതറിഞ്ഞാൽ.ചിന്തിച്ചിട്ടുണ്ടോ.

ആരും ഒന്നും അറിയില്ല.നിങ്ങളായി ഒന്നും പുറത്തറിയിക്കില്ല.കൂടുതൽ ഒന്നും പറയണ്ട ആവശ്യോം ഇല്ല.അതിനുള്ള അർഹത നിങ്ങൾക്കില്ല.നിങ്ങളുടെ അമ്മയോടുപോലും ഞാൻ ഇതുവരെ ഒന്നും പറഞ്ഞിട്ടില്ല.ഇനി എന്റെ പുരുഷൻ ഇവനാണ്, ദാ ഈ ഗോകുൽ.നിങ്ങളുടെ മുന്നിലൂടെ തന്നെ ഇവൻ ഇനിയും വരും ഇവിടെ.നിങ്ങളുടെമുന്നിൽ പലതും കണ്ടെന്നുവരാം.പുറത്തറിഞ്ഞാൽ നിനക്ക് നാണക്കേട് ആകും,അല്ല ആക്കും ഞാൻ.പിന്നെ ഒന്നുകൂടി, ഇവന്റെ റിസൾട്ട്‌ വന്ന് ഒരു ജോലിയായിക്കഴിഞ്ഞാൽ ഞാൻ ഇവന്റെ സ്വന്തമാകും അതിനുള്ളിൽ എന്നെ ഒഴിവാക്കിവിടണം. അല്ലെങ്കിൽ......ഒന്നുടെ കേട്ടോ നിങ്ങളെ ശബ്ദം മാറ്റി ഇങ്ങോട്ടുവരാൻ പറഞ്ഞത് ഞാൻ തന്നെയാ.ഇതൊക്കെ നിങ്ങൾ ഒന്നറിയണം എന്നുതോന്നി.ഞാൻ അനുഭവിച്ചതിന്റെ