Chapter Title : സ്വർഗത്തിൻ ചിത്രം വരക്കുന്നവർ [സ്പൾബർ]

ഒരു പെണ്ണിനെ ഭാഗ്യവതിയും, സന്തുഷ്ടയുമാക്കുന്നതെന്ന് അനുഭവിച്ചറിഞ്ഞവളാണ് താൻ..

തനിക്കിന്ന് എല്ലാ സുഖ സൗകര്യങ്ങളുമുണ്ട്.. സന്തോഷത്തോടെ ജീവിക്കാനുള്ളതെല്ലാം.

ആർഭാടത്തോടെത്തന്നെയാണ് ജീവിതം..

ഒരു മോനും, മോളും..

മോൾക്ക് കിട്ടാവുന്നതിൽ വെച്ച് ഏറ്റവും നല്ല ഭർത്താവിനെത്തന്നെ തെരെഞ്ഞെടുത്ത് കൊടുത്തിട്ടുണ്ട്.. മോന് അവനുള്ള ജീവിതമാർഗം അവൻ തന്നെ കണ്ടെത്തിയിട്ടുണ്ട്..

അവൻ സമ്മതം പറയുന്ന നിമിഷം അവന് ചേരുന്നൊരു പെൺകുട്ടിയെ കണ്ടെത്തിക്കൊടുക്കും..

കാണാൻ തരക്കേടില്ലാത്ത ഭർത്താവ് തനിക്കുമുണ്ട്..

അദ്ദേഹത്തിന് സ്വന്തമായി വിദേശത്ത് നല്ലൊരു ബിസിനസുമുണ്ട്..

എല്ലാം കൊണ്ടും സന്തോഷവും,സമാധാനവും നിറഞ്ഞ ജീവിതം..

പക്ഷേ, താൻ സന്തുഷ്ടയാണോ..?.

അല്ലാ… ഒരിക്കലുമല്ലാ…. സംതൃപ്തിയെന്തെന്ന് അറിഞ്ഞിട്ടേയില്ല..

ഇനി മരണം വരെ താനിങ്ങനെ പൂതലിച്ച് ജീവിക്കും..

തഴച്ച് വളരാൻ കൊതിക്കുന്ന ഒരു ചെറു തൈ തന്റെയുളളിലും ഉണ്ട്..

പക്ഷേ,അതിന് വെള്ളവും, വളവും ചെയ്യാൻ ആളില്ല..

നേരത്തിന് ഒന്ന് നനച്ച് കൊടുത്തെങ്കിലും ചെയ്താൽ അത് വാടിക്കരിയില്ല..

അരുമയോടെ പരിചരിച്ചാൽ ഇതൾ വിരിഞ്ഞ പുഷ്പങ്ങൾ അതിൽ പൂത്ത് നിൽക്കും..ഫലഭൂയിഷ്ടമായ നിലം ഉഴുത് മറിച്ചാൽ കായ്കനികൾ തുടുത്ത് നിലക്കും..

പക്ഷേ, തനിക്കതിന് ഭാഗ്യമില്ലാതായിപ്പോയി..

ധാരാളം ധാതുലവണങ്ങളും, സദാ ഒഴുകുന്ന അരുവികളും ഉള്ളിലുണ്ടെങ്കിലും പുറമേക്ക് വരണ്ടുണങ്ങിയ മരുഭൂമിയാണ് താൻ..

ഒന്ന് കിളച്ചാൽ തന്റെയുള്ളിലെ ഉറവ പൊട്ടിയൊഴുകും..

അതിന് പറ്റിയ കർഷകനും, ആയുധവും തനിക്കില്ലാതെ പോയി..

ഒറ്റക്കൊത്തിന് ആഴ്ന്നിറങ്ങുന്ന മൂർഛയേറിയ ആയുധവും, കരുത്തനായൊരു തോട്ടക്കാരനും തനിക്കില്ലാതെ പോയി..

വെള്ളമില്ലാതെ, വളം ചെയ്യാതെ, പരിചരിക്കാൻ ആളില്ലാതെ എക്കലടിഞ്ഞ് ഫലഭൂയിഷ്ഠമായ മണ്ണിൽ മുള പൊട്ടിയ ചെടി വാടിക്കരിഞ്ഞ് പോകുന്നത് നെടു വീർപ്പോടെ കണ്ട് നിൽക്കാനേ തനിക്കാവൂ..

ഈ നിരാശയും,അസംതൃപ്തിയും  ഇന്നും ഇന്നലെയും തുടങ്ങിയതല്ല..പതിനേഴാമത്തെ വയസിൽ ഏട്ടന്റെ ഭാര്യയായി വന്ന അന്ന് തുടങ്ങിയ നിരാശയാണ്..

പക്ഷേ,ഏട്ടൻ സ്നേഹ നിധിയായ ഭർത്താവാണ്..

തന്നെ ജീവനാണ്..തന്റെ ഏതാഗ്രഹവും സാധിച്ച് തരും… താനൊന്ന് വിളിച്ചാൽ ഏത് തിരക്കുണ്ടെങ്കിലും ഏട്ടൻ പറന്ന് വരും..

പലപ്പോഴും താൻ വിളിച്ച് വരുത്തിയിട്ടുമുണ്ട്..

താൻ വിളിച്ചാൽ എത്ര പൈസ ചിലവാക്കിയും ഏട്ടൻ വരും..

പക്ഷേ, വിളിച്ച് വരുത്തിയ കാര്യം മാത്രം നടക്കാറില്ല..

കാണാൻ കൊതിയായിട്ട് വിളിച്ചതാന്ന് പറഞ്ഞ് മൂന്നാം ദിവസം തന്നെ ഏട്ടനെ പറഞ്ഞയക്കും..

തൊട്ടടുത്ത് ഏട്ടൻ കിടന്നാ തനിക്ക് ഉള്ള സംതൃപ്തിയും