Chapter Title : ?️ സ്വർഗ്ഗ ദ്വീപ് 8?️ [അതുല്യൻ]

അവൻ മുരണ്ട്‍ കൊണ്ട് അവന്റെ ശ്രെദ്ധ വരാനിരിക്കുന്ന വ്യായാമത്തിലേക്ക് തിരിച്ചു. തനിക്ക് വ്യായാമം ചെയ്യാൻ കൂടുതൽ താല്പര്യം ഇപ്പോൾ തോനുന്നുണ്ട് എന്ന് മനസ്സിലാക്കിയപ്പോൾ അവന് ശെരിക്കും ആശ്ചര്യം തോന്നി. ഇന്നലെ രാത്രി വ്യായാമത്തിന് പോകാൻ പറ്റാതെ ഇരുന്നതിൽ അവന് നല്ല വിഷമം ഉണ്ടായിരുന്നു. അവൻ പതുക്കെ ജോഗ്ഗ് ചെയ്ത് കൊണ്ട് ജിമ്മിലേക്ക് പോയി. സ്വന്തം താല്പര്യത്തോടെ ഇങ്ങനെ എല്ലാം ചെയ്യുന്നത് അവന്റെ ചുണ്ടിൽ ഒരു പുഞ്ചിരി വിടർത്തി. "നീ നിന്നെ തന്നെ വ്യായാമത്തിന് അടിമപ്പെടുത്തി കൊണ്ട് ഇരിക്കുകയാണ് ആദിത്യ." അവൻ സ്വയം പറഞ്ഞു. ജൂഡ് അവന് വേണ്ടി എപ്പോഴത്തെയും പോലെ കാത്ത് ഇരിക്കുക ആയിരുന്നു. അവന്റെ വ്യായാമം ചെയ്യാനുള്ള ഉത്സാഹം കണ്ട് ജൂഡ് അവനെ കൂടുതൽ പ്രോത്സാഹിപ്പിച്ച് കൊണ്ട് ഇരുന്നു. അവന്റെ കൈകൾക്കും തോളുകൾക്കും നെഞ്ചിനും വയറിനും വേണ്ടി ഉള്ള വ്യായാമങ്ങൾ അതി കഠിനമായി തന്നെ ചെയ്ത് അവൻ പേശികൾ കൂടുതൽ ബലപ്പെടുത്തി. കഴിഞ്ഞ ദിവസങ്ങളെക്കാൾ വളരെ കൂടുതൽ ഭാരം ഉപായയോഗിച്ച് വ്യായാമം ചെയ്യാൻ പറ്റുന്നത് അവനെ ശെരിക്കും അതിശയപ്പെടുത്തി.

അവന്റെ പേശികളിൽ അനുഭവിച്ച് കൊണ്ട് ഇരിക്കുന്ന വേതയിലും ഒരു സുഖം കണ്ടെത്തി അവൻ സന്തോഷത്തോടെ കൂടുതൽ കഠിനമായി വ്യായാമം ചെയ്യാൻ ഉത്തേജിതൻ ആയി. അവസാനം വ്യായാമം നിർത്തി വാം ഡൗൺ ചെയ്യാൻ ജൂഡ് അവനോട് പറഞ്ഞു. പ്രധാന വീട്ടിലേക്ക് തിരിച്ചെത്തിയപ്പോൾ ലക്ഷ്മി അവിടെ പൂളിന്റെ അടുത്ത് ഉള്ള ഒരു കസേരയിൽ ഇരുന്ന് ലാപ്ടോപ്പിൽ എന്തോ കാര്യമായ പണിത്തിരക്കിൽ ആയിരുന്നു. അവളെ കണ്ടപ്പോൾ അവളോട് സംസാരിക്കാൻ ആദിത്യൻ അവളുടെ അടുത്തേക്ക് പോയി. "ഗുഡ് മോർണിംഗ് ലക്ഷ്മി. നന്നായി ഉറങ്ങിയോ?." "ഹായ് ആദിത്യ. നന്നായി ഉറങ്ങി നന്ദി. താങ്കളോ?." "ഉറക്കം കുഴപ്പമില്ലായിരുന്നു." ആദിത്യൻ പുഞ്ചിരിച്ച് കൊണ്ട് പറഞ്ഞു. "പ്രിയക്ക് ഇപ്പോൾ എങ്ങനെ ഉണ്ട്?." ലക്ഷ്മി ചോദിച്ചു. "അവൾ അങ്ങനെ കുടിച്ച് കണ്ടിട്ട് കുറച്ച് നാൾ ആയി." "അവൾ ഇപ്പോഴും ഉറങ്ങുവാണ്. എഴുന്നേൽക്കുമ്പോൾ അവൾക്ക് എന്തായാലും നല്ലൊരു തലവേദന ഉണ്ടാവും." "താങ്കൾക്ക് എന്റെ സഹായം ആവശ്യം ഉണ്ടെങ്കിൽ അവളുടെ രാവിലെ ഉള്ള ജോലികൾ വേണമെങ്കിൽ ഞാൻ ചെയ്യാം." ലക്ഷ്മി ചിരിച്ച് കൊണ്ട്