Chapter Title : ടീച്ചർമാരുടെ കളിത്തോഴൻ 3 [Oliver]

അവൾ കിടക്കുന്ന മുറി വരെ പോയിനോക്കാൻ ഒരു ത്വര നോക്കി. വാതിൽ പാതി ചാരിയിട്ടേയുള്ളൂ. തുറന്ന പാളിയിലൂടെ നോക്കുമ്പോള്‍, തലയിണയിൽ കവിളമര്‍ത്തി ചിന്താമഗ്നയായി വശം ചരിഞ്ഞ് കിടക്കുകയാണ് മായ. എന്താണ് അവർ ചിന്തിക്കുന്നത്?

അസഹ്യമായ മരപ്പട്ടിമൂത്രത്തിന്റെ ഗന്ധം ആ മുറിയില്‍ നിന്ന് വമിച്ചപ്പോഴാണ് അവൻ മച്ചിലേക്ക് നോക്കിയത്. പൊട്ടിയ ഓടിൽനിന്ന് ഇറ്റിറ്റ് കട്ടിലിനടുത്ത് വീഴുന്ന മൂത്രധാര! മായയാണെങ്കിൽ അത് കണ്ടില്ലെന്ന് വച്ചാണ് കിടപ്പ്. ആദ്യത്തെ അമ്പരപ്പ് മാറി, അവന് ദേഷ്യമാണ് വന്നത്. ഇടിച്ചുകേറി ചെന്ന് ചോദിച്ചു.

“ നിങ്ങളെന്ത് പണിയാ പെണ്ണുമ്പിള്ളേ ഈ കാണിക്കുന്നത്?! നാറ്റോം സഹിച്ചോണ്ടാണോ കിടപ്പ്?! മൂത്രം വീഴുന്ന കാര്യം എന്നെ വിളിച്ചൊന്ന് അറിയിച്ചൂടെ?!” അവൻ ശരിക്കും ചൂടായി.

മായ പെട്ടെന്ന് ഞെട്ടിയെഴുന്നേറ്റ് കട്ടിലിൽ എഴുന്നേറ്റിരുന്നു.

“ നിന്റെ ഉറക്കം കളയേണ്ടെന്ന് കരുതി.. പിന്നെ ഇതൊന്നും വല്യ ബുദ്ധിമുട്ടായി തോന്നിയതുമില്ല.” അവൾ നിസാരമട്ടിൽ പറഞ്ഞു.

“ നല്ല കഥ. ഇങ്ങോട്ടെണ്ണീറ്റ് വന്നേ… തുണീം കൂടി എടുത്തോ…”

“ എങ്ങോട്ടാ…?”

“ നിങ്ങളിന്ന് അച്ഛന്റെ മുറിയിൽ കിടന്നാൽ മതി… ഞാൻ ഹാളിൽ കിടന്നോളാം.”

“ അത് വേണ്ട… ഞാനിവിടെയെങ്ങാനും…”

“ അതൊന്നും പറഞ്ഞാലൊക്കില്ല. എന്തായാലും ഈ നാറ്റത്തിൽ കിടത്താൻ പറ്റില്ല. ഹോ.. സമ്മതിക്കണം നിങ്ങളെ. എങ്ങനെ ഈ വാടയും സഹിച്ചോണ്ട്…” പറഞ്ഞ് മുഴുവിക്കാതെ അവൻ സ്വല്പം അലോസരത്തോടെ അവളെ കൈയില്‍ പിടിച് മറ്റേ മുറിയിൽ കൊണ്ടാക്കി.

“ ഇന്നിവിടെ കിടന്നാൽ മതി… നാളെ അവിടെ വൃത്തിയാക്കിത്തരാം.”

“ അപ്പൊ നീ എവിടെ കിടക്കും…? ” അവൾ സംശയഭാവത്തിൽ നോക്കി.

“ അതിനാണോ സ്ഥലമില്ലാത്തത്! ഹാളിൽ സോഫയുണ്ടല്ലോ.”

“ കഷ്ടിച്ച് 3 പേർക്കിരിക്കാവുന്നതിലോ? അതുവേണ്ട, നീ ഇവിടുത്തെ കട്ടിലിൽ കിടന്നോളൂ. ഞാൻ ഹാളിൽ പായ വിരിച്ച് കിടന്നോളാം.”

“ എന്തായാലും വീട്ടില്‍ വരുന്നവരെ ഹാളിൽ നിലത്ത് കിടത്തിയിട്ട് സുഖിച്ച് മുറിയിൽ കിടക്കുന്ന ശീലം ഞങ്ങള്‍ക്കില്ല.”

അവൾ അമ്പിനും വില്ലിനും അടുക്കുന്നില്ലെന്ന് കണ്ടപ്പോള്‍ അവൻ തന്നെ പറഞ്ഞു. “എന്നാല്‍ നമുക്ക് രണ്ടാൾക്കും ഇതേ മുറിയില്‍ നിലത്ത് കിടക്കാം. ആർക്കും പ്രശ്നമില്ലല്ലോ?”

“ എന്നാലും മതി.”

“ അയ്യടി… അതുവേണ്ട. കേറിക്കെട