Chapter Title : ടീച്ചറുടെ പീരിയഡ് കഴിഞ്ഞോ [മഹി]

അകപ്പെട്ടു..

സാവി കണ്ടു  പോയതിൽ  നേർത്ത ചമ്മൽ ശിവറാമിന്റെ മുഖത്ത്  പ്രകടം  ആയിരുന്നു..

ജാള്യത  മറയ്ക്കാനും  വേണ്ടി  ശിവറാം  ചോദിച്ചു...,

" ടീച്ചറുടെ പീരിയഡ് കഴിഞ്ഞോ...? "

ഓർക്കപ്പുറത്തു  ശിവറാം സാറിന്റെ  നാവിൽ നിന്നും  കേട്ടതിന്റെ പേരിൽ  വരാന്തയിൽ  കല പില  കൂടിക്കൊണ്ട് ഇരുന്ന ആൺകുട്ടികൾ എന്നോ പെൺകുട്ടികൾ എന്നോ വ്യത്യാസം  ഇല്ലാതെ ചിരിച്ചു,  അട്ടഹസിച്ചു...

അപ്പോൾ മാത്രമാണ് സാർ  പറഞ്ഞതിന്റെ പൊരുൾ സാവി മനസ്സിലാക്കിയത്...

കുട്ടികളുടെ  കളിയാക്കി ചിരിയും മറ്റും കണ്ട് സാവിക്ക് മറ്റുള്ളവരുടെ മുന്നിൽ നാണം കെട്ട തായി  തോന്നി...

അലമുറ ഇട്ട് കരഞ്ഞു,  സാവി സ്റ്റാഫ് റൂമിൽ  ചെന്നു  കയറി...

കാര്യം എന്തെന്ന് ചോദിക്കുമ്പോൾ കൂടുതൽ ഉച്ചത്തിൽ കരഞ്ഞതെ ഉള്ളു, സാവി...

മനഃപൂർവം അല്ലാതെ  ശിവറാം  സാർ പറഞ്ഞു  പോയ കാര്യം കാട്ടുതീ  പോലെ കോളേജ് മുഴുവൻ വ്യാപിച്ചു...

അപ്പോഴും  ഇങ്ങനെ ഒരു കാര്യം നടന്നു  പോയത് പോലും  ശിവറാം സാറിനെ  അലട്ടിയതെ  ഇല്ല..

അൽപ  സമയം കഴിഞ്ഞു,  ശാന്തി ടീച്ചർ ആ  വഴി  വന്നു...

സ്റ്റാഫ് റൂമിൽ നിന്നും പുറത്തു വിളിച്ചു, ടീച്ചർ ചോദിച്ചു...,

" എന്താ സാറെ ഉണ്ടായത്..? കുട്ടി  ഇത്  വരെ  കരച്ചിൽ നിർത്തിയില്ല... കുത്തിക്കുത്തി ചോദിച്ചപ്പോൾ എങ്ങലടിയോടെ  പറഞ്ഞു....

" സാർ പരസ്യമായി എന്നോട് അനാവശ്യം  പറഞ്ഞു, എന്റെ മാസ മുറയെ പറ്റി... കുട്ടികൾ കേട്ട് കളിയാക്കി ചിരിച്ചപ്പോൾ,  സഹിക്കാൻ  ആവുന്നില്ല... "

വിഷമം സഹിക്കാൻ വയ്യാതെ ഡെസ്കിൽ തല  കുമ്പിട്ടു, ടീച്ചർ ഒരു  വിധത്തിൽ പറഞ്ഞു  ഒപ്പിച്ചു..

" അയ്യോ... ടീച്ചരുടെ ക്ലാസ്സ്‌ കഴിഞ്ഞോ... എന്ന് മാത്രമേ... ഞാൻ ഉദ്ദേശിച്ചുള്ളൂ..!"

ശിവറാം  സാർ വളരെ നിരുപദ്രവകരമായി പറഞ്ഞു..

" ഇത് പോലെ  സാറിന്  ചോദിക്കാൻ മേലായിരുന്നോ...? ഇത് ഒരു മാതിരി....!

ശാന്തി ടീച്ചർക്കും  സത്യത്തിൽ കാര്യം പിടിച്ചില്ല...

" ഞാൻ വേറൊന്നും  മനസ്സിൽ വച്ചല്ല... എനിക്ക് ചെന്ന് ടീച്ചറെ കണ്ട് മാപ്പ് പറേണം... "

കുറ്റബോധം ശിവറാം  സാറിനെ വേട്ടയാടി  കഴിഞ്ഞു...

" ഇപ്പോൾ  സാർ  മാപ്പ്.. കോപ്പ്  എന്നൊന്നും പറഞ്ഞു  ചെല്ലാതിരിക്കയാ  നല്ലത്...  ചൂടൊക്കെ ഒന്ന്