Chapter Title : താളം തെറ്റിയ കൌമാരം [Master]

അവര്‍ സംസാരിക്കുന്നത് എന്നറിയാന്‍ അവള്‍ മറഞ്ഞു നിന്ന് കേള്‍ക്കുന്നുണ്ടായിരുന്നു.

“മോനെ..എടാ അത്..” വേണു വിക്കി.

“ഹും മോന്‍; അച്ഛനും അമ്മയും വരട്ടെ ഞാന്‍ പറഞ്ഞു കൊടുക്കുന്നുണ്ട്”

“എടാ പറയല്ലേ. ഞാന്‍ അറിയാതെ..”

“അറിയാതെ..എല്ലാം ഞാന്‍ കണ്ടിട്ടും ഉരുളാന്‍ നോക്കുവാ അല്ലെ..വൃത്തികെട്ട മനുഷ്യന്‍..ഛെ”

വേണു അവന്റെ പക നിറഞ്ഞ നോട്ടം കണ്ട് കുഴങ്ങി. അവന്‍ ഇത് ആന്റിയോട്‌ പറഞ്ഞാല്‍ ആന്റി അമ്മയോട് പറയും; പിന്നെ ജീവിതത്തില്‍ തനിക്ക് മനസമാധാനത്തോടെ ജീവിക്കാന്‍ പറ്റില്ല. എങ്ങനെയും ഇവനെ മെരുക്കണം. ഇല്ലെങ്കില്‍ കുഴപ്പമാണ്.

“പ്രവീണ്‍ ഞാന്‍ പറയുന്നത് കേള്‍ക്ക്..ഞാന്‍..”

“എനിക്കൊന്നും കേള്‍ക്കണ്ട..അച്ഛനും അമ്മയും വരട്ടെ..അപ്പോഴറിയാം ബാക്കി” അവനെ സംസാരിക്കാന്‍ അനുവദിക്കാതെ പ്രവീണ്‍ ചീറി.

“എടാ അവള്‍ നിന്റെ പെങ്ങള്‍ ഒന്നുമല്ലല്ലോ..പിന്നെന്തിനാ നീ ഇത്ര ബഹളം ഉണ്ടാക്കുന്നത്” ഒരിക്കലും മനീഷയോ പ്രവീണോ അറിയരുത് എന്ന് അവന്റെ അമ്മ പറഞ്ഞിരുന്ന ആ സത്യം ഗത്യന്തരമില്ലാതെ വേണുവിനു പറയേണ്ടി വന്നു.

“എന്റെ പെങ്ങള്‍ അല്ലെന്നോ? നാണം ഉണ്ടോ മനുഷ്യാ നിങ്ങള്‍ക്ക് കള്ളം പറയാന്‍” പ്രവീണ്‍ ചീറി.

മനീഷയും അവന്‍ പറഞ്ഞത് കേട്ടു ഞെട്ടി നില്‍ക്കുകയായിരുന്നു. അവന്‍ എന്തിനാണ് അങ്ങനെ പറഞ്ഞത് എന്നവള്‍ക്ക് മനസിലായില്ല.

“സത്യമാ ഞാന്‍ പറയുന്നത്. മനീഷയെ നിന്റെ അച്ഛനും അമ്മയും ദത്തെടുത്തു വളര്‍ത്തിയതാ..സംശയം ഉണ്ടേല്‍ അവരോട് ചോദിച്ചു നോക്ക്. കല്യാണം കഴിച്ചു കുട്ടികള്‍ ഉണ്ടാകാതെ വന്നപ്പോള്‍ ആണ് അവരത് ചെയ്തത്. പിന്നെയാണ് നീ ഉണ്ടായത്..”

വേണു വീണ്ടും അത് പറഞ്ഞപ്പോള്‍ പ്രവീണിന് സംശയമായി. ഇത്ര നാളും തന്റെ സ്വന്തം ചേച്ചി ആണ് മനീഷ എന്നായിരുന്നു അവന്‍ ധരിച്ചിരുന്നത്.

“എന്തായാലും ഞാന്‍ പോവാ..നീ ആന്റിയോട് പറഞ്ഞേക്ക്