Chapter Title : താളം തെറ്റിയ താരാട്ട് 2 [Mandhan Raja] [Smitha]

എമിലി ഗ്ളാസ്സിനടുത്തേക്ക് മൂക്കടുപ്പിച്ചു.

"ഒണ്ടോ മണം?" ആനി ചോദിച്ചു.

"ഇത് കള്ള് തന്നെയല്ലേടീ?" എമിലി സംശയത്തോടെ ആനിയെ നോക്കി.

"കള്ളല്ല!" ആനി ചിരിച്ചു.

"കള്ളായിരുന്നു സൂപ്പർ! ഇതാണ് വോഡ്ക! ഇതിനെങ്ങും ചേച്ചിയാപ്പറഞ്ഞ മണോം കുണോം ഒന്നുവില്ല ..മാത്രോവല്ല നല്ല റിലാക്സേഷനും ഫീല് ചെയ്യും.. ഉം !വാങ്ങുന്നെ!"

എമിലി ഗ്ളാസ്സ് വാങ്ങി.

"ആ! എന്നാപ്പിന്നെ ഞാനെന്നേത്തിനാ മാറി നിക്കുന്നെ!"
അന്നമ്മയും ഗ്ളാസ്സെടുത്തു.

"എടുക്കെടാ കറിയാപ്പി,"

ആനി കറിയാച്ചനെ നോക്കി. അവന്റെ മുഖം ഒന്ന് വാടിയിരുന്നു. പെട്ടെന്ന് തന്നെ അവൻ പക്ഷെ പ്രസന്നനാവുകയും ചെയ്തു. ആനിയ്ക്ക് കാര്യം മനസ്സിലായി. അവൻ പപ്പയെ ഓർത്തുപോയിരിക്കണം.

"ചേച്ചി കുടിക്കല്ലേ കുടിക്കല്ലേ!"
ഗ്ളാസ് ചുണ്ടോടടുപ്പിക്കാൻ തുടങ്ങിയ എമിലിയെ ആനി വിലക്കി.

"എന്നാ?" എമിലി ചോദിച്ചു.

"എല്ലാരും കൂടി ഒരു അടിപൊളി ചിയേഴ്സ് അങ്ങോട്ട് പറഞ്ഞെ,"

"ഓ! അതാണോ?"

അവർ നാലുപേരും ഗ്ലാസ്സുയർത്തി.

"ചിയേഴ്സ്!!!
നാലുപേരും ഒരുമിച്ച് പറഞ്ഞു.

പിന്നെ ആനി കറിയാച്ചന് അടുത്ത് ഇരുന്നു.

മേശയ്ക്കപ്പുറത്ത് അന്നമ്മയും എമിലിയും.ഇപ്പുറത്ത് കറിയാച്ചനും ആനിയും.

എമിലി ഒരിറക്ക് കുടിച്ചു.

"എങ്ങനെയുണ്ട് ചേച്ചി...?"
ആനി ചോദിച്ചു. മൂവരും ആകാംക്ഷയോടെ എമിലിയുടെ മറുപടിക്ക് കാത്തു.

"കുഴപ്പമില്ലല്ലോടീ..ഒരു സുഖമൊക്കെയുണ്ട്!"

"ആഹാ!!"
മറ്റു മൂന്ന് പേരും ഒരുമിച്ച് പറഞ്ഞു.

"ഞാനിത് പറഞ്ഞെന്നും വെച്ച് ഇതിങ്ങനെ സ്ഥിരം ആക്കുവൊന്നും വേണ്ട,"

"ആര് സ്ഥിരവാക്കുന്നു?" ആനി പറഞ്ഞു

"കൊല്ലത്തി രണ്ടു പ്രാവശ്യം മാത്രം,"

"ആ എന്നാ കൊഴപ്പാവില്ല...ക്രിസ്മസ്സിനും ഓണത്തിനും ആരിക്കും!"

'അല്ല മഴ ഉള്ളപ്പഴും ഇല്ലാത്തപ്പഴും!"

ആനി പറഞ്ഞു. പിന്നെ അവൾ എല്ലാരേയും നോക്കി.

"ആന്റി ഇത്രേം സ്റ്റാൻഡേഡ് ജോക്ക് പറഞ്ഞിട്ട് നിങ്ങള് എന്നാടാ കറിയാപ്പി