Chapter Title : തമ്പുരാട്ടി 2 [രാമന്‍]

വിടർത്തിയിട്ട മുടി മുന്നിലേക്ക് കൈകൊണ്ട് പിടിച്ചിട്ടു അകത്തേക്ക് തന്നെ പോയി. ചേച്ചി എന്നെ അത്ഭുതത്തോടെ നോക്കി.

“നമ്മുടെ അമ്മ തന്നെ ആണോടാ അത്. സത്യം പറ നീയെന്താ അമ്മയെ ചെയ്തേ....? ”ചേച്ചി വിശ്വാസം വരാതെ വീണ്ടും അമ്മ പോയ ദിശ നോക്കി എന്നോട് ചോദിച്ചു.

“ഞാനെന്ത് ചെയ്യാനാ....എന്റെ പൊന്നേച്ചി എനിക്കും തോന്നീണ് അമ്മയുടെ മാറ്റം..കഴിഞ്ഞ പ്രാവശ്യം ഞാനൊന്ന് കെട്ടി പിടിച്ചു ഇനി അതോണ്ടാണോ? ?“ ഞാൻ വെറുതെ തമാശക്ക് അതെടുത്തു

”കെട്ടിപ്പിടിച്ചെന്നോ...നീയോ..പോടാ പറ്റിക്കല്ലേ...എങ്ങനെ. .?“

”എങ്ങനെ ന്നോ. ..എനിക്ക് അറീല്ല ചേച്ചീ ഞാൻ തിരിച്ചു കോളേജിൽ പോവാൻ നേരം അമ്മയെന്നെ യാത്രയാക്കാൻ വരാന്ത വരെ വന്നു.അപ്പോ എനിക്കെന്തോ ഞാൻ പോയി അങ്ങ് കെട്ടിപിടിച്ചു. “  ചേച്ചിക്ക് നേരെ ഇളിച്ചു കാട്ടി ഞാന്‍ പറഞ്ഞു.

”മോനൂസേ...എനിക്കും കെട്ടി പിടിക്കണടാ. .അമ്മയെ...“ ചേച്ചി ചുണ്ട് നീട്ടി എന്നോട് സങ്കടം കാട്ടി. പെട്ടന്നെനിക്ക് കുറുമ്പ് തോന്നി.

”അതാണോ ഞാൻ അറേഞ്ച് ചെയ്യാലോ. ...അമ്മേ അമ്മേ. ..ചേച്ചിക്ക് അമ്മയെ കെട്ടിപ്പിടിക്ക “ ചേച്ചിയെ പറ്റിക്കാൻ ഞാൻ ചെറിയ ഒച്ചയിൽ അമ്മയെ വിളിച്ചു. പൂർത്തിയാക്കുന്ന മുന്നേ ചേച്ചിയെന്റെ വാ പൊത്തി. അമ്മ കേട്ടില്ലാന്ന് തോന്നുന്നു.ചുറ്റിനും ഞാൻ അമ്മയെ കണ്ടില്ല.ഒരാവേശത്തിന് വിളിച്ചതാണ്

”എടാ ദുഷ്ട മെല്ലെ....ഞാൻ ഒരാഗ്രഹം ആഗ്രഹം പറഞ്ഞതല്ലേ....“ തോളിൽ മെല്ലെ തല്ലി ചേച്ചി, ചുറ്റിനും നോക്കിയപ്പോഴേക്ക് അമ്മയുടെ രൂപം വീണ്ടും വാതിൽക്കലെത്തി.ചേച്ചി ഒറ്റയോട്ടം. അമ്മ മുന്നിൽ എത്തിയപ്പോ എന്നെ മാത്രമേ കണ്ടുള്ളു.

“നീ വിളിച്ചോ....” മെല്ലെ  മുന്നിൽ വന്നു നിന്നമ്മ കൈ കെട്ടി നിന്നെന്നെ നോക്കി. ഞാൻ പെട്ടു. ചേച്ചിയാണേൽ ഓടി ഒളിക്കേം