Chapter Title : തമി 3 [Maayavi]

തന്നെ നോക്കിയിരിക്കുന്ന ലെച്ചുനെ.ഈശ്വരാ എനി എന്തെല്ലാം ചോദ്യങ്ങൾ നേരിടേണ്ടി വരുവോ ന്തോ.ആരാ വിളിച്ചെന്നു ചോദിച്ചാൽ എന്തോ പറയും.അമ്മയാണെന്ന് പറയാൻ പറ്റില്ല തോട്ടുമുൻപല്ലേ അമ്മ വിളിച്ചേ പിന്നെയാരാന്നു പറയും.ശ്യാമേച്ചിയാണെന്ന് പറയാം മാലുനെ പോലെ കിള്ളി കിള്ളി ചോദിക്കില്ലാരിക്കും.ഹെയ്യ് ഇവ്വളുടെ തബല വായന ഇതുവരെ നിന്നില്ലേ.ലെച്ചുനെ നോക്കി ഒന്നും ചിരിച്ചു.പോരേ പൂരം മാലപ്പടക്കത്തിന് തിരി കൊളുത്തിയപോലെ

""ആരാ വിളിച്ചേ""

കണ്ണു കൂർപ്പിച്ചു നോക്കുവാ.ഈശ്വരാ ഭഗവാനെ നല്ലതു ചെയ്താൽ നല്ലതു കിട്ടണേ!

""ശ്യാമേച്ചിയാരുന്നു""

""ഏത്.. നമ്മടെ ശ്യാമായോ""

അവിടെ അക്ഷചാര്യമാണ് ഭാവം.ആണെന്ന് തലയാട്ടി.

""അല്ല അവളുമായി നിനക്കെങ്ങനെ പരിചയം""

ശ്ശെടാ ഈ തള്ളയിതു വിടുന്ന ലക്ഷണമില്ലല്ലോ.

""അത്… ഇന്നലെ ഇവിടെയുണ്ടാരുന്നാല്ലൊ… അപ്പോ പരിചയപ്പെട്ടു""

""ങ്ഹേ… അപ്പോഴേക്കും നമ്പറൊക്കെ കൊടുത്തോ..""

കോപ്പ്!എനിക്കാണ് തെറ്റു പറ്റിയത് ലെച്ചു കൂടുതൽ ചോദ്യമൊന്നും ചോദിക്കില്ലെന്ന് കരുതിയ ഞാനാണ് പൊട്ടൻ.ഒന്നുല്ലേലും മാലുന്റെ അമ്മയാണെന്ന് ഓർക്കേണ്ടതാരുന്നു.

""ആട്ടെ ഇപ്പോ എന്തിനാണ് വിളിച്ചേ""

""അത്… ഇന്നു നടക്കാൻ കാണാത്തോണ്ടു… എന്തുപറ്റിയതാണെന്നറിയാൻ..""

""അല്ല നീ നടക്കാൻ പോകുന്നതൊക്കെ അവൾ എങ്ങനറിഞ്ഞു""

ചോദ്യത്തിന് മേലെ ചോദ്യങ്ങളാണല്ലോ എന്റീശോയെ!

""എന്റെ പൊന്നു ലെച്ചു.. ഇന്നലെ ആ ചേച്ചിയിവിടെ വന്നപ്പോളഴാ വർഷങ്ങൾക്ക് ശേഷം ഞങ്ങൾ കാണുന്നത് തന്നെ.പിന്നെ അന്ന് രാവിലെ അതുവഴിയാണ് ഞാൻ നടന്നു പോയത് പോലും. അവർ എന്നെ കണ്ടു ഇവിടെ വന്നപ്പോൾ മനസിലായി അതു ഞാനാണെന്ന് അപ്പോള് എന്തേലും ആവശ്യമുണ്ടെൽ വിളിക്കാനായി അവരാണെന്റെ നമ്പർ വാങ്ങിയത്.ഇന്നു നടക്കാൻ കാണാതോണ്ട് ഒന്നു വിളിച്ചു തിരക്കിയതാ… പോരേ… എന്റമ്മോ എന്തോന്നിതു പോലീസോ… ഹോ""

ചിരിക്ക്യാ.ഹോ ലവൾ ലെച്ചുന്റെ കാലുപിടിക്കയാനെങ്കിലും ഞങ്ങൾ സംസാരിച്ചതെല്ലാം കേട്ടിട്ടുണ്ട്.

""വന്നിട്ടു ഒരാഴ്ചപോലും ആയില്ലലോ അതിനു മുന്നേ സുഖവിവരങ്ങൾ തിരക്കാൻ ആളുകളായല്ലോ""

ഒരു പ്രതേക ടോണിൽ കളിയാക്കുന്ന രീതിയിലാണ് പറച്ചിൽ.സ്വാഭാവികമായും തല താന്നു പോയി.കുഞ്ഞിപ്പിള്ളേർ തെറ്റു ചെയ്യുമ്പോൾ കാണിക്കുന്നപോലെ ചുണ്ടും പിളർത്തി കിടന്നു.എന്റെ ആ എക്സ്പ്രസ്ഷൻ ഞാൻ കണ്ടിരുന്നേൽ ഉറപ്പായും ചിരിച്ചുപോയേനെ പിന്നാണോ ലെച്ചു.ആള് പൊട്ടി ചിരിച്ചു.ആ ചിരി മുറിയാകെ പ്രതിഫലിച്ചു.

""ഹാ മാലൂ അറിയേണ്ട ശ്യാമയുമായുള്ള കൂട്ട്""

തലയിലൊരു കൊട്ടു തന്നു പറഞ്ഞു.വേദനിച്ചില്ല എന്നലും ചുമ്മ തലയും തിരുമ്മി നല്ലപോലെ ഞെളിഞ്ഞു കിടന്നു.

""അതെന്താ""