Chapter Title : തറവാട്ടിലെ നിധി 1 [അണലി]

ഉള്ളത്...

അച്ഛൻ പിന്നെയും വിവാഹം ചെയ്തെങ്കിലും ആ ബന്ധത്തിൽ പിള്ളേരൊന്നും ഉണ്ടായില്ല... ഞാൻ കാറിന്റെ വാതായനത്തിൽ തല ചായിച്ചു മുന്നിൽ ഇരിക്കുന്ന അച്ഛന്റെ മുഖത്തേക്ക് നോക്കി... വർഷങ്ങൾ കേസ് കളിച്ചിട്ട് കിട്ടാതിരുന്ന എന്നെ അമ്മയുടെ മരണത്തിലൂടെ കിട്ടി എന്നൊരു തോന്നൽ കാണുമോ അയാൾക്ക്‌...

നര കേറിയ മീശക്കും താടിക്കും ഇടയിൽ ഒരു മന്ദഹാസം അയാൾ ഒളിപ്പിച്ചു വെച്ചിട്ടുണ്ടോ... മരണ കിടക്കയിൽ വെച്ചു അമ്മക്കു കൊടുക്കേണ്ടി വന്ന ഒരു വാക്ക് ഓർത്തു മാത്രം ആണ് ഞാൻ ഇവർ വിളിച്ചപ്പോൾ ഇറങ്ങി വന്നത്, അച്ഛൻ വന്നു വിളിച്ചാൽ നീ കൂടെ പോവണം അല്ലേൽ എന്റെ കുഞ്ഞ് ഒറ്റക്കു ആയി പോവും അങ്ങനെ വന്നാൽ അമ്മക്കു ഒരിക്കലും മോക്ഷം കിട്ടില്ലാ എന്ന അമ്മയുടെ വാക്കുകൾ ഓർത്താണ് എന്റെ അമ്മയെ ദ്രോഹിച്ച ആ തറവാട്ടിലേക്കു ഞാൻ പോവുന്നത്...

ചിറ്റില്ലത്തിൽ ഇപ്പോഴും പെൺ ഭരണമാണെന്ന് അമ്മ കളി പറയുന്നത് കേട്ടിട്ടുണ്ട്, അവിടെ ചെന്നിട്ടു എന്നെ ഭരിക്കാൻ വെല്ലോം വന്നാൽ വിവരമറിയും എന്ന് ഞാൻ മനസ്സിൽ ഉറപ്പിച്ചു...

‘’ശ്രീ ഉറങ്ങിയോ...,‘’

വണ്ടി ഓടിക്കുന്ന ആൾ എന്നോട് ചോദിച്ചു,

‘’ഇല്ലാ...‘’

എന്ന് ഞാൻ മറുപടി കൊടുത്തു.

‘’മോൻ മടുത്തു കാണും അല്ലേ... നമ്മൾ എത്താറായി, ചെന്നിട്ടു നല്ല തണുത്ത വെള്ളത്തിൽ ഒന്ന് മുങ്ങി കുളിച്ചാൽ ക്ഷീണം എല്ലാം മാറും... ‘’

അച്ഛൻ തല പുറകോട്ടു തിരിച്ചു പറഞ്ഞു ഞാൻ അതിനു മറുപടി ഒന്നും പറഞ്ഞില്ല...

‘’മുങ്ങി കുളിയൊന്നും ശ്രീക്കു ശീലമില്ലലോ ഏട്ടാ, അവനു കുളിക്കാൻ ഉള്ള വെള്ളം ഞാൻ ചൂടാക്കി കൊടുത്തോള്ളാം... ‘’

എന്റെ അടുത്ത് ഇരുന്ന സ്ത്രീ പറഞ്ഞിട്ട് എന്നെ നോക്കി ഒരു ചിരി തൂകി...

ഒരു നീല കോട്ടൺ ഷർട്ടും നീല കരയുള്ള വെള്ള മുണ്ടുമാണ് അച്ഛന്റെ വേഷം, താടിയും മുടിയും പൂർണമായും നരച്ചിട്ടുണ്ട്, ചുളിഞ്ഞു തുടങ്ങിയ നെറ്റിയിൽ ചന്ദന കുറിയും കൈയിൽ ഒരു പഴയ വാച്ചും ഉണ്ട്... എന്റെ അത്ര തന്നെ ഉയരമുണ്ടെങ്കിലും എന്നെകാൾ മെലിഞ്ഞു ആണ് ആൾ...

അമ്മ കാണിച്ചു തന്നിട്ടുള്ള പടത്തിലെകാളും നല്ലതുപോലെ മെലിഞ്ഞ കോലം... എന്നെക്കാൾ നിറം ഉണ്ടെന്നും തോന്നി, അമ്മക്ക് നിറം കുറമായിരുന്നു, എനിക്കു അച്ഛന്റെ നിറം ആണെന്ന് അമ്മ എപ്പോഴും പറയുമായിരുന്നു...

വണ്ടി ഓടിക്കുന്നത് അച്ഛന്റെ അനിയത്തി ശോഭനയുടെ കെട്ടിയോൻ ആണെന്ന് തോനുന്നു, ബാലൻ എന്ന് അച്ഛൻ വിളിക്കുന്നത് കേട്ടു,അയാൾ തിരിച്ചു വല്യളിയാ എന്നും... പുള്ളി ഒരു കറുപ്പ് ഷർട്ടും