Chapter Title : തറവാട്ടിലെ നിധി 19 [Jack Sparrow]

ഞാൻ മീനാക്ഷിയെ ഡോക്ടറെ കാണിച്ചു, അവളെ സിനിമക്ക് കൊണ്ടുപോയി കടലും കാണിച്ചു… എന്താ പോരെ…. അവൾ സന്തോഷായി ഇരിക്കുന്നുണ്ട്…”

“.... ഏഹ്… എന്നിട്ട് ചേച്ചി എന്നോട് ഒന്നും പറഞ്ഞില്ലല്ലോ….”

“ഓ…അത് നിൻ്റെ ചേച്ചിയോട് ചോദിക്ക്…”

“ശ്രീ… നീ വെറുതെ പറയുക അല്ലേ, ആശുപത്രിയിൽ കൊണ്ട് പോയി അത്ര അല്ലെ ഉള്ളൂ…”

“ഞാൻ എന്തിനാ വെറുതെ ഓരോന്ന് പറയുന്നേ… ഒരു കുഞ്ഞ് വയറ്റിൽ ഉള്ളതല്ലേ, മീനുവിന് സന്തോഷം ഉള്ള കാര്യങ്ങൾ വേണ്ടേ ചെയ്യാൻ….”

“മീനുവോ…”

“ആ ഡോക്ടർ അങ്ങനെയാ മീനാക്ഷിയെ വിളിക്കുന്നത്, അപ്പൊ പിന്നെ ഞാനും അങ്ങനെ ആക്കി വിളി…എന്താ ഇപ്പൊ… നിൻ്റെ പ്രശ്നം…”

‘മീരയുടെ മുഖത്ത് അസൂയയും കുശുമ്പും ഒക്കെ എനിക്ക് മനസ്സിലായി…. പെണ്ണിന് നല്ല സ്വാർത്ഥത ആണല്ലോ, അപ്പൊ ശരിക്കും നിനക്ക് എന്നെ ഇഷ്ടം ആണോ !

അതോ ഞാൻ ഹാപ്പി ആയി ഇരിക്കുന്നത് കാണുന്നത് ഇഷ്ടം അല്ലാത്തത് ആണോ’ എൻ്റെ മനസ്സ് എന്നോട് തന്നെ ചോദിച്ചു…

“എനിക്കൊരു പ്രശ്നോമില്ല, വയറ്റിൽ ഒരു ജീവൻ ഉള്ളതാ, തെണ്ടി നടക്കുവാ എന്നിട്ട്… ഞാൻ പറയുന്നുണ്ട് അവളോട്…”

“എന്തേലും ചെയ്യ്….” അപ്പോഴേക്കും ഞങ്ങൾ അമ്പലത്തിൽ എത്തി…

വണ്ടി പൂജിക്കുമ്പോൾ മീര തൊഴാൻ ആയി ഇറങ്ങി…. അപ്പോളാണ് ഹരികൃഷ്ണൻ്റെയും ഹർഷയുടെയും അപ്രതീക്ഷിതമായ വരവ്..

“ഹായ് ശ്രീഹരി, പുതിയ വണ്ടി എടുത്തല്ലേ…. ഒരുപാട് പൊട്ടിച്ചല്ലോ…” ഹരി ഇളിച്ചുകൊണ്ട് പറഞ്ഞു

“ഓ…. ഒരു ആഗ്രഹം തോന്നി അങ്ങ് വാങ്ങിച്ചു… അല്ല എന്താ ഇവിടെ..” ഞാൻ ഇച്ചിരി കനത്തിൽ പറഞ്ഞു…

“അമ്പലത്തിൽ എല്ലാരും വരുന്നത് എന്തിനാ…. തൊഴാൻ…By the way Congrats ശ്രീ…” ഹർഷ