Chapter Title : The Visual [Padmarajan]

പറഞ്ഞു.

“ലീന മാഡം,കോൺട്രാക്ട് ഒപ്പിട്ടപ്പോൾ 3 ബെഡ്റൂം സീൻ ആണ് പറഞ്ഞതല്ലോ, അത് നാല് ആക്കാൻ പറ്റുമോ. പേ ചെയ്യാൻ അന്തോണി തയ്യാറാണ്.”

“നാലോ, ഏതാ നാലാമത്തെ സീൻ “

ബാലുവാണ് തിരിച്ചു ചോദിച്ചത്.

“അത്, അതിപ്പോ മകളുടെ ജീവൻ രക്ഷിക്കണം എന്ന് പറഞ്ഞു കൊണ്ട് ലീന മാഡത്തിന്റെ കഥാപാത്രം സാദിഖ് അലി ചെയ്യുന്ന പയ്യന്റെ അച്ഛന്റെ അടുത്ത് യാചിക്കാൻ പോകുന്നതും അവിടെ വെച്ച് എന്തിനും തയ്യാറാക്കുന്നതും ആയ ഒരു സീൻ പുതിയതായി ചേർത്തിട്ടുണ്ട്"

അല്പം പതർച്ചയോടെ ജോണി ജോസഫ് പറഞ്ഞു വെച്ചു.

"അയ്യേ, അയ്യേ ചെ ചേ ച്ചേ, ആ കഥാപാത്രത്തിന്റെ ബിൽഡപ്പ് മൊത്തം നശിപ്പിക്കും, എന്തോന്നിതു അന്തോണി നീയും സമ്മതിച്ചോ"

അല്പം ആടിയാടി അന്തോണി ബാലേട്ടന്റെ ചെവിയിൽ എന്തോ പറയാൻ വന്നു

"എന്തോന്നിതു രഹസ്യം, ലീനക്ക് അറിയാത്ത രഹസ്യം ഒന്നും വേണ്ട, നീ ഉറക്കെ പറ"

മദ്യത്തിന്റെ ലഹരി ചെറുതായി പിടിച്ചു തുടങ്ങിയ ഇടറിയ ശബ്ദത്തിൽ എന്നാൽ ഒച്ച കുറച്ചു അന്തോണി പറഞ്ഞു

"അത് കഥയുടെ ബൈലൈൻ കേട്ട സാദ്ധിക് ഇക്ക പറഞ്ഞിട്ടാണ്"

"എന്തോന്ന് "

"അതിപ്പോ" ലീന കേൾക്കുമെന്ന ചമ്മലിൽ അന്തോണി തല ചൊറിഞ്ഞു കൊണ്ട് പറഞ്ഞു

"ബാലേട്ടന് 2 ബെഡ്‌റൂം സീൻ, അതും 2 നായികമാരുമായി, ലീന ചേച്ചിക്ക് 3, നിശാ ശരത്തിന് 2 ആ പുതിയ പയ്യന് വരെ 2. ഇത്രേം സെക്സ് സീൻ ഉണ്ടായിട്ടും സാദിക്ക് അലിക്ക് ഒന്നുമില്ലേൽ അങ്ങേരുടെ ഫാൻസിനു വിഷമം ആകുമത്രേ. അങ്ങേരുടെ പിക്കപ്പ് പോയെന്ന് റൂമർ ഇറക്കും"

ആദ്യം പൊട്ടിചിരിച്ചത് ലീന ആണ്, തൊട്ടു പിറകെ ബാലേട്ടനും. ചിരി അടക്കിയ ശേഷം ബാലു അല്പം സീരിയസ് ആയി തന്നെ പറഞ്ഞു.

"ജോണി നല്ല സിനിമ ഇമ്മാതിരി ഉടായിപ്പ് കാണിച്ചു കുളമാക്കരുത്. അവനു വേണേൽ വേറെ പടത്തിൽ എന്തേലും നീ കൊടുത്തോ.

ഇതിൽ അവന്റെ കഥാപാത്രം ഒരു ജന്റിൽമാൻ ആണ്. അതങ്ങനെ തന്നെ മതി, ഓരോ കോപ്പിലെ ഐഡിയ ആയി ഇറങ്ങിക്കോളും. "

നേരിപ്പാടിലെ തീ ഒന്ന് ആഞ്ഞു കത്തിച്ചു കൊണ്ട് തിരിച്ചു വന്നിരുന്ന ജോണി പറഞ്ഞു, "എനിക്ക് തൃപ്തി ഉണ്ടായിട്ട് എഴുതിയത് അല്ല, കളഞ്ഞേക്കാം.

ജോണി ജോസഫ്, യുവ സംവിധായകൻ, അടുപ്പിച്ചു 3 സിനിമകൾ ബോക്സ്ഓഫീസിൽ തകർന്ന ശേഷം കാത്തിരുന്നു കിട്ടിയ സൂപ്പർസ്റ്റാർ സിനിമയുടെ തിരക്കഥ ഏതാണ്ട് പൂർത്തിയായ ശേഷം, അത് വരെ ഉള്ള പ്രോഗ്രസ്സ് വായിച്ചു കേൾപ്പിക്കാനും,