Chapter Title : തേജാത്മികം 8 [Nishinoya]

എന്ത് വിലകൊടുത്തും ഞാൻ അത് നടത്തും. കൊടുത്ത വാക്ക് തെറ്റിക്കുന്ന പതിവ് മംഗലത്ത്കാർക്ക് ഇല്ല. അങ്ങനെ സംഭവിച്ചാൽ ഈ മംഗലത്ത് ശ്രീധരൻ ജീവനോടെ ഉണ്ടാവില്ല😡..." ദേവനോട് അത്രയും കടുപ്പിച്ച് പറഞ്ഞ ശേഷം പുള്ളി താഴേക്ക് പോയി.

ഈ വിവാഹം മുടക്കാൻ കഴിയില്ല എന്ന് ദേവൻ വഴി തേജസ്‌ അറിഞ്ഞതോടെ തേജസ്‌ കൂടുതൽ ധർമസങ്കടത്തിലായി. ഇനി എന്ത് ചെയ്യും എന്ന് ഒരു പിടിയും ഇല്ല. ദേവു ആണെങ്കിൽ തേജസ്‌ ഈ കല്യാണം മുടക്കി തന്നെ വിളിച്ചിറക്കും എന്നാ പ്രതീക്ഷയിൽ ആണ്. കല്യാണ ദിവസം അടുത്തെത്തി എന്ത് ചെയ്യണം എന്ന് ഒരു പിടിയും ഇല്ലാതെ തേജസ്‌ കുഴഞ്ഞു.

"...എന്താ ആശാനേ പ്രശനം..." സമാധാനം ഇല്ലാതെ ഷോപ്പിൽ അങ്ങോട്ടും ഇങ്ങോട്ടും നടക്കുന്ന തേജസിനെ കണ്ട് കിച്ചു ചോദിച്ചു.

"...എന്ത് പ്രശ്നം... ഒരു പ്രേശ്നവും ഇല്ല..." തേജസ്‌ നിസാരമട്ടിൽ ഒഴിയാൻ നോക്കി.

"... അല്ല എന്തോ ഉണ്ട്. ദേവു ചേച്ചിയുടെ നിച്ഛയം തൊട്ട് ഞാൻ ശ്രെദ്ധിക്കുന്നതാ ആശാന്റെ ഈ മാറ്റം. എന്താണെങ്കിലും എന്നോട് പറയ്..." അവസാനം കിച്ചുനോട് എല്ലാം പറയേണ്ടി വന്നു.

"...ഇത്രയും വലിയ ചെറ്റക്ക് ആണോ ദേവു ചേച്ചിയെ വിവാഹം കഴിച്ചു കൊടുക്കാൻ നോക്കുന്നെ..." കേട്ടത് ഒന്നും വിശ്വസിക്കാനാകാതെ കിച്ചു ചോദിച്ചു.

"... ഞാൻ എന്ത് ചെയ്യാനാടാ..."

"... ആശാൻ ദേവേട്ടനോട് എല്ലാം പറഞ്ഞോ..."

"... എല്ലാം പറഞ്ഞില്ല. നിരഞ്ജൻ കോളേജിൽ ഒരു പെണ്ണിനോട് മോശമായി പെരുമാറി എന്നെ പറഞ്ഞോളൂ. അത് ദേവു ആണെന്ന് പറഞ്ഞില്ല..."

"... ശേ... ആശാന് അത് ദേവു ചേച്ചി ആണെന്ന് പറഞ്ഞൂടായിരുന്നോ..." നിരാശയോടെ കിച്ചു ചോദിച്ചു.

"... എടാ അന്ന് ഈ സംഭവം നടക്കുമ്പോൾ ദേവുവിന്റെ പേര് ഇതിലേക്ക് വലിച്ചിഴക്കാതിരിക്കാൻവേണ്ടിയാ അന്ന് അവളുടെ പേര് മറച്ചു വച്ചത്. പിന്നീട് അവളും പറഞ്ഞു ദേവനും ഇതേ പറ്റി അറിയിക്കണ്ട എന്ന്..."

"...അതിന്..."

"... എടാ സ്വന്തം പെങ്ങളെ ഒരുത്തൻ കേറിപ്പിടിക്കാൻ നോക്കിയിട്ട് അവന്റെ കൂട്ടുകാരനും പെങ്ങളും അവനിൽ നിന്നും അത് മറച്ചാൽ അവൻ എന്ത് കരുതും. അതാ ഞാൻ ദേവു ആണ് ആ പെണ്ണ് എന്ന് അവനോട് ഇപ്പൊ പറയാത്തെ..."

"... ഓ ആശാൻ പറയുന്നത് കേട്ട് എനിക്ക് പ്രാന്ത് എടുക്കുന്നു..."

"... ഇപ്പൊ എന്താ ദേവു ചേച്ചിയുടെ വീട്ടുകാരുടെ സ്റ്റാന്റ്..."

"... ഈ കല്യാണം നടത്തിയെ അടങ്ങു എന്നാ വാശിയില അവളുടെ അച്ഛൻ. ദേവൻ ആണെങ്കിൽ ഇതിനെ എതിർക്കാൻ പറ്റാത്ത