Chapter Title : തില്ലാന 2 [കബനീനാഥ്]

കേട്ടു കഴിഞ്ഞതും ശരണ്യ ചിരി തുടങ്ങിയിരുന്നു…

“”നടന്നത് തന്നെ… …. “

“” നീ കൂടെ നിൽക്കില്ലേ… ….?””

“” നിന്റെ അച്ഛനും ചേട്ടനും എന്നെ ആദ്യം കൊല്ലും…””

ജയ നഖം കടിച്ചിരുന്നു….

“ ആള് കുഴപ്പമൊന്നുമില്ല…… ഒന്നോ രണ്ടോ വർഷം നിന്നേക്കാൾ മൂത്തതാണെന്നും തോന്നുന്നു…… അതൊക്കെ പോട്ടെ… കക്ഷിയ്ക്ക് നിന്നെ ഇഷ്ടമാണോ… ?”

ജയ മൗനം പാലിച്ചു…

“” പറയെടീ………. “

“” അറിയില്ല… …. “”

ശരണ്യ വീണ്ടും ചിരിച്ചു തുടങ്ങിയിരുന്നു…

“നിനക്ക് നല്ല മുഴുത്ത വട്ടു തന്നെയാണ് മഞ്ജൂസേ………. “

ശരണ്യ അവളുടെ തലയിൽ ഒരു കിഴുക്കു കൊടുത്തു കൊണ്ട് തുടർന്നു..

“” നിനക്കയാളോട് നേരിട്ട് ചോദിച്ച് ഉറപ്പു വരുത്തിക്കൂടേ……….?””

ജയ ശരണ്യയെ അതു കേട്ടതും ഒന്ന് അമർത്തി നോക്കി…

“അല്ലാതെ ഇത് മനസ്സിൽ കൊണ്ടു നടന്നിട്ട് എന്തു കാര്യം…… ?””

“ ഞാനെങ്ങനാ പറയാ……….?””

ജയയുടെ സ്വരത്തിൽ നിസ്സഹായത നിഴലിച്ചു…

“” പിന്നെ നിന്റെ ഇഷ്ടം ഞാനാണോ പറയുക……. ?””

“” നിനക്ക് പറയാമോ……….?””

ജയയുടെ പെട്ടെന്നുള്ള ചോദ്യത്തിൽ ആവേശവും കലർന്നിരുന്നു..

“” കണ്ടോ… പെണ്ണിന്റെ ഒരിളക്കം… “

ശരണ്യ അവളുടെ കവിളിലൊന്നു പിച്ചി വിട്ടു…

“” ഞാനേതായാലും പറയാൻ പോണില്ല… നിനക്ക് വേണമെങ്കിൽ നീ പോയിപ്പറ………”

ശരണ്യ എഴുന്നേറ്റു…

ജയ ഇച്ഛാഭംഗത്തോടെ നോക്കിയത് ശരണ്യ കണ്ടില്ലെന്ന് നടിച്ചു…

പക്ഷേ, കോളേജിന്റെ ഇടനാഴികളിലും വാകമരത്തണലിലും ലൈബ്രറിയിലും അങ്കണത്തിലും ജയമഞ്ജുഷയുടെ മിഴികൾ മുരളീകൃഷ്ണനെ തിരയുകയും കണ്ടെത്തുകയും ഓരോ നറുപുഞ്ചിരികളും മൃദുമന്ദഹാസങ്ങളുമെയ്ത് തന്റെ പ്രണയം പ്രിയപ്പെട്ടവനെ അറിയിക്കുവാൻ ശ്രമിക്കുകയും ചെയ്തു കൊണ്ടിരുന്നു…

മുരളീകൃഷ്ണനാവട്ടെ മന്ദഹാസങ്ങൾ