Chapter Title : തുടക്കം 6 [ne-na]

ഞാൻ അവന്മാരോട് പറഞ്ഞു കൊള്ളാം അശ്വതി രെച്ചുന്റെ കസിൻ ആണെന്ന്. പിന്നെ കുഴപ്പമൊന്നും കാണില്ല."

"താങ്ക്സ് ചേട്ടാ... പിന്നെ എനിക്ക് ഇവിടെ വേറെ ഫ്രണ്ട്‌സ് ഒന്നും ഇല്ല. ആകെ പരിചയം ഉള്ളത് നിങ്ങളെ മാത്രമാ. എന്നെ നിങ്ങളുടെ ഫ്രണ്ട്‌സ് ആയിട്ട് കൂടെ കൂട്ടാമോ?"

രേഷ്മ ആണ് അതിനു മറുപടി കൊടുത്തത്.

"അതിനെന്താ.. അശ്വതി ഒരു കാര്യം ചെയ്യ്.. ഉച്ചക്ക് ഞങ്ങളുടെ ക്ലാസ്സിലേക്ക് വാ... ഫുഡ്  ഞങ്ങളുടെ കൂടെ ഇരുന്നു കഴിക്കാം... അപ്പോൾ ഒരാളെ കൂടി പരിചയ പെടുത്തി തരാം."

"അതാരാ ചേച്ചി?"

"ആര്യ.. ഞങ്ങളുടെ ബെസ്ററ് ഫ്രണ്ട് ആണ്."

"ഓക്കേ. ചേച്ചി ഞാൻ ഉച്ചക്ക് ക്ലാസ്സിൽ വരാം."

അവൾ ബൈക്കിനെ മറികടന്നു മുന്നോട്ടു നടന്നു. അപ്പോൾ കാർത്തിക് അവളെ വിളിച്ചു.

"അശ്വതി.. ഒന്ന് നിന്നെ?"

അവൾ തിരിഞ്ഞു നിന്ന് എന്താ എന്നുള്ള അർത്ഥത്തിൽ അവനെ നോക്കി.

അവൻ രേഷ്മയോട് പറഞ്ഞു.

"രെച്ചു നീ ഒന്ന് അവളോടൊപ്പം ക്ലാസ് വരെ ചെല്ല്.. അവന്മാർ അവിടെ കറങ്ങി നിൽപ്പുണ്ടാകും. നിന്നെ ഒപ്പം കണ്ടാൽ അവന്മാർ അടുക്കില്ല."

രേഷ്മക്കും അത് ശരിയാണെന്നു തോന്നി. അവൾ ബൈക്കിൽ നിന്നും ഇറങ്ങി അശ്വതിക്കൊപ്പം നടന്നു. അവൻ അവർ നടന്നു അകലുന്നതും നോക്കി നിന്നു.

കാർത്തിക് ക്ലാസ്സിൽ ചെന്ന് കയറുമ്പോൾ ആര്യ ഏതോ ബുക്ക് വായിച്ചിരിക്കുകയായിരുന്നു. അവൻ അവളുടെ അടുത്തായി പോയിരുന്നു.

അവൾ ബുക്കിൽ നിന്നും തല ഉയർത്തി അവനെ ഒന്ന് നോക്കി കൊണ്ട് ചോദിച്ചു.

"എന്ത് പറ്റി.. മുഖത്ത് ഒരു സന്തോഷം കാണാനുണ്ടല്ലോ.?"

"ഞാൻ ഒരു കാര്യം പറഞ്ഞാൽ നീ ഞെട്ടരുത്."

അവൾ ആകാംഷയോടെ ചോദിച്ചു.

"എന്താടാ കാര്യം."

"അശ്വതി ഇവിടെ ആണ് പഠിക്കുന്നെ. ഞാൻ ഇപ്പോൾ അവൾ കണ്ടു."

അവൾ അത്ഭുതത്തോടെ ചോദിച്ചു.

"ഇവിടെയോ?"

"നീ കഴിഞ്ഞ ആഴ്ച ഒരു ന്യൂ അഡ്മിഷന്റെ കാര്യം പറഞ്ഞില്ലായിരുന്നോ. അത് അശ്വതി ആയിരുന്നു."

"ശോ.. എനിക്ക് അവളെ ഒന്ന് കാണാമായിരുന്നല്ലോ."

അപ്പോഴേക്കും അശ്വതിയെ ക്ലാസ്സിൽ ആക്കിട്ടു രേഷ്മ അവിടേക്കു എത്തിയിരുന്നു. അവൾ പറഞ്ഞു.

"നീ വിഷമിക്കണ്ട ആര്യേ. ഇവന്റെ മനസിലാക്കിയ പെണ്ണിനെ നിനക്കിന്നു ഉച്ചക്ക് കാണാം, നമ്മളോടൊപ്പം