Chapter Title : തുടക്കവും ഒടുക്കവും 6 [ശ്രീരാജ്]

ദിനങ്ങൾ ഓർത്തെടുത്തു കൊണ്ടിരുന്നു. അഭിക്ക് ഓരോ നിമിഷവും മഞ്ജിമയെ മിസ്സ്‌ ചെയ്യുന്ന പോലെ തോന്നി. അഭിക്കു പക്ഷെ കാമം ആയിരുന്നില്ല മനസ്സിൽ, മറിച്ച്, മഞ്ജിമ തന്റെ ലൈഫിൽ ഉണ്ടായിരുന്നെങ്കിൽ, അമ്മയോട് താൻ പോയി പറഞ്ഞാലോ എന്നുള്ള ചിന്തകൾ ആയിരുന്നു അഭിക്ക് മനസ്സിൽ.

മഞ്ജിമയോട് പറയണം എന്ന് തോന്നി അഭിക്ക്. പക്ഷെ മഞ്ജിമ എന്തോ തന്നെ ഒഴിവാക്കുന്ന പോലെ തോന്നി അഭിക്ക്.

മൂന്നു നാല് ദിവസം മെസ്സേജ് അയച്ചിട്ടും, വിളിച്ചിട്ടും ഒരു റെസ്പോൺസും കിട്ടാതെ ആയപ്പോൾ അഭി വിചാരിച്ചു " ഒരുപക്ഷെ തന്റെ കഥകൾ കേട്ടു അപ്പോൾ ഒന്നും പറഞ്ഞില്ലെങ്കിൽ കൂടി പിന്നെ തോന്നി കാണും ഇവൻ എന്ത് തന്തയില്ലാത്തവൻ ആണ് എന്ന് "....

ഫാത്തിമക്കും മഞ്ജിമക്കും മാത്രമേ അറിഞ്ഞിരുന്നുള്ളു മഞ്ജിമയുടെ മനസ്സിന്റെ പിരി മുറുക്കം എത്രത്തോളം ആയിരുന്നു പിന്നീട് ഉള്ള ദിനങ്ങൾ എന്ന്...

....................................................................... രണ്ട് മാസം കഴിഞ്ഞിരിക്കുന്നു, ഒരു ഫോൺ വിളിയോ മെസ്സേജോ അഭിക്കു അയച്ചിട്ട്. .........................................................................

മെസ്സേജ് അയച്ച് റിപ്ലേ ഒന്നും ഇല്ലാത്തതു കൊണ്ടാണ് മഞ്ജിമ ഫോൺ വിളിച്ചത് അഭിയെ....

ഫോൺ എടുത്തു എങ്കിലും ശബ്ദം അഭിയുടേതായിരുന്നില്ല. അതുകൊണ്ട് തന്നെ മഞ്ജിമ സോറി പറഞ്ഞു ഫോൺ കട്ട്‌ ചെയ്യാൻ തുടങ്ങുമ്പോൾ അപ്പുറത്ത് നിന്നും കേട്ടു : മഞ്ജിമ ആണോ?..... ഹെലോ??..

ഫോൺ എടുത്തവൻ : ഞാൻ നവീൻ, അഭിയുടെ കോലീഗ് ആണ്..

മഞ്ജിമ : ഓകെ,,...

നവീൻ : മഞ്ജിമ, നിങ്ങൾ ആരാണെന്നോ എന്താണെന്നോ ഒന്നും എനിക്കറിയില്ല.

മഞ്ജിമ കേട്ടിരുന്നു.......

നവീൻ : അഭി ബാംഗ്ലൂർ എത്തിയ മുതൽ എന്റെ കൂടെ ആണ് താമസം. ആവനും, ഞാനും സുദേവും... ഒരു ഫ്ലാറ്റിൽ ആണ്, ഒരേ സ്ഥലത്ത് ആണ് ജോലിയും.

മഞ്ജിമ : പറയൂ കേൾക്കുന്നുണ്ട്,,..

നവീൻ : കേട്ടാൽ പോരാ, എന്തെങ്കിലും ചെയ്യണം.. അതുകൊണ്ടാ പേര് കണ്ടപ്പോൾ ഫോൺ എടുത്തേ.

മഞ്ജിമ ഫോൺ ലൗഡ് സ്പീക്കറിൽ ഇട്ടു : എന്താ പ്രശ്നം...

നവീൻ : അതാണ് ഞങ്ങൾക്കും അറിയാത്തത്. എന്താ ഇവന്റെ പ്രശ്നം എന്ന്. അടിച്ചു കൊണം തെറ്റി അവൻ പറയുന്ന പേര്, മഞ്ജിമ, മഞ്ചൂമ്മാ,