Chapter Title : ട്വിൻ ഫ്ലവർസ് 1 [Eros - God of Lust]

പുഞ്ചിരിയോടെ ഞങ്ങൾ സ്വീകരിച്ചു. വല്യമ്മയുടെ മുഖത്ത് അഭിമാനം നിറഞ്ഞു നിന്നു.

ഡാലിയ പെട്ടന്ന് നടന്ന് അടുത്തേക്ക് വന്ന് വല്യമ്മയ്ക്ക് കവിളിൽ ഉമ്മ കൊടുത്തു. എന്നിട്ട് ഒരു തീരുമാനത്തില്‍ എത്താന്‍ കഴിയാത്ത പോലെ അവള്‍ എന്നെ നോക്കി.

എന്നെയും ചുംബിക്കാൻ അവളുടെ ചുണ്ടുകള്‍ വെമ്പുന്നത്ത് പോലെയാണ് എനിക്ക് തോന്നിയത്‌.

“നിങ്ങൾ രണ്ടുപേരുടെയും നല്ല പ്രകടനം ആയിരുന്നു, ആന്റി.” ഡാലിയ പറഞ്ഞിട്ട് തിരികേ ചെന്നു. ഞാനും ചെന്ന് എന്റെ പഴയ സ്ഥലത്തിരുന്നു.

“ഇനി അഭിനവ് വാ.” വല്യമ്മ വിളിച്ചു.

“നിങ്ങൾ രണ്ടുപേരും ആടിയത് പോലെ എനിക്ക് കഴിയില്ല.. എന്നാലും ഞാൻ ശ്രമിക്കാം.” പറഞ്ഞിട്ട് അവന്‍ ഓടിച്ചെന്നു.

വല്യമ്മ കൊറേ പറഞ്ഞു കൊടുത്തിട്ടും അവന്റെ ഡാൻസ് അത്ര ശരിയായില്ല. പക്ഷേ കാണാന്‍ രസമുണ്ടായിരുന്നു. വെറും അഞ്ച് മിനിറ്റ് കഴിഞ്ഞ് വല്യമ്മ അവനെ പറഞ്ഞു വിട്ടിട്ട് അടുത്ത ആളെ വിളിച്ചു.

അങ്ങനെ ഓരോരുത്തരായി ചെന്ന് വല്യമ്മയുടെ കൂടെ ഡാൻസ് ചെയ്തു. എന്നെപോലെ ചെറു പ്രായം തൊട്ടേ ഡെയ്സിക്കും ഡാലിയക്കും വല്യമ്മ ഡാൻസ് പഠിപ്പിച്ച് കൊടുത്തിരുന്നത് കൊണ്ട്‌ ഡാലിയ നന്നായി ഡാൻസ് ചെയ്തു. അതുപോലെ മിനിയും ഷാഹിദയും രാഹുലും ഡാൻസ് പഠിച്ചിട്ടുള്ളത് കൊണ്ട്‌ അവരും നല്ലത് പോലെ ഡാൻസ് കളിച്ചു.

വല്യച്ചനും അങ്കിളും വലിയമ്മയുടെ കൂടെ ഡാൻസ് ചെയ്തപ്പോ എല്ലാവരും പൊട്ടിച്ചിരിച്ചു പോയി. വല്യമ്മ പോലും ചിരിച്ചു. സോഫിയ ആന്റി അത്ര കുഴപ്പമില്ലാതെ ഡാൻസ് കളിച്ചെങ്കിലും എല്ലാവർക്കും ചിരി പൊട്ടി. ഒടുവില്‍ എല്ലാവരും ഡാൻസ് ചെയ്ത ശേഷമാണ് വല്യമ്മ മതിയാക്കിയത്.

എല്ലാവരും ശെരിക്കും എൻജോയ് ചെയ്തു. എല്ലാവർക്കും മനസ്സ് നിറഞ്ഞ സന്തോഷമായി.

“ശെരി. സമയം രാത്രി രണ്ട് കഴിഞ്ഞു. ഇനി ഇന്നത്തെ ആഘോഷം മതിയാക്കി ഉറങ്ങാം.” വല്യമ്മ പറഞ്ഞതും എല്ലാവരും സമ്മതിച്ചു.

“പിന്നേ, കുട്ടികളെ ഓര്‍ത്ത് ആരും വിഷമിക്കേണ്ട, അവരെ ഞങ്ങൾ നോക്കിക്കോളാം.” ആന്റി പറഞ്ഞതും കുട്ടികളുടെ അമ്മമാര്‍ നന്ദി പറഞ്ഞു.

താഴത്തെ മൂന്ന്‌ മുറികളിലായിട്ടാണ് കുട്ടികളും, അങ്കിളും ആന്റിയും, പിന്നെ വല്യമ്മയും വല്യച്ചനും കിടക്കുന്നത്. മുകളിലത്തെ മൂന്ന്‌ മുറികള്‍ ഒഴിഞ്ഞും കിടപ്പുണ്ട്.

“നമുക്ക് ടെറസിൽ കൂടാം. അപ്പോ പിന്നെ ബഹളം ഉണ്ടാക്കിയാലും താഴെയുള്ളവർക്ക് ശല്യമാവില്ല.”